بداية إلتزام

(الاستغاثه بالله هي النجاه)

لفصل الرابع (بداية إلتزام)
تلفون رؤية يرن برقم غريب في الصباح
رؤية: الوا ايوه مين
ادم: السلام عليكم انسة رؤية معايا
رؤية: وعليكم السلام ورحمة الله وبركاته، ايوه انت مين
ادم: انا ادم لو فكراني صاحب حور
رؤية بقلق ايوه نعم وجبت رقمي منين
ادم: حور تعبانه خالص وانا جبت رقمك منها وانا مش عارفه اتصرف رؤية بخضه طيب انتم فين انا جايه حالا
وتلبس فعلا رؤية وتذهب للمكان
اول ما توصل تلاقي ادم بره والمكان شكله فاضي مفهوش حد
رؤية: حور فين
ادم: هي جوه تعبانه خالص
رؤية لسه دخللها تلاقي تلاقي تلفونها بيرن باسم حور تستغرب ازاي هترن عليها وهي تعبانه
ادم: في حاجه يا انسة
رؤية: لا لا هرد بس ع التلفون اتفضل انت ادخل وانا جايه وراك
ادم: بقلق ماشي ويدخل ولكن يقف ويراقبها
رؤية: الو حور انتي فين
حور بأستغراب يعني هكون فين دلوقتي يا رؤية، اكيد في الجامعه
رؤية: ازاي وادم كلمني وقالي انك تعبانه وانا دلوقتي في مكان غريب لوحدي بيقولي انك جوه
حور: بخضه اوعك يا رؤيه ادم اكيد مش نويلك علي خير، قوليلي انتي فين وانا جيالك فورا، وحاولي تهربي بسرعه 
رؤيه: بخوف طيب طيب انا همشي خليكي معايا علي الخط يا حور
حور: ماشي وتتطلع تجري وهي ماشيه تخبط في حد تلفونها يوقع
طارق: انا اسف بجد مش اخت بالي
حور: طارق كويس اني شوفتك، رؤيه، رؤية يا طارق في خطر لازم نلحقها
طارق: بخضه ملها رؤيه
حور: مفيش وقت يلا نلحقها واحكيلك علي الطريق
يحاول طارق يرن عليها ولكن مفيش رد
ـ
عند رؤيه وهي ماشيه ادم يظهر قدامها بسرعه، علي فين يا حلوه
رؤية: تحاول تتماسك، مفيش بس لازم امشي دلوقتي
ادم: وطب صاحبتك اللي جوه دي، تؤتؤ هي دي جدعنه المصرين مع بعض
رؤية: انا لازم امشي
ولسه ماشيه ادم ياخد منها التلفون ويحاول يسحبها للداخل
رؤية:سيبني بقولك سيبني يااارب،يا مغيث اغثني،يا مغيث اغيثني وتفضل تردد هذه الجمله.
وهو بيسحبها للداخل يقع علي صخره ويقع في الارض
تستغل رؤية وتطلع تجري في نفس الوقت يوصل طارق وحور وهي بتجري،اول ما تشوف طارق تجري عليه وتحضنه،طارق كويس انك جيت،طارق كان كان ويغمي عليها تاخدها حور ولكن طارق يذهب لادم ويفضل يضرب فيه لحد ما يفقد الوعي
يرجع طارق ويطلع علطول علي المستشفى
بعد وقت يطلع الدكتور
يجروا عليه: هي عامله ايه دلوقتي يا دكتور
الدكتور:عندها انهيار عصبي عطتها حقنه تهديها وشويه وهتفوق
حور: انا ممكن ادخلها
الدكتور:هي شويه وهتخرج
وبعد شويه تفوق رؤية اول ما تشوف طارق تفضل تبكي في حضنه وهو يهديها بعد شويه
طارق: احم رؤية هو ايه حصل
رؤية: فضلت ساكته شويه وبعدين حكت ليهم كل حاجه
طارق بعصبيه والله ما هسيبه لازم اعرفه قيمة الي عمله ده كويس
حور: اهدي لو سمحت ادم انا متاكده انه مش هيعمل كده تاني
طارق: اه ما انتم حبايب مش كل ده حصل بسببك اصلا، وكان دلوقتي ممكن يحصل لاختي حاجه بسببك
حور اتصدمت، دموعها نزلت، وقالت لرؤية حمدلله على سلامتك ومشت وهي تبكي.
