أحلام بريئه 💔 فصليات

البارت التاسع

أحلام بريئه 🥀💔
البارت التاسع للكاتبه آمنه مهدي 🥀❤️

هلي  وياهم جنت عايـــش بلاهم
ونهاري شماضــــوئ مضلم بلاهم
هلي مـــدري الوكت شنو بلاهــم ولاهمه عرفوا بالصار بيه

طلعت وره المره وصلنه ع الصاله تعالي لزميني اكوم
رحت الها ثگيله وماگدر احركها م̷ـــِْن العربانه صااحت بيه
وخري وخري توگعيني انتي متگدرين ضلت تصيح ع بنات اجن الها شالنها وصعدنها الدرج يله تعالي رحت وراها صعدت الدرج
اول موصلت گبالي حمام ع جهه اليسرئ غرفه وع الجهه اليمنه شباچ چبير وباب السطح أوگفي هناا
وگفت يم باب الحمام وهيه طبت للغرفه شفت حاويه كلش جبيره بيها حفاضات مال عجزه بگلبي اگول يمكن عدهم مره چبيره ويلبسوها هاي الحفاضات صاحت بيه المره تعالي طبي
رحت للغرفه ريحه تفطر الصايم تلعب النفس حطيت حجابي ع خشمي وطبيت ولد مدد ع جربايه لايحرك ايد ولا رجل،
تعالي اعلمج ع علاجه وشوكت تنطي اله واضلين يمه هنا تهتمين بي ه̷̷َـَْـُذآ ابني جواد م̷ـــِْن كالت جواد احد ضربني ع راسي ضليت صافنه ه̷̷َـَْـُذآ نفسه العقدوني عليه يله شبيج وگفتي تعالي غيري م̷ـــِْن جواها عاملها
رحت يمه حتئ انزعه البجامه يبس روحه وضل يصيح لالا بس مامفهومه گوه يحجي ويهز براسه
امه // يمه هاي مريتك خليها تغيرلك وتهتم بيك يله يعيني انطيها مجال تنضفك نازله اني طلعت وسدت الباب والبنات الي وياها طلعن شالنها ونزلن
بقينه بس اني وياه ماگدر نفسي تلعب زلمه شلون اغيرله حفاضه تنگبت بحجابي وگوه نزعته وغيرتله رحت للحمام گلبت حتئ معدتي
نزلت روحي تلعب وكوه مصبره ع روحي،رجعت للغرفه البنات گاعدات
فرح / هااا مها وين اخذوج
مها / دموعي خرطن بسرعه كعدت انشخ وابجي سولفت اللهن
ع جواد وشنو وضعه
گعدن يواسن بيه فرح تكول لْـۆ اياد م̷ـــِْن نصيبج عاد حلوو وشخصيه
للكاتبه 🥀💔 آمنه مهدي
اجت مره احنا كلشي منعرف منهم ام منو مرت منو
منوو مرت الشيخ
فرح / اني
گومي دخلي للحمام ونضفي روحج الشيخ يريدج
وهاي الطفله حضرنها راح ياخذوها
راحت فرح واني احضر ملابس جنه استبرق طلعت تكنس الطارمه زهراء گاعده تقره
رحت يم زهراء
زهوري شنو گاعده تقرين
تاريخ عِنـ.̷̷̸̷̐ـديّ  امتحان باجر
بتسمت زهراء يامتحان ه̷̷َـَْـُذآ كومي اول مسحبت الكتاب هجمت عليه بالضرب ماكدرت احمي نفسي صيحت  دخلت استبرق لزمتها وصلت تعيط عليها شبيج تخبلتي ملختي البنيه
لزمت الكتاب شككته ڱڵـه. استبرق وشمرته ع وجها وكعدت تبجي
اني هم گعدت ابجي يمهن
استبرق// مهاوي اسفه يكلبي تخبلت هاي
مهاا // لٱ يععمري عُاَدّيَےّ مصار شي حقها
استبرق // زهراء جان حلمها تروح قانون وتصير محاميه وتدافع عن المضلومات وتاخذ حقوق المره م̷ـــِْن الرجل الضالم
هسه هيه يرادلها محاميه تدافع عنها وتاخذ بحقها تكره الرجال وتكره الضلم
زهراء انفجرت بالبچي واجتي عليه بحضني اني،حضنتها وضلينه نبجي كوه سكتناها وهديناها
دخلت ام جواد بالعربانه وين هاي الزغيره. يله بيبي كومي روحي ع اهلج
احنا فرحنه بوسناها وراحت صدك فرحنه لان دائما تبجي ع امها رغم عماتها يمها وتريد تلعب ويه اخوانها
ام جواد / انتي شسوين هنا موكتلج لتعوفين جود روحي يمه يله
ي عمه بس اخذ ملابسي اجيت
تعالي انتي ع استبرق راحت يمها
شالت ثوبها روحي للحمام نضفي روحج
يله حتئ يدخل عزيز عليج بلليل
صعدت اني ع غرفه رحت اعزل غراضه عنده صور هواي مطشرات بالمجر اسفط بيهن صور يمكن مو  بالعراق مناطق حلوه مدري بالعراق اني وين طالعه وين شايفه طلعت مستمسكات اله اسمه جود كريم صفوان عرفت هوه ابن الشيخ
افتر بالغرفه هوه بس عيونه تتحرك ويدورها عليه وين ماروح
بالله هسه اني وين انام وين اكعد وين اصلي منو يكول ه̷̷َـَْـُذآ المكان طاهر وهاي الريحه فطرت راسي
طلعت بره شلت الحاويه طلعتها بالسطح مزهريه يم الباب عايفيها
فتحت باب السطح والشباچ يطل ع حديقه واشوف الشارع هم
دخلت للحمام مرتب وحلو بي مقعد غربي
ضليت گاعده بالغرفه ندكت الباب رحت فتحتها ه̷̷َـَْـُذآ غده جود
صينيه بيها ثريد تشريب وللحم وتمن وزلاطه ناعمه وروبه
كعدت يمه صعدت راسه ع مخده اوكله بالخاشوكه يطشر وميسيطر رحت ع حمام غسلت اديه بصابون ورجعت عليه اوكله بأيدي ميته جوع ولاكل يشهي بلا ريوگ اضل امص باصبعي واتقصد اعوف شويه بايدي حتئ اكله روحي،سايحه م̷ـــِْن الجوع اكل قليل وبعد ميقبل يفتح حلگه ياشر بوجه ألج
اني كيفت اخذت الصينيه ونزلت جوه صفيتها
كملت توضيت وطلعت بالسطح اصلي الجو حلوو الشمس طالعه
كملت ورجعت ع غرفه كعدت لمن صار الليل عشيته وتعشيت وياه ونزلت جوه اشوف البنات
دخلت الغرفتنه فرح متغيره تخبل صايره
يتبع ❤️🥀 للكاتبه آمنه مهدي