النسر والعنيدة(النسر الجارح)

الفصل11( النسروالعنيدة)

انا أسفه علي التأخير ده كله بس والله كان غصب عني
وكمان انتوا مش بتشجعوني مش لاقيه منكم الدعم اللي يخليني بدل ما بنزل فصل واحد كل اسبوع انزل 3فصول انا قولت قبل كده انا هتقبل منكم رأيكم اذا كان مدح او نقض انا عايزه رأيكم وتفاعلكم في التعليقات وتوقعاتكم بجد ده هيفرق معايا كتير انا مش هطول عليكم يالا بينا ندخل في الفصل علي طول

☆☆☆☆☆☆☆☆☆☆☆☆☆☆☆☆☆☆
هل أنا أسيرتك
لا أنا لست أسيرتك
لكن بلي أنا أسيره عينيك التي ملكتني وسجنتني داخلها نعم أنا أسيرتك

☆☆☆☆☆☆☆☆☆☆☆☆☆☆☆☆☆☆

في منزل آسيل

آسيل: يالهووووي يالهوووي الحقيني يا ماما انا مش قولتلكوا انا مش مطمنه لكاىن البطريق ده هو وأبوه قال ايه عايز يتجوزني انا انا اسيل كليه اعلام اتجوز اللي بيكتب اسمه بالعافيه اتجوز اللي واخد الاعداديه بالكوسه لا ماكنش يومك يا لوزه ماكنش يومك يا آسيل يا عسل يا حلوه

أماني: بس يازفته اسكتي خاليني اعرف افكر هرد عليهم واتحجج بإيه عشان عمك ميعملش مشاكل والمشكله ان عبد الله عايزك من زمان واحنا عارفين كده وكنا بنحاول نقفل الموضوع كل ما يحاولوا يتكلموا فيه

آسيل: يعني اي يا مامايعني هتوافقي ان بنتك حبيبتك
تتجوز في الاخر كائن البطريق ده اللي مش مفهوم هو طائر ولا حيوان ولا من الزواحف وبعدين ده لما احب ادلعه اقوله يا عبده يععع لا طبعا يعني انا هكون مدام عبده لا لا لا مش قادرة اتخيل يالهوووووي

أماني: حدفتها بأبو ورده (اللي واحشنا كلنا اكيد )
اسكتي بقي خاليني اعرف افكر هنهرب من الموضوع ده ازاي

آسيل: خاليكوا عارفين اني اموت نفسي ارحم من اني اتجوز اللي اسمه عبدالله ده انتوا فاهمين ولا لا انا في اوضتي لحد ما تلاقوا حل

في غرفه آسيل بتتصل بوعد يمكن تلاقي عندها حل للمشكله دي

وعد: الو

آسيل: الحقيني يا وعد

وعد: اي في اي مالك يا بت انتي كويسه مامتك كويسه

آسيل: امي كويسه قاعده زي القرده بره اهي
انا اللي مش كويسه

وعد: الله يخربيتك ماتقولي في اي اخلصي

آسيل: اقول اي ولا اي ماكنش يومك يا آسيل يا حلوه يا دلوعه يا نعنوشه

وعد: يا بت انتي قولي في اي اخلصي انا في مكتب محمد ومش فاضيه اخلصي ورايا شغل انجزي

آسيل: الحقيني ياوعد اللي ما يتسمي ابن عمي كائن البطريق اتقدملي النهارده عايز يتجوزني انا انتي متخيله الكارثه اللي انا فيها

وعد: ههههههههههههه هو ده اللي مزعلك اوووي كده ياستي ما كلنا عارفين انه بيحبك من زمان وعايزك وانتي اللي مش حباه وبعدين ماترفضي الجواز مش غصب يعني في قانون في البلد