رؤية: انت ايه اللي قولته ده يا طارق وهي مالها
طارق: غصب عني والله يا رؤية مش عارف قولت كده ازاي، مش بحبها تجيب اسم حد تاني علي لسانها، اتعصبت وانا شايفها بدافع عنه
رؤية: بضحك والله انت اهبل ضحكتوني وانا مليش نفس، ان شاء الله ابقي اروح واصالحها وافهما كل حاجه
طارق: تفهميها ايه
رؤية: جه الوقت ان حور تعرف انك بتحبها
طارق: بس بس انا لسه مش هقدر اتجوز دلوقتي لسه اما اخلص السنة دي وارجع مصر، واكيد هي كمان لسه هتكمل
رؤية: خلاص خلي البتت تفضل تبكي بسبب كلامك ليها ده
طارق: خلاص قوللها
رؤية: ماشي يا حنين، روح شوف الدكتور انا مش بحب المستشفيات دي انا بقيت كويسه
طارق: طيب
بعد شويه يجي الدكتور ويطمن عليها ويسمح لها بالخروج
ــــــــــ
ادم كمل حياته عادي ولا كأن حاجه حصلت ،ادم في نفسه هتروحي مني فين انا لما اعوذ حاجه لازم اخدها
ـــــــ
بعد يومين تذهب رؤيه لحور
حور: رؤية تعالي عامله ايه دلوقتي
رؤية: كويسه يختي كنتي اسألي بتلفون حتي
حور: بعتذر منك والله بس انتي عارفه الي حصل
رؤية: وانا جيالك يا ستي عشان كده، مفكرتيش طارق قال كده ليه
حور: ليه
رؤية: عشان بيحبك يا هبلة، مقدرش يتحمل وانتي بدفعي عن حد تاني
حور: انتي بتقولي ايه طارق بيحبني، بجد وتفضل تلف في البيت وهي فرحانه
رؤية: طيب انكسفي مني حتي، دي انا اخته
حور: 😂😂 دي انتي كشفاني من اول يوم ، والله وانا كمان بحبه يا رؤية مش مصدقه امتي يبقي حلالي بقي
رؤية: اهدي يا بنتي طارق قال ان لسه مش هيتجوز غير لما يرجع مصر وطبعا انتي لسه هتخلصي دراسة هنا
حور: لا ما انا مقرره ان هنزل معاكم واكمل في مصر، وده من  زمان انا مقرراه مش عشان طارق والله، عشانك انتي عشان انا بجد مقدرش استغني عنك، انتي كل دنيتي انتي كل صاحبي، احم احم ونضيف ليهم بقي عشان اخت طارق
رؤية: بجد يعني انتي هتنزلي مصر معانا، بجد خبر حلو، طارق هيفرح خالص ، انا همشي بقي وانتي ذاكري الامتحانات قربت خلاص
حور: حاضر
رؤية: يلا في حفظ الله
حور: في حفظ الله
ــــــــ
تكلم حور ادم عدة مرات ولاكن لا يرد عليها وبعد فتره يرد
حور:ايوه يا ادم، اخيرا حضرتك رديت
ادم:نعم يا حور
حور:ايه اللي انت عملته ده وازاي تعمل كده
ادم:عملت ايه هو انا عملت حاجه بس
حور:براحتك يا ادم وللمره الاخيره بقولك ابعد عنها
ادم:حاضر يا ست الشيخه حور حاجه تاني
حور:متردش وتقفل الخط، انا ازاي كنت قريبه منك في يوم من الايام،للدرجه دي كنت عاميه
ـــــــــ
وتعدي الايام سريعاً وينتهي طارق وحور من الامتحانات . ويتخرج طارق، وتنجح حور
