#روايه_المتيمه ❤️
-الحلقه ال 20🌹
#بقلمي نور الاسلام 🧘🏼♀️
#_الجزء الثاني من الحلقه الاخيره🔥
حنان; تمسح في دموعها بمنديل مشش موافقه مستحيل نوافق
شاديه: لاحول ولا قوه الا بالله شن يلي تغير يا حنان
حنان: شبحت في شاديه،، في هلبا حاجات تغيرت خالد مستحيل انوافق عليه مستحيل
شاديه: شدت ايدها،باهي خلاص اهدي حبيبتي كل شي قسمه ونصيب
حنان: هزت براسها،امم
شاديه: هي نمشي اني ان شاء الله خير
حنان; ان شاء الله
شاديه: طلعت وسكرت لقت سناء واقفه تراجي فيها
سناء: قربت منها بصوت واطي،، هااا شن قالت
شاديه: هزت براسها بحزن، قالت لا
سناء: بخيبه،، مش عارفه خيرها تغيرت هكي فجئه غير شن غير رايها
شاديه: تنهدت،ربي يستر وخلاص المهم حاولي معاها انتي وخبريني شن يصير معاك
سناء: ان شاء الله
شاديه: فتحت الباب وطلعت لقت خالد مدرس السياره. مع خيريه ويراجي فيها، فتحت الباب وخشت
خالد: بلع ريقه ،،شن قالت
شاديه: نفس الشي
خيريه: خلوها براحتها
خالد: خدي نفس عميق وزفر بقوه،، شن مشكلتها اهيا تو خيرها
شاديه:الله اعلم بس يلي فهمته منها انها خايفه ان تكون مزال تحب لبنى وان تبي تنساها بيها بس
خالد: قرن حواجبه بعصبيه ،،ننسي لبنى هادي شن تخرف
خيريه: استهدي بالله ياولد
خالد: لا اله الا الله
شاديه: هاده يلي فهمته انيي
خالد: درس السياره ونزلت شاديه مع خيريه
شاديه: المهم خلاها ع راحتها راهو والله عندها الحق تخاف خلاها فتره ع راحتها بالك تغير رايها
خالد: قارن حواجبه،، باهي ان شاء الله خيرر،
شاديه: نزلت وخش للحوش مع خيريه
خالد: ولع السياره وقعد يدور في الشوارع ويفكر كيف بيوصل لي حنان ويحكي معاها طلع تليفونه وضرب ع رقمها بس يعطي في مشغول واضحه ان حاطته في الحظر قعد يدور لين لقي روحه مدرس قدام البحر
-----------------------------------
احمد: حاط ايدا ع خد منار ويمسح عليها بحنان، منارر حبيبي مناررر فيقي
