
المقدمة +الحلقة 1 🧡
جديد سيف القماطي 🔥🧡
في كل عيلة أو مجتمع يوجد الكثير من العقارب لكنها على هيئة بشر يندرجو تحت مسمئ عقارب بشرية لانهم يشبهون العقارب 👌،، فاللهم أكفنا شر هؤلاء العقارب 🌚.
في الرواية هذه ح نكشفو هلبا قصص وكوراث عقارب 😥😥 وحاجات للبعض أول مرة يعرفها وكان يجهلها في مجتمعنا الليبي 🇱🇾.
رواية حقيقية واقعية قوية 👌🧡.
.
.
.
.
ربيعة : أختك صفحتها 🌚💔!
حميدة : أختي منوو! علاش درتي هكي..؟
ربيعة : مرام منو عارفة البنت شيطانية وأنخافها اديري شيء وأطيح رآسنا ☹️☹️
حميدة : أي معاك حق وحتى البنت جذابة هلبا وملفتة للانتباه........
ربيعة : قتلك انتي بس و مانبي حد يعرف بالموضوع وكان متت واتزوجت فكيه السحر على أختك...
حميدة : تمام بطول عمرك ان شاءالله
ربيعة: اني قتلك للاحيتاط وضروري اتنين يعرفو من البداية نأخد الاحتياط من البداية وخلاص........
حميدة: غير كان تعطوها بس قريب كل يوم جاي واحد يخطب فيها مش عارفة علاش!!
ربيعة: اتقول برانية عليك أختك وتعرفيها في تسكير الرأس وطالع من أتحب اني نعرف الرفض هذا كله مش بلاش 😐!
حميدة: توا أني بنكلمها ماتبيش تتزوج تعقل في حوش بوها ولا توا انخبر فيها خوتها بعدها ح يعرفو كيف يتصرفو معاها.....
ربيعة: والله هيا مسكينة مادارت شيء لتو وحتى لما صفحتها غير خايفة عليها 😥😥؛
حميدة: أي باه أني البنت هذه كان تسمع كلامي بس راهوو أتجيء سلفتي اني نايضتلها مرام هذه ☹️☹️
ربيعة: ياريت اتجيء سلفتك أقل شيء نتهنأ عليها وتلقو بعض اول شيء.....
حميدة: والله سلفي محمد بيهبل عليها ومنها حماوتي قعدو يضربو في المعني عليا ويقولو خوي ألف بنت تتمناه غير هو ربي يهديه مايسمع في الكلام،، أني طول فهمت الكلام عليا 🙄........
حميدة: إن شاء الله ربي يقدم للي فيه الخير!!
.
.
.
.
أني مرام مواليد 96 بنت طيبة عندي ست خوات بنات وخمس أولاد خواتي البنات كلهم تزوجو وخوتي الاولاد اتنين بس مش متزوجين كنت عايشة حياة طبيعية هادية وعادية 😶👌
كنت بنت عاقلة والكل يقول أحسن وحدة مرام وأني دايما المميزة.......
شعري أحمر من ربي وفيا شوي نمش طبعأ نادرآ تلقا بنت هكي حمراء عندي جسم وقوام الآنثى من صغري والحمد لله 😐 بس مرات الزين ولا العقل يجيبلك التعب والمشاكل لعندك......
شكلي في الصورة وأني كبيرة وأغلب قصتي وأني صغيرة البداية في الاعدادي.......
كنت عايشة عادي نمشي نقرأ عيوني مغمضات مش فاهمة فيها حاجة 😁 كملت أول أعدادي ونقرأ ثانية أعدادي فرحانة بالسنة الجديدة وكان انقوللكم فرحانة بالشنطة والعباية الجدد 🤭🤭......
منفهمش في شيء كنت انشوف في بنات يهذرزو في تليفون ومرات في الحمام ويقعدو خايفين بس ماتوقعت أنهم يهذرزو ويميعدو مع شباب ومانحساب يجيء وقت ونبدأ زيهم.........
