عقارب بشرية 🦂🖤

عقارب بشرية 16

🔥🔥 روآيآت سـيف آلقمـآطـي 🔥🔥
#روآية_عقآربــ_بــشـرية 🖤🦂
آلح ـلقة 16

~~قرآءة مـمـتعة 🖤"

مرام نضت الصبح طاقة ايجابية وفرحانة أني ح انكمل قرايا وقفت وقعدت انفكر
الله كله من بووووي ان شاءالله ربي يطولي في عمره والله كان هذا مانحلم بيها شفت الساعة زعما هذا امتا بيجي؟؟

مرام خليك جاهزة اطلعي طووول خير من يراجي ويأخد عليك طابع غلط ندوي في دوة حتى اني عالصبح طابع شنو 🤷‍♀️
"نتيجة حماس بس " وحطيت يدي علة فمي وقعدت نضحك 😹😹
بعد ماكملت قعدت انراجي برا وفكرة ترفعني وفكرة اتجيبني وقعدت انفكر في محمد الامازيغي زعما شن صار فيه
ياريتني عصفورة نبي نعرف هلبا أسرار وحاجات ونطمن على ناس 💔😐
مرام الله مش قلت معاش نبي نتذكره ؛  بس هو يجيء في بالي من دون مانقصد ولا نشعر قاطعني صوت الحافلة تنهتت وقلت واخيرآ
متلبكة شووي أول مرة نركب معاه وطبعآ مش من شارعنا بكل 👀
بنركب حطيت رجلي الاولى على الدرجة كنت لابسة سروال أزرق جينز وفانيليا طويلة لتحت الركبة كريمية ووشاح أسود وبووت أسود عالي وشنطة يد سودة
المهم حطيت رجلي حسيت بيه يشبحلي وزي للي حال فمه فياا واني عيوني في عيونه 🌚
كان شبوب نحسابه شيباني سمين شوي او عظمه غليط واضح صغير في السن نعطيه 25 سنة شعره أسود كثيف وناعم يقتتل 🥺🤤 ولحيته معبية سودة زي ظلام الليل.........

أبيض وعيونه عسلياات المهم قعدت لحظات هكي واحني عيونا في بععض بعدها ركبت واني متلبكة ماقدرت حتى انشوف يمين يسار شفت كرسي فاضي قعمزت فيه 😹 واني انقول شن منضري بس............
واستغربت روحي قبل شخصيتي قوية وماانخاف من حد بس المرة هذه خجلت.....

السواق كان أسمه مراد :--
مراد:  اووو والله طرف البنت هذه 🤤 بنسميها ميرندا انموت فيهم للي هكي وهيا طلعت بنت هذا ان شاءالله 🤦‍♂️😹 المهم طرف بس منعرفش خوتها زعما كم عندها خوو 😐

مرام نزلت وكانت النضرات متعه تعقد الحق علاش يشبحلي ويكحل 🤷‍♀️😐
مراد: ماشاء الله........
البنات للي في الحافلة لاحضو ان في شيء وان النضرات مش بلااش 😒......
.
.
.
.
.
.

سعاد:  توا تمشي بنديرلك تحاليل
رهف: علاش ياأمي وزادت عليا أكثر الذوووخة
بوها:  هي نووضي
عبدو خالها:  كان عندهم اهوو سيارتي ساخنة
سعاد:  تمام
رهف معاش نعلم بروحي أخر شيء سمعته وحسيت بيه أمي اتخبط على وجهي واتحاول اتنوضني

بوها:  موضوع الدووخة والله موضوع زعما شن عندها البنت 😕😕
عبدو:  من قلة الاكل شوفها كيف رايحة....
سعاد ناضت تلبس في عبايتها وترعش على بنتها خايفة تخسرها كيف ماخسرت نوور 💔 وعقلها يرفع بعييد

بوها:  هييا وينك
عبدو:  هي سندها مععااي لعند السيارة
سعاد:  هي طالعة طالعة!!
بوها:  والبنت
سعاد:  لبستها مستوورة مستورة
بوها وعبدوو سندوها بالشوية ووصلت للسيارة
على طول الطريق وسعاد تمسح على وجه بنتها وخايفة عليها حست في شيء في قلبها زي للي يوقظ فيها 💔وكأن اخر مرة تلمسها واتمس في قلبها واتقول يارب خير 👀......
.
.
.
.
.
.