اقولك اي ولا اي
اقولك كرهتك قد اي
اقولك انت كسرتني ازاي
ذنبي اي اني حبيتك ولا اني وثقت فيك
ذنبي اني مسمعتش كلام كل اللي حذروني منك
اقولك علي حاجه انت كسرتني بس تعرف انت جرحتني وقتلتني بس علمتني درس مقدرش انساه
علمتني اني مثقش في حد علمتني القسوة والكراهيه
اخر حاجه هقولهالك زي ماكسرتني في واحده هتكسرك لأنه كما تدين تدان شكرا علي وجعك وخيانتك ليا💔
♡♡♡♡♡♡♡♡♡♡♡♡♡♡♡♡♡♡
في كليه الاعلام
آسيل: هي راحت فين كلبه البحر دي انا قولتلها تستناني في الكافيتريا
وعد: بدروي علي مين يا كلبه البحر
آسيل: كنت فين يا فوزي أنا مش قولتلك تستناني هنا ينفع كده تسيبني كل اللي رايح وجاي يعاكسني انت راجل انت
وعد: الله يخربيت المسلسلات التركي اللي أكلت دماغك دي يا بنتي فوزي مين اللي بتنامي وتقومي تحلمي بيه وبعدين بزمتك ده شكل واحده اسمها فوزي وهو في واحد اسمه فوزي قمر زي كده
آسيل: بقولك اي خلي الخناقه دي بعدين ويالا عشان نمشي عشان كائن البطريق وأبوه جايين عندنا بليل وأمي أكيد هتشقلب البيت كله ترويق وتنضيف يالا عشان متأخرش عليها والاقي ابو وردة في استقبالي
وعد: يالا بينا
محمد: علي فين يا بنانيت
وعدوآسيل : استاذ محمد
محمد: تاني استاذ تاني انا قولت اي
وعد: خلاص خلاص محمد انت بتعمل اي هنا
محمد: كنت عند معيد صاحبي هنا
مقولتليش رايحه علي فين انتي وآسيل
آسيل: كنا مروحين عشان خلصنا محاضرتنا عن اذنك عشان إتأخرنا
محمد: طيب يالا عشان اوصلكم
آسيل: لا شكرا
وعد: ملوش لزوم هنمشي لوحدنا
محمد : بس بس مش عايز كلام كتير يالا قدامي بدل ما سواق يعاكسكوا ولا حاجه ولا حد يخطفكوا
وعد: خلاص خلاص انا جايه آسيل هتيجي معانا
محمد: اكيد جايه ولا تحبي تتخطفي
آسيل: خطف اي ده اللي يبقي 4 الساعه العصر هو انت الأفلام مأثره عليك ولا حاجه شكلك بتتفرج علي كارتون كتير
محمد: ههههههه دمك خفيف اوووي يالا عشان متتأخريش
~~~~~~~~~~~~~~~~~~~~~~~~~~~~~~~~
في تركيا
في غرفه السفره ملك وإياد قاعدين جمب بعض وياسين قاعد علي الكرسي الرئيسي وشمس كانت نازله
عشان الخادمه قالتلها ان العشاء جاهز
أنت تقرأ
النسر والعنيدة(النسر الجارح)
Novela Juvenilهي عنيدة وهو عنيد هي مجنونه وهو قاسي هل ستتغير حياته وشخصيته بسببها ولا لن تقدر عليه