أني غلطت غلطة كبيرة في حياتي منها انقطعت من الناس أقاربي ومنهم خوتي قطعوني شن كنت أنفكر وقتها بس،، تفكيري كله في بناتي شن داسهم المستقبل وشن بيتعاقبو على غلط أمهم أو لا 😥😥😥؟؟
ياريت سمعت كلام أمي وقتها حطيت رأس بوي وخوتي في الارض كله تحت معتقد "الحب"
.
.
.
.
.
مصباح: يضرب بعنف 💔💔
فاطمة تتألم ومش عارفة علاش يضرب فيها،، كان ضرب مبرح لدرجهة سمعت صوت العظم انكسر.........
مصباح: أنتي طالق بالثلاثة ومعاش تقعدلي في حووش
فاطمة: قعدت تبكي شعور اخخخ محصلة طريحة مووت ممزوج بصدمة 😳😭😭
مصباح فتح التليفون الوووو محمد
محمد: أهلين مصباح ان شاءالله خير 😕😕
مصباح: نهتت شوي،، أختك اتجيء ترفعهاا طلقتها
محمد: شن اتقول علاش طلقتها؟؟؟
مصباح: سكر الخط عليه،، ودفل على فاطمة ومشي دخل للحمام 😳💔...
فاطمة: 😭😭 أني شن درت،، والله إلا بنخبر فيه ناسي وتريسي اخخ يايدي مش قادرة نلبع حتى ريقي حسبي الله 💔😭 يتقوأ على مرأ...
.
.
.
.
.
.
سهيل: باللهي عليك أني أنحبك اعطيني فرصة
أبتهال: منقدرش انراجي عليك 🤷♀️.....
سهيل: نوعدك نخدم وأنكون مستقبلي بسرعة؛/
أبتهال: أسفة لا كان جاني نصيبي ح نأخد وخشت داخل............
سهيل: أبتهال أبتهال راااجي 🤦♂️🤦♂️ خشت بسرعة نهت وضرب يده في الحيط بعصبية الدم قعد يجري من دون مايحس بيه 💔😭...
.
.
.
.
.
.
نور: خلاص نوضي اتحشمي على وجهك!!؟
رهف: تتقلب وبكسل مزال خاطري نرقد
نور: وقت على الثانوية ياعمري شن نمشو عليك
رهف: رجعت رقدت وغطت روحها فتحت عيونها تحت البطانية لما تذكرت أنهم اليوم ح يمشو لأمهم.......
ناضت تجري خلاص ناضية هي؛/
نور: 😂😂😂 باهي وأخيرٱ وانتي كل يوم مش اتنوضي صوتي لين ينبحَ بحة صح 😐👌
رهف: تغسل في وجهها تفكيرها وعقلها في أمها وقفت واتشوف لروحها على المرايٱ
قديش ليا معاش شفتها أني؟؟
وردت على روحها طول من الجمعة للي فاتت لا للي قبلها أي والله إلا هلبا نتمنا إن شملنا يجتمع من جديد 💔☹️........... وأمي وبوي يرجعو لبعض
.
.
.
.
رهف بنت مواليد 2003 شعرها على الاسود مش طويلة هلبا بيضاء عيونها ملونات زي أي بنت عادية عندها أخت وحدة أسمها نور كبيرة تقرأ جامعة........
أم رهف مطلقة وقاعدة حاليا في حوش أهلها ومرة مرة يدورلها في زيارة اطلقت من زوجها بسبب خيانة وح نعرفو القصة كلها ان شاءالله 😥😥...
شن بيصير مع رهف وعلى منو ح تتعرف......
.
.
.
.
#يتبع 🧡
نبدأ من الحلقات الجاية وإن شاء الله أطول وأحلى،، مزال في هلبا قصص وشخصيات ح نعرفوهم مع الرواية 👌....
#لسيف_القماطي 🧡🧡

أنت تقرأ
عقارب بشرية 🦂🖤
Teen Fictionالمقدمة جديد سيف القماطي 🔥🧡🇱🇾 في كل عيلة أو مجتمع يوجد الكثير من العقارب لكنها على هيئة بشر يندرجو تحت مسمئ عقارب بشرية لانهم يشبهون العقارب 👌،، فاللهم أكفنا شر هؤلاء العقارب 🌚.؛ في الرواية هذه ح نكشفو هلبا قصص وكوراث عقارب 😥😥 وحاجات للبعض...
