عارفين انتوا جبل الهموم اللي بيبقي علي قلب اي شخص فينا مش شرط يكون الشخص دا كبير عادي ممكن تكوني صغيره بس عندك الجبل دا
محدش منكم فكر مره الجبل دا الأساس بتاعو اي انا اقولكم🙋🙋
الجبل دا بكل بساطه بدايته زي بدايه اي مبني كبير في الاول بيبقي عباره عن حجره طوب بعدين بيتجمع الحجر دا مع مكونات البناء طبعا وفي الاخر حجر ورا حجر بعدين يكون بناء عالي جدا أصله حجر طوب
نفس النظام بيحصل في الجبل دا
بيبقي أصله كلمه حد قالهالنا زعلتننا خصوصا لو كانت من حد بنعزه وبنحبه اوي أو حد قريب مننا عمرنا ما توقعنا ان الكلمه دي تيجي منو هو
ممكن مثلا في مره تصحي عندك درس بقي ومتأخره ف جريتي من غير ما ترتبي ولا تنظمي مكان نومك
وتيجي من الدرس تعبانه تستريحي
مامتك:طبعا مانتي مش هامك حاجه
قومي ياللي مش نافعه في حاجه
ياللي البنات اللي قدك واللي اصغر منك بيعملوا اي حاجه أمهاتهم بتقولهالهم
دي بتبقي قاعده الجبل الأساس بتاع الجبل لي بتبقي دي بالتحديد الأساس لأنها بتبقي صدمه كبيره في الام
طيب تمام الجبل خلاص بقا فيه قاعده بسيطه خالص ممكن تتشال بسهوله
تاني يوم تلاقي الميس بتاعتك بتقول
اي دا انتي جايبه درجات وحشه لي دول اصحابك احسن منك
اي دا يا فاشله
طيب تيجي تذاكري بعد كدا اكيد هتلاقي نفسك ملكيش نفس تذاكري عارفين لي يا جماعه علشان خلاص مخك دا كل ما تذاكري هتلاقي جملة(انتي فاشله) في وشك وبالتالي مش هتقدري اصلا انك تذاكري أو تفتحي كتاب ويبدأ بقي الكلام الباقي دا انتي مش بتذاكري اه ماهو اكيد مش هامك حاجه ما انتي بارده مش بتحسي كلام كتيييير اوي ملوش نهايه من إحباط لملل لحاله نفسيه
طبعا الكلام دا نبذه مختصره عن اللي بيتقال
طيب يبدأ بقي يتكون الجبل وكل دا علي القلب اللي بيبقي خلاص فاضل حاجه بسيطه خالص والجبل دا يتحول لبركان وينفجر في اي حد ودي بتبقي مرحله الحاله النفسيه ودي صدقوني يا جماعه مش سهله ومتستهونوش بأي حد مريض نفسي لان المريض النفسي دا متخلقش كدا لا اكيد في أسباب وأسباب مش بسيطه او ممكن تكون سبب بسيط بس مع الزياده فيه خلاه حاجه مش بسيطه خلاه حاجه ضخمه رغم أن كان من الممكن بكلمه حلوه من اي حد السبب دا ننساه ويبقي مفيش حاجه حصلت اصلا
ايوه يا جماعه ما هي دا اصلا نعمة النسيان النسيان دا نعمه من عند ربنا نحمد ربنا عليها فعلا لأن من غير النعمة دي كانت كل كبيره وصغيره هتفتكرها ودي حاجه وحشه مش حلوه
علشان كدا ياجماعه بليز فكروا في الكلام قبل ما تقولوه لأن فعلا الحرف الواحد اللي بيخرج منكم بيفرق جدا سواء كان هيتقال في جمله تفرح أو جمله تزعل بتبقي سبب يا في فرح حد يا في زعل حد
"""""""""""""""*""”"""""""""""""""*""'"""""""""''''''""""""""
وبسسس دا كان البارت بتاع النهارده عارفه والله اتأخرت بس اعذروني فعلا لأني مشغوله جدا علشان عندي امتحانات كل شهر وكدا ف بخلص من امتحان لسه بقول الحمدلله الاقي امتحان تاني بيقولي ابدا والله مش هنخلص في سنتنا دي
"التمس لأخيك سبعين عذراً"
باااي
Haneen Ahmed 💕❣️
Baaaaay 👋👋
