بداية إلتزام

(التوكل على الله في الاختيار)

الفصل الخامس (بداية إلتزام)
تاني يوم تصحي رؤيه بنشاط تصلي وتنزل تحت يكون والدها بيفطر رؤيه: صباح الخير
ابراهيم: صباح النور انتي لابسه ونازله كده علي فين
رؤيه: علي الشغل اكيد
إبراهيم: شغل ايه يا بنتي انتي لسه جايه من السفر امبارح ارتاحي  شويه
رؤيه: لا انا بقالي كتير مرتاحه وانت اللي عليك كل الشغل، اشيل عنك بقي شويه
ابراهيم: انا عارف اني مش هغلب معاكي يلا افطري
رؤيه: طارق نايم لسه
طارق: ايوه اكيد
طارق ينزل مين جايب في سيرتي بس كده علي الصبح، صباح الخير
صباح النور
ابراهيم: تعالي افطر يلا
ويجلسوا للفطار
بعد الانتهاء
طارق يغمز لرؤيه
رؤيه: احم بابا عايزين نتكلم معاك في حاجه كده
ابراهيم: قولي يا بنتي
رؤيه: عايزين نخطب لطارق
ابراهيم:وانا معنديش مانع، بشرط تكون ملتزمه
طارق: سريعا وهي ملتزمه وهتعجبك والله
ابراهيم بخبث وايه كمان يا طارق
طارق: يخجل من نفسه
تضحك رؤيه عليهم، لا بجد يا بابا هي كويسه خالص وملتزمه
ابراهيم: تمام، كلميها يا رؤية وخليها تحدد ميعاد ونروح ان شاء الله رؤيه: حاضر
ــ
حور تصحي من النوم تصلي وتفضل في غرفتها تقرا قرآن
ترن عليها رؤيه
رؤيه: الجميل عامل ايه النهارده
حور: الحمدلله في احسن حال من طول ما انتي جنبي
رؤية: ربنا يبارك فيكي يارب
حور :ويبارك فيكي، انتي اخبارك ايه
رؤيه: الحمدلله، بقولك حددلنا معاد مع والدك عشان نجيلك
حور: ميعاد ايه
رؤيه: يلهوي علي الغباء، عشان نخطبك يا بنتي
حور: انتي بتتكلمي بجد
رؤيه: اه والله
حور: حاضر هبلغ بابا واقولك علي الميعاد
رؤيه: حضرلك الخير يارب  ، يلا سلام عشان انا في الطريق رايحه الشغل
حور: سلام
ـــــ
اول ما توصل رؤيه الشركه
يفرحوا الموظفين فهي محبوبه من الجميع
احمد: اخيرا رجعتي يااه ويغض بصره عنها ويدخل مكتبه
تدخل مكتبها، ويكون في شغل كتير، بالفعل والدها لم يقدر علي كل هذه الشركه لوحده فهوا كبير في السن
ــ
يفكر احمد بها قد ايه هي كانت وحشاه، وجودها بس معاه بالدنيا
احمد (شاب ملتزم من عائله متوسطه، يشتغل في الحسابات في الشركه، محبوب ايضا من الجميع،  طويل، شعره ناعم جدا، لديه لحيه بسيطه، ذات عيون بنيه، كثير من الفتيات تحاول ان تقترب منه ولاكن هو لا يغضب ربه من اجل اي فتاه، ومن اجل ايضا معشوقه من اول يوم دخل الشركه وعينه وقعت عليها بالغصب وهو يعشقها، ولكن يعلم انها ليست من مستواه وانها سوف لا توافق عليه)
ـــــــ
تنتهي رؤيه من العمل وتكون تعبانه جدا فهي من النوع اللي يعلم حاجه لابد من ان تخلصها في نفس اليوم ولو علي حساب نفسها
وهي خارجه تكون دائخه، في نفس الوقت يكون احمد مروح، يكون ماشي وهي تخبط فيه
رؤية: بجد انا اسفه مش اخت بالي
احمد: يضع وجهه في الارض حصل خير مفيش حاجه
رؤية: رؤية لسه هتمشي اغمي عليها
احمد بخضه انسه رؤيه، انسة رؤية يبص حوليه ميلقيش حد من المواظفين، الوقت اتاخر وكله روح،وهو مينفهش يلمسها، يجري الي والدها سريعا ويخبره
