👟👟👟👟👟👟👟👟👟👟👟👞👞👞👞👞👞👞🥿🥿🥿🥿🥿👡👡👡👡👡👡🌡️👢👢👢👢👢👢👢👢🥾🥾🥾🥾👢👡🥿👞👟👟👞🥿👢🥾👢👡🥿👞👟👟👟👟 كفايه دول ولا عايزين كمان والله العظيم عارفه اني اتأخرت اوي كمان بس اول حاجه كنت عايزه اشوف عمو طروقه ناوي علي اي تاني حاجه كنت بعمل مفاجأة ليكم بس مش هتعرفوها دلوقتي هتعرفوها في اخر البارت المهم يلا بينا نبدأ البارت ونقول اللوووو
عايزه اتكلم النهارده عن شويه حجات كدا انتشرت اليومين دول بالذات
1️⃣ التعارف
التعارف بيبقي من علي جميع مواقع السوشيال ميديا حرفيا يعني مثلا انا ابقي قاعده في امان الله بتكلم مع اصحابي علي واتس (في جروب مثلا) الاقي واحده داخله بتقول يا جماعه في ولد دخلي خاص وهو عامل نفسه بنت وموجود معانا علي الجروب طبعا احنا ادايقنا والولد دا دخل لكل البنات اللي علي الجروب حتي انا دخل بيقول هاي ممكن نتعرف والجو دا أما عرفت بقي بس حبيت الف وأدور شويه عليه المهم قلت في الاول لا ومش بتعرف علي حد والكلام دا الولد فضل يبعت رسائل كتير وانا عارفك وانا مش زي الولاد التانيه انتي مش عايزه تتكلمي معايا لي قولتلو علشان انا محترمه مش من البنات اللي بتكلم ولاد والجو دا وانت واحد مش محترم قالي :ومين قالك اني مش محترم علي فكره انا محترم ومحترم قوي كمان بس انا محتاج حد اتكلم معاه
طبعا حبيت اشوف هيعمل اي لو قولتلو تمام فعلا قولتلو تمام موافقه انا زي اختك بالظبط لو عوزت حاجه مني كلمني وانا تحت امرك
قالي تمام يا غاليه 😂😂 (هتعرفوا بضحك علي اي بس مش دلوقتي ) المهم عدي وقت حوالي شهر كدا وانا نسيت الموضوع دا اصلا المهم لاقت حد باعتلي بيقول سلام عليكم انا قولت مع نفسي ياربي اي البلاوي اللي بتتحدف علينا دي أما اشوف جالي من انهي مصيبه دا
دخلت وقولت وعليكم السلام مين حضرتك وجبت/ي رقمي منين
قالي انتي نسيتيني يا غاليه
طبعا من هنا انا افتكرت وقولتلو اي
هو انت بتاع غاليه عامل اي (معلومه بس انا كنت سهرانه والكلام دا كان حوالي الساعه 2باليل )
المهم قالي والله مخنوق وعلي اخري ومعرفش اي
قولتلو قوم صلي كدا ركعتين لله واستني لما الفجر يأذن صليه وخش نام
قالي انا مش عارف اشكرك ازاي والله انتي ريحتيني قوي
قولتلو ولا يهمك بس ممكن أسألك سؤال
قالي اتفضلي
(طيب انا وانتوا زهقنا من قالي وقولتلو والجو دا ف انا هعملها ك محادثه كدا تمام)
انا :هو انت جبت رقمي منين
الولد :انا جبتو من جروب انتي كنتي فيه
انا:طيب ممكن تبعتلي صوره وإسم الجروب
الولد:حاضر
(طبعا يا جماعه انا كنت عارفه الاسم وكل دا بس كنت عايزه اعرف مين اللي دخلتو )
انا :طيب هي مين اللي دخلتك في الجروب دا
الولد :واحده اسمها **** (قال الاسم بس انا مش عايزه اكتبو)
طبعا انا عرفتها ثواني كدا مش دي صاحبتي كلب البحر البيست فريند
انا:اي دا هو انت تعرفها منين
الولد :اتعرفت عليها في جروب ودخلت كلمتها
انا:طيب انت دلوقتي بتكلمها
الولد:ايوه بس لي
