ولن أجد من دون ربي سبيلاً (متوقفة حاليا)

الفصل الثالث

الفصل الثالث

ولن أجد من دون ربي سبيلا
بقلمي : إلينورة الروايات ندى عادل
................

أوصلها محمد إلى مكان درسها ورحل دلفت خديجة إلى الدرس لتجد عائشة تدخل معها

خديجة بابتسامة : السلام عليكم ورحمة الله وبركاته
عائشة ببرود وهي تدخل : وعليكم

دلفا الاثنتان إلى قاعة الدرس ليوقفهم صوت المعلم

: ما لسة بدري يا استاذة عائشة

نظرت عائشة إلى خديجة الواقفة بجانبها ثم نظرت للمعلم مرة أخرى وقالت : كان عندي درس عربي

: درس العربي خلص من ساعة...

عائشة : اصلي كنت...

: لا أصل ولا فصل اتفضلي ادخلي مكانك

ثم نظر إلى خديجة وقال بهدوء : يلا يا خديجة ادخلي

دخلت عائشة بعصبية وجلست بجانب سلمى التى كانت تمضغ العلكة بطريقة غير لائقة

عائشة بنرفزة : يعني اشمعنا هزقني أنا ومهزقهاش ايه دة !
سلمى بضيق : يباااي على البت دي مش بطيقها عاملة فيها شيخة واوفر
عائشة : أوفر جددددا بكرهها بجد مسهوكة كدة ف نفسها

انتهت الحصة فقال معلمهم : الورق بتاع الحصة الجاية مع خديجة اللي هياخده النهاردة ياخده منها

عائشة بضيق : ملقاش غيرها يدهولها اوف بجد
سلمى : تعالي ناخده وخلاص

كانت خديجة واقفة تجمع اشيائها حتى وجدت سلمى وعائشة أمامها

سلمى بابتسامة صفراء : عايزين الورق
خديجة ببشاشة : اتفضلي يا حبيبتي
اخذت عائشة منها الورق بقوة ثم نظرت لها ببرود : شكرا .. ثم رحلا الاثنان
..............
سلمى بضحك : براحة على البت
عائشة : بلاش قرف
سلمى : المهم فكرتي في الموضوع اللي قولتلك عليه
عائشة : بصراحة فكرت ومش مرتاحة
سلمى : يا عبيطة مش مرتاحة ليه بس هو انتي شوفتيه لسة .. بصي قابليه واتكلمي معاه لو مرتاحتيش خلاص
عائشة بتنهد : ماشي .. هقابله امتى
سلمى بخبث : النهاردة الساعة 8:00 ماشي ؟
عائشة : 8 ايه مش هعرف ابويا مش هيرضى ينزلني
سلمى : قوليله أي حاجة رايحة تذاكري عند صاحبتك أي حاجة
عائشة : ماشي هحاول بس هنتقابل فين
سلمى : تعالي تحت بيتي وهو هيكون موجود ياخدك وتمشوا
عائشة : نروح فين ؟
سلمى : اي حتة تتمشوا تقعدوا في أي مطعم
عائشة : والله منا مرتاحة بس ماشي
نظرت لها سلمى بخبث وصمتت
..............
جاءت الساعة السابعة والنصف وكانت عائشة متوترة جدا خائفة ان يرفض والدها أن تخرج في تلك الساعة المتأخرة ... اخذت قرارها وخرجت له

عائشة : بابا
عبد الله بابتسامة : نعم يا حبيبتي
عائشة : عندي امتحان بكرة تاريخ ومش عندي المذكرات اللي هذاكر منها بس موجودة عند بسمة ممكن اروح عندها ساعتين نذاكر واجي
عبد الله : ف الوقت دة .. طب مينفعش هي تيجي
عائشة بسرعة : ما هي مامتها تعبانة ف مش هتعرف تسيبها وتنزل
عبد الله : لا ألف سلامة عليها .. ماشي روحي بس متتاخريش
عائشة بفرحة : ماشي