ابراهيم: اول ما احمد يقوله يجري عليها ويحاول انا يفوقها وبالفعل تفوق رؤيه
رؤيه: انا فين
ابراهيم: انتي كويسه يا حبيبتي ايه حصلك،احنا في الشركه
رؤيه: وتتذكر اه دخت شويه مش عارفه ايه حصلي
ابراهيم: اكيد من ضغط الشغل قولتلك ارتاحي النهارده
رؤيه: حصل خير يابابا
كان يقف بعيد احمد، اول ما يشوفه الاب، شكرا يا بني، ربنا ييارك فيك
احمد: انا معملتش حاجه، وحمدلله على سلامة الانسه
ابراهيم: الله يسلمك
ويستاذن احمد ويمشي، وياخد ابراهيم رؤيه ويرجعوا البيت
ـــ
عند حور تنزل وتخبر والدها ان في عريس اخوا واحده صاحبتها وعايز يحدد معاد عشان يجي
مراد:ماشي خليه يجي بكره الساعه6
حور:تمام،وتطلع غرفتها مره ثانيه
ــ
توصل رؤيه وابراهيم اول ما يشوفها طارق باين عليها التعب
طارق: مالك يا رؤيه
رؤيه: مفيش حاجه يا حبيبي تعبت بس شويه 
طارق: الف سلامة عليكي سيبها يابابا ارتاح انت وانا هطلعا فوق
ابراهيم: ماشي يابني
يأخدها طارق ويطلعها
طارق: ارتاحي شويه يا حبيبتي
رؤيه: حاضر هنام اهه
ويخرج طارق
لسه رؤيه هتنام ترن عليها حور
رؤيه: السلام عليكم ورحمة الله وبركاته
حور: وعليكم السلام ورحمة الله وبركاته، ماله صوتك
رؤيه: تعبانه بس شويه من الشغل
حور: الف سلامة عليكي
رؤيه: الله يسلمك
حور: رنيت بس عشان اقولك ان بابا حدد معاد بكره ان شاء الله الساعه 7
رؤيه: تمام ان شاء الله هنكون عندكم في الوقت ده
حور: ان شاء الله نامي انتي يلا في حفظ الله
رؤيه: في حفظ الله ورعايته
ـــ
تاني يوم
في بيت احمد (احمد يعيش لوحده في البيت والده والدته متوفين)
يصلي ياارب انا صبرت كتير مش هقدر اشوفها وهي مع حد تاني
يارب اختري ولا تخيرني.
ينتهي من الصلاة  يعزم في نفسه انه سيطلبها اليوم من والدها
ويلبس وينزل الشغل
ـــــ
تصحي رؤيه تصلي وتلبس وتنزل تحت
ابراهيم: تاني يا رؤية انتي لابسه ليه بس
رؤية: والله انا كويسه امبارح بس عشان كان في شغل كتير وخلاص انا خلصته 
اه صح كنت هنسي حور ردت عليا الميعاد النهارده الساعه  7
ابراهيم: تمام  جهز نفسك بقي يا طارق
طارق: بحماس جاهز ان شاء الله
ويذهبوا للشغل
ـــــ
يوصلوا الشغل وكل واحد يذهب الي عمله
في اخر اليوم يذهب احمد الي ابراهيم
السكرتيره: في واحد من الحسابات بره عايزه يقابل حضرتك
ابراهيم: تمام دخليه
يدخل احمد
احمد: السلام عليكم ورحمة الله وبركاته
ابراهيم: وعليكم السلام ورحمة الله وبركاته، تعالي يابني اقعد، في حاجه
احمد: احم بصراحه كده...  ويسكت من التوتر
ابراهيم: اتكلم سكت ليه
احمد: بصراحه انا كنت طالب ايد الانسه رؤيه منك
ابراهيم: ينظر له بغموض،  امم كلمني عن نفسك كده شويه
احمد: انا والدي والدتي متوفين من فتره طويله وعايش لوحده، عندي 28 سنة، هو انا طبعا مش في مستوي حضرتك في المستوي المادي
ابراهيم: تمام يومين كده وهرد عليك ان شاء الله
احمد: ان شاء الله
يخرج احمد وهو يشعر بالقلق الشديد
يا تري ابراهيم هيوافق عليه