ملك : عندي حفيدة صغيرة
مروة:طيب بس هي وين
ملك: هي بالميتم ابي منك تزوريها من فترة لفترة علشان......لاتحس انها وحيدة الوحدة .......ممكن تجيبي ورقة وقلم
بدات تكتب و انا اناظرها و ابكي مو معقولة فقدت أم مرة و رح افقدها مرة ثانية
بعد ماانتهت قالت لي : لا تنسين بنيتي
ثانية لحظات ..مرت حتى صحيت من صدمتي..معقولة ماتت ..أو نامت بس
بديت اصحي الخالة ملك بس مابغت تصحى
مروى بصراخ: لا .. ياربي تكون نايمة ..يارب ماني بقادرة أفقد أم للمرة الثانية لحظات حتى لقيت الممرضات داخلين و بالعافيه طلعوني كنت مب راضية أطلع
مروى ببكاء : مـــاتت
بدر: ادعي لها بالرحمة
مروى ببكاء يقطع القلب: و الله أني مب قادره أتحمل .. قول لي أنها ما ماتت .
بدر: مروى أنتي كذا تعترضين على قضاء اللَّه و قدره فعشان كذا ادعي لها أحسن من أنك تبكين
مروى: الله يرحمها
بدر بمزاح : شنو صار بالدنيا مروى تبكي و الله أني ماعرفتك إلا صدق من متى صار عندك قلب
مروى رغم أنها تدري أنه يمزح بس وجعها كلامه رغم كل هذا هي بشر مثلهم لها قلب تحس فيه مب مثل ما يعتقدون أنها حجــر
_
________________________________
#سلامًا على أعين ذاقت العناء
ومازالت تبتسم و في قُلوبها
فوق البُكاءِ بكَاء!
_________________________________
مروى بإبتسامة مصطنعة : اي و أنت الصادق
و الحين والله ماادري شنو علينا نسويه
بدر : أنتي عليك تروحين البيت عشان ترتاحي و خلي الباقي
مروى: بسرعة خلينا نخرج لأني انكتمت من ريحة المستشفى يلا
بدر: أجل يلا مشينا
مروة
«خرجت من المستشفى و أنا ميتة من الحزن ليش كل الناس اللي أحبهم يروحوا و يخلوني بروحي أعاني من ذي الحياة القاسية كل اللي حبيتهم راحوا .. كافي أني عشت يتيمة الأم و الحين صرت يتيمة الأبوين ».
مروى بعد أن اكتشفت أن الطريق مب طريق القصر
مروى: بدر إنت لويــــن ماخذني
بدر بعد ماحس بضيقتها حب يغير جوها: رح اخطفك عندك مشكله؟!
مروى: هه بايخ و ما يضحك
بدر: اصلا ماحد طلب منك تضحكي هه هه
مروى: و الله أنك سامج و حيوان و حمار( احم احم آسفه على ذي الألفاظ)
بدر: طيب أنا حيوان و حمار شدعوه تسولفين معاي
مروى: لأنك غبي و من الفراغ اللي احس فيه قاعده اكلمك.
بدر بعد ماحس بالراحه لأنه غير جوها: گأني عطيتك وجه زياده .
مروى بتجاهل: إلا إحنا لوين بنروح
بدر بتنهد: ايش رأيك نروح للقصر
مروى بهدوء: لا ماابي أروح ..تكفى خذني لأي مكان الا القصر.
أنت تقرأ
عذاب ماقبل الذهاب
Actionهي رواية خليجية عبارة عن بنت عاشت حياة صعبة و فجأة تلتقي بشخص يغير كل حياتها يصير الأخ و الصديق و الحبيب بس في كثير من المصاعب تواجهها تتوقعون تجتازها كلها؟