انا :دي صاحبتي يا زفت انت بص بقي رقمي دا تمسحو من علي فونك خالص ورقم صاحبتي كمان علشان اقسم بالله لو عرفت إنك بعت رساله واحده ليا أو ليها هكون مطينه عيشتك من الاخر كدا تمام
الولد :انتي بتقولي اي
انا:زي ما قرأت كدا الرقمين يتمسحو من حياتك تماما فاهم
الولد:تمام ماشي
عملتلو بلوك طبعا ودخلت كلمت صاحبتي
قالتلي انو قالها مش بكلم ولاد وطبعا نفس الحوار يا غاليه يا ست البنات
الكلمه دي كان بيقولها لكل بنت بيخش يكلمها دلوقتي كل ما تيجي كلمه يا غاليه نضحك انا وصاحبتي لما نشبع
طيب الفائده من الكلام الكتير دا اي بلاااش يا بنات التعارف بلاش بلاش يعني ولاد أو بنات هتقوليلي لي بنات هقولك انتي مش صامته هي بت او ولد وبيضحك عليكي أو حتي لو بنت انتي برضو مش ضامنه دي منين وتربيتها اي والكلام دا كلو
علشان كدا بلاش وزي ما بيقولوا الباب اللي يجيلك منو ريح سدو واستريح
تمام
دا اول نوع تاني نوع بقي
2️⃣الاسماء والاكونتات الفيسبوك😶😶
طيب اتشهر دلوقتي أن الولد بيخش علي اي موقع تواصل اجتماعي مثلا يعني الفيس بوك
الولد بيعمل اكونت فيك وإسم فيك يعني مثلا كاتب نفسو اي "زهره الخليج"دا مثلا يا جماعه ولو في واحده الاكونت بتاعها كدا ف دا انا مليش علاقه بي ومش قاصداه والله
ماعلينا المهم وحاطط صوره بروفايل اي بناتي بناتي يعني ويخش ويتعرف ويتكلم برضو علي اساس انو ولد ومش بعيد انو يخش يتكلم مع ولاد علي اساس انو بنت 😂😂
تخيلوا يا جماعه كدا يقعدوا الولدين يتكلموا مع بعض وفي الاخر يقرروا يتقابلوا يختااااااي علي الكارثه اللي هتحصل 🤣🤣🤣
نتكلم جد شويه بقي
طيب لي انت تعمل كدا عاجبك كدا طيب انت لو عندك اخت مثلا وحد عمل فيها كدا هتعمل اي بلاش بجد علشان الموضوع بقي اوفر
3️⃣كام مصطلح كدا حابه اتكلم عنهم
الكلمه الأولي _سيكا_اي الكلمه دي معناها اي يعني هه معناها اي حد يقولي
الكلمه التانيه _ياسطا_هموووت من الكلمه دي بجد هو مش الاسطي دا سواق الميكروباص ولا انا اللي بيتهيألي مش فاهمه انا اي دا يعني اي اكون بكلم صاحبتي تلاقيها بتقولي تمام يا سطا 🧐🧐
انا بدور هي بعتت الرساله دي بالغلط ليا ولا اي النظام
الاقيها بتقولي انا في الاخر يختااااي
الكلمه التالته _خلصانه/خلصا_ اي الكلمتين دول يعني اي خلصانه وخلصا اي دا يعني مش فاهمه
احم احم دستووووور طيب يا جماعه بارت طوييييل اهو علشان محدش يبقي عندو حجه علشان التفاعل زيرووو لي مش عارفه يعني طيب المفاجأة الى انا قولتلكوا عليها في الاول هي اني قررت بإذن الله اني اعمل روايه يس يس قررت اخيرا بعد مشاورات بين عقلي وكل أنحاء جسدي قررت اعمل روايه اخترت الاسماء وكل حاجه بس الغلاف بتاعها بيتعمل لسه اول ما أنزل أول بارت فيها هقولكم
طيب انا عملت بارت طويل النهارده علشان مش عارفه انا هنزل تاني قبل الامتحانات ولا لا علشان في مذاكره طبعا وطروقه مش سايبنا في حالنا
يلا سلاااااام
سلاموووز
Haneen Ahmed 💕💕❣️
