أحلام بريئه 💔 فصليات

البارت الاخير ❤️

أحلام بريئه 💔🥀
البارت 30.   والأخير ☺️ الباارت طويل شويه  لان ختمت القصه بارت واحد وشكرا ❤️❤️  للكاتبه آمنه مهدي ❤️❤️
أُمي
يارَوحاً طَاهرةً تَهيمُ مِن حَولِي
يا حُضناً دَافِئاً كَم شَكوتُ إِليهِ هَمي

سمعت اذان الصبح صليت حطيت راسي ع سجاده ونمت كعدني جواد مهاامهاا كومي يله
شلت راسي كلش ثگيل بدون اكل جسمي تُعباُنٌ صوتي رايح
كمت لبست عبايه وكعدت يم الباب جود مهاا تعالي اكلي لكمه ميصير اني مدنكه وأون
اخذني الكل راح ويانه لان دافنيها بالنجف طلب امي،وصيتها،
اهلي هم راحو يزوروها
الطريق ڱڵـه. راسي ع متن جود ونايمه وصلنه جود أشتره مي ورد وبخور
ابوي يمشي كدامنه حتئ يدلينه اهل جود
احنا نقره الفاتحه ونروح نزور اهلنه
ابوي كال ذاك بويه كبرها
رحت ركض الها گطفت روحي ع گبر والطم واملخ بروحي اشيل تراب واذب ع راسي واكلها يمه اخذيني وياج يمه الدنيه متسوه بدونج اااخ اتمنئ الكبر بي باب وينفتحلي وانام بصف طولج الحلوو يمه يمه كعدي وج راح اموت تسمعيني موو يمه انَـỲǑŲـْتي تسمعيني ماشفتج حتئ م̷ـــِْن اخذوني مابوستيني
ريحتج مافاركت ريتي اتنفسج انتي يمه بداعه عزيز كلبج اخذيني يمج ادگ بالگبر انفتح واخذني يمهااا امي
جود // حتئ العالم الغرب بجوا ع صوت مهاا اهلي ماتحملوا كلهم راحوا ودموعهم بعيونهم
گعدت يمهاا قريت اسم امهاا زينب مهاا فاقدة مخليه راسها ع گبر ومدده بالتراب اتقربت يمها لزمت بطنها مهاا •اللّـہ̣̥ اخذ زينب،وعوضج بزينب اهتمي بيهاا الخاطرها كومي ليصير بيها شي،شنو ذنبها تخسرين امج وبنتج كومي اهتمي بزينب الزغيره
شلت راسي ودموعي تارسه وجهي وكلي تراب سمعت جود سمه بنتي ع اسم امي حضنته وضليت أبجي شالني كعدني مسافه غسل الگبر بمي ورد وترسه بخور ورحنه وعفت امي،وراي،جوه التراب عفتها مدده بلحدها ورحت
وصلنه للولايه زرنه ورتاحينه دخلنه ع مطعم كوه اكلت بلاعيمي مجرحه وصوتي رايح رجعنه للبصره جود كوه يسمعني كتله وديني البيت اهلي،
رحت كبل البيت اهلي
جود // مهاا ابقي هناا ارتاحي اشبعي م̷ـــِْن اهلج اسبوع وامر عليج بس نطيني وعد تاكلين ومتبجين ولاتأذين نفسج
انشاءلله
هاج ه̷̷َـَْـُذآ مصرف ألج اهتمي بروحج وباسني وراح
جود // وصيت محمد عليها وطلعت ع بيتنه لان شغلي ماكدر اعوفه
مهاا // رجعت البيت اهلي وحش م̷ـــِْن دون امي ماينطب،
بس مجبوره الخاطر ابوي ومصطفى واخواني
طلعت غراض جبتها الهم م̷ـــِْن النجف اخواني،كلش فرحوا بيها
قطعه القماش الضميتها لامي نطيتها المرت مصطفى تستاهل
كلشي مهتمه باهلي ومداريتهم
ضليت اول يوم بحزن ونكد وقهر ع امي اتذكر گعدتها بكل مكان
م̷ـــِْن تشغل الصوبه النه ونجتمع  واكلها الطيب الي تحمي ع صوبه
كعدت الصبح مرت مصطفى محضره الريوگ والكل مجتمع منتضريتي كعدت تريكت گوه اكل متخربطه وتعبانه كلش رجعت نمت مصطفئ وابوي طلعوا للشغل
رجع ابوي جايب للحم اخذته نور م̷ـــِْن ايده جرت العلاكه ساره شوو اشوف اللحم عصومي يبجي يريد للحم حتئ ميعرفه شنو
واحنا بيت الشيخ أإأذأإأ اجه خطار النه نذبح طلي ويضل اللحم باالصواني
كعد ابوي يمي هاا بويه شلون صرتي
الْحٍمَدٍ للـّہ احسن
الْحٍمَدٍ للـّہ والشكر بويه شلونج هناك مرتاحه اخذج منو م̷ـــِْن ولدهم
اخذني ابن الشيخ الوحيد الاهله اسمه جود
هاا هاا ضل يسالني ع محمد والبقيه واني اجاوبه واعرفه بعائلتهم
بويه هنااء جيبي رمان المهاا
لالا بويه ماريد ماشتهي.      لٱ بويه اكلي اني جبته ألج
بويه شوكت تزوج مصطفى
م̷ـــِْن ماتت المرحوممه امج تبهذلنه ماعدنه جبيره بالبيت واخوانج زغار ضلوا عند الجوارين وبالشوارع لمن طلع اربعينها شفت الموت وياهم مصطفى شرد شهرين ميلفي البيت
لَيــِْ♡̷̴̬̩̃̊ـِْش.
ابوي دنگ غرگت عيونه بالدموع. يدور عليج
اني وكعن دموعي كبل بحضني حتئ مامرن بوجهي.
وره الشهرين رجع خايب فتحت عليه موضوع يتزوج الخاطر اخوانه هناء بنت فلاح وياي يُشَتغلً بس عقدنه مومن وقبلوا بشي،بسيط لان همه هم حالتهم تعبانه مصطفى عمره