ــ
طارق: رؤية بلغي حور ان هنسافر مصر علطول
رؤية: ياريت والله مصر واحشتني والشغل وكل حاجه
طارق: باذن الله مش هنتاخر اول طياره هحجز فيها
رؤية: ان شاء الله
وبالفعل تبلغ رؤيه حور وحور تفرح كثيرا انها هترجع معاهم وكمان ان طارق هيتقدم ليها
ــ
ويسافروا علي اول طياره ويوصلوا اخيرا علي ارضهم
رؤيه: بفرحه اخيرا رجعت لهواكي تاني، وتكون في عربية مستنياهم، يوصلوا الاول حور وبعدين يروحوا بيتهم يسلموا علي والدهم ويطلعوا يرتاحوا
ــــــــــ
حور اول ما توصل يراها والدها
تجري عليه لكي تسلم عليه
هو اول ما يراها ينصدم
مراد:(والد حور) حور انتي جيتي ازاي، وايه اللي انتي لبساه ده
حور: بفرحة حلو مش كده عليه
مراد: حلو ايه وقرف ايه  ، انتي مش شايفه نفسك كبرتي ازاي، في حد هيبصلك بعد القرف اللي لبستيه ده،ضيعتي شبابك
حور بصدمه من كلام والدها: الخمار قرف،انا فكرتك هتفرحلي اني اتغيرت للاحسن
مراد: احسن ايه عايزه تتحجبي تمام اما البتاع ده مفيش خروج بيه تاني انتي فاهمه ويسبها ويمشي
حور: تفضل تبكي وتطلع اوضتها
ترن علي رؤيه ويكون بجانبها طارق
رؤيه: الوا ايوه يا حور
حور تفضل تبكي
رؤيه: بقلق حور مالك بتعيطي ليه
اول ما طارق يسمع كده يقوم يقف ويقلق عليها
رؤيه تشاوره يسكت ويصبر
حور: تحكي لرؤيه كل حاجه حصلت
رؤيه: طيب اهدي وتعالي ناخد من اللي حصل ده درس ازاي نرد علي اللي يقولنا كده بس انتي اهدي وبطلي عياط
حور: حاضر هديت
رؤيه: اول حاجه انتي بضيعي شبابك، من طول ما انتي علي الحق متفكريش في حاجه، اللي بيقولك كده مش هيدخل معاكي القبر ولا هيتحاسب مكانك، ولا هيرضي يديكي حسنة واحده حتي يوم القيامه.
تاني حاجه  اللبس مكبرك ويفضلوا يتريقوا عليكي
قولي اللبس ده مكبر مقامي عند ربنا، يكفي ان ربنا راضي عني وانا ماشيه بيه، واعرفي ان هيجي يوم تتريقي عليهم وانتي في نعيم الجنة.
ثالث حاجه ان في حد هيبصلك وكده
اولا بقي لو مفيش حد بصلي ده شي كويس ليه لانه خليته يغض بصره عني.
ثانيا مفيش طاعه بتمنع الرزق
ثالث حاجه بقي زوجك اللي مكتوبلك قبل ما تلبسي الحجاب الصح متغيرش،هو هو نفس زوجك اللي مكتوبلك بعد ما لبستيه.
تمام كده يا ست البنات
حور:تمام انا اضايقت من رده فعله متخيلتش انه ممكن يعمل كده نهائي
رؤيه:ان شاء الله ربنا هيعوضك قريبا جدا وتنظر لطارق
حور:ان شاء الله،كان زمانك نايمة وانا عطلتك بعتذر منك
رؤيه:امشي يا حور روحي نامى
حور:حااضر
ـبعد ما تقفل معاها
رؤيه لطارق بغموض انت بتفكر في نفس اللي بفكر فيه
طارق:اكيد
انتهي الفصل