نسيتك
انساك ازاي وانت واخد قلبي معاك
انساك ازاي وانت أول واحد أحس معاه بالأمان بعد والدي
انساك ازاي وانت أول واحد ارتاح ليه وافتحله قلبي وماخفش منه انت الوحيد اللي كنت بثق فيه بثق فيك اكتر من نفسي
انساك ازاي وانت ساكن جوايا
انساك ازاي وانت بتجري في دمي
انساك ازاي وعيوني رافضه تنساه صوتك
انساك ازاي وأنا فاكره كل كلمة بينا
كل ضحكة كل خناقة كل حزن كل حاجه بينا فاكرها
بيقولوا البعيدعن العين بعيد عن القلب الكلام ده مش صح لأنه لو صح كنت أكيد نسيتك بعد كل السنين دي
بس لا أنالسه فاكراك مش قادرة أنساك عارف ليه عشان
انت كنت حبيبي وكنت قلبي وكنت روحي وكنت حياتي
وكنت فرحتي وكنت ضحكتي انساك مش ممكن انساك بيقولوا القلب ممكن يحب اكتر من مره بس انت عندي بالدنيا كلها حتي وانت بعيد عني ومش معايا
🥀🥀🥀🥀🥀🥀🥀🥀🥀🥀🥀🥀🥀🥀🥀🥀
بعد مرور أسبوع علي أبطالنا
جاء موعد فرح ملك وإياد
وجميعهم مشغلون بتجهيزات الفرح ولكن هل يمكن أن يستسلم النسر بهذه السهوله أمام الفيومي وعز الدين أم ينوي علي فعل شئ ليرد عليهم ويثبت انه النسر الجارح الذي لا يقف أحد أمامه هذا ما سنعرفه معا
وأيضا جاء موعد الحفله التي رتبتها وعد لكي يعترف محمد بحبه لآسيل هل من الممكن أن يكون هذا حبا حقيقيا أم هذا مجرد عطف وشفقه وما موقف آسيل وهل ستقبل هذا الحب أم سترفضه
أما بالنسبه لوعد وفادي زي ماهم كل واحد مستني التاني يتكلم او ياخد خطوه (والله عيال شلل)
وبالنسبه لشمس رجعت الحمد لله لعيلتها قبل الفرح بيومين زي ما إياد وعد محمود وبردو هي لسه مش طايقة ياسين وخدت صدمه حياتها في أحمد أخو ملك لما عرفت إنه بيحب شذي لا وكمان خطوبتهم قربت
(والله البت دي هبله زي اللي مختاراها😂😂)
🥀🥀🥀🥀🥀🥀🥀🥀🥀🥀🥀🥀🥀🥀🥀🥀
في احدي الفنادق الكبيرة الفخمه المطله علي البحر في الغردقة التابعه لعائله الأدهم ( النسر الجارح)
حيث يقام فرح ملك وإياد
في احدي غرف الفندق توجد ملك وشمس ونعمه وجميله والميك اب ارتيست
شمس: والله يا بخته إياد واخد قمرايه
ملك: لا ده بختي أنا اللي حلو عشان كده ربنا رزقني بواحد زي إياد طيب وحنين ووسيم وبيحبني ربنا يخليه ليا وميحرمنيش منه أبدا
جميله : ربنا يسعدكوا ويخليكوا لبعض ويجمعكوا ما يفرقوا اللهم أمين
نعمه: مبروك يا كراميلة العيله مبروك يا حبيبتي ربنا يسعدك يا رب
شمس: انتوا هتفضلوا تدعوا كده لحد امتي تلاقي الراجل هينام من الوقفه بره لوحده
جميله: اه والله عندك حق احنا مستنين اي مش كلنا خلصنا ولا لسه في حد عايز يعمل حاجه
أنت تقرأ
النسر والعنيدة(النسر الجارح)
Novela Juvenilهي عنيدة وهو عنيد هي مجنونه وهو قاسي هل ستتغير حياته وشخصيته بسببها ولا لن تقدر عليه
