#روايه_المتيمه ❤️
-الحلقه ال 18🌹
#بقلمي نور الاسلام 🧘🏼♀️
خالد: لف لجيها المطبخ وخش من الباب الخارجي لقي حنان تغسل في المواعين،حنان
حنان:عاطياته بظهرها اول ماسمعت اسمها تجمدت في مكانها وقلبها قعد يدق بقوه 💔
شاديه:تشرب في الميه،حنان متسمعيش في خالد ينادي فيك
حنان; شبحت في ويادوب طلع صوتها،، ن نعم
خالد:تعالي شوي دقيقه بس
حنان; علاش!!
خالد: طلع من المطبغ ووقف،، برا قعد يراجي فيها
حنان: شبحت في شاديه،، ش شن يبي
شاديه: وين نندري عليه اني بري اشبحي
حنان: طلعت وحاسه برجلها رزان هلبا والف سؤال جي بالها وقفت بعيد شوي،، نعم
خالد: تعالي قربي شوي
حنان: قربت وقفت قدامه وهيا مرتبكه وخاشه بعضها
خالد: حنان شن فيك اني مزعلك في حاجه راهو ليا فتره ملاحظك متغيره عليا هلبا مش زي قبل
حنان:خدت نفس ،لا بلعكس مافيش شي
خالد:ضم. ايدي لصدره وقعد يشبح فيها كيف منزله راسها ومرتبكه،، يومها كنتي بتحكي معاي ف موضوع بس صار معاي ظرف وعطلت ع خاطر هكي. زعلتي
حنان: خدت نفس،،لا مش زعلانه اني قتلك ما
خالد: قطع عليها ،،باهي حاب نسمع اني شن هوا الموضع
حنان: رفعت راسها وشبحت في🔥،، خلاص فات الاوان وتاخرت هلبا
خالد: حتى تو في وقت نبي نسمع منك اني
حنان; عيونها دمعو تبي تعرف شن هوا الموضوع ولا
خالد: قعد يشبح فيها ،،بتركيز ياريت والله
حنان; قعدت تشبح في عيونه مده وعيونها دموع،، الموضوع ان اني ن
قطعت عليها شاديه يلي تنادي فيها من المطبخ
شاديه: بصوت عالي،،حنان بسرعه تعالي اشبحي المفروم تو يشيط اني لاهيا
حنان:ا ا هاني جايه ،وجت بتخش
خالد: شد ايدها،اوعديني ان نحكو
حنان: بسرعه ماجبدت ايديها،وخشت للمطبخ من غير ماترد
خالد: قعد يشبح فيها لين خشت وتنهد بقوه وهوا بيموت ويعرف خيرها وشن هوا الموضوع وفي نفس الوقت في داخله شعور حلو كل مايشبحها قدامه يحب هدؤها هلباا❤️
شاديه: وهيا تقرض في البصل شبحت في حنان يلي تحرك في المفروم واضح ان شاده بكيتها 💔،، خيرك شن فيك حنان
حنان;وهيا تفكر في رده فعل خالد لو اعترفت هيا كيف بتكون وفي داخلها الحمدلله يمكن لو اعترفت بحبي لي كنت خربت كل شي 💔
-----------------------------------
احمد: شاد ايد منار ويشبح في عيونها يلي قريب يطلعو من خوفها،شن اديريي هنييي
منار:قلبها يدق بقوه من الخوف جت بتوقف وتهرب بس احمد كان اقوى منها بهلبا 💔
احمد: قعد وهوا شاد ايدها ويشبح في عيونها قرب من وجها بصوت هادي، تقريبا اني سئلك شن ديري هني
منار: تحاول تجبد ايدها ب برتباك،،ك كن كنت ا اني اني كنتت
ض
احمد: ذاد قرب من وجها لدرجه انفاسهم اختلطت ببعض بصوت هادي،، خيرك خايفه !
منار; تحاول تفك روحه وتوقف،
احمد: حط ايدا الثانيه ع رقبتها من الخلف ونزل وشاحها شوي وهوا يشبح في عيونها بصوت هادي وحط خشمه ع خشمها،، درتيها مره نبيك تعاوديها ثاني🔥
منار; قلبها قعد يدق ونفسها بدي يرقه وينزل وهيا تشبح في عيونه حطت ايدها ع لحيته ودفاته بشوي بصوت يرجف،خليني!
احمد: قعد يشبح في ملامح وجها و عيونها ويشبح لخصله شعرها يلي نازله ع وجها ذادتها جمال بلحيته لمس خدها وقعد يحرك في بشوي ❤️
منار: لما لحيته لمس خدها حست بقشعريره في جسمها ،،بصوت يرجف، ا احمددد
احمد: جي بحكي سمع صوت خالد،، ع طول طلق ايدها
منار: وقفت وقلبها يدق وتشبح في ف الباب بخوف
خالد: وهوا خاش يحكي بتليفون ""وقف قدام باب المربوعه حط ايدا ع المقبض'' قتلك انزلييي تواااا باش تفهمييي
خالد ومنار الزوز قعد يشبحو في الباب بخوف 💔
--------------------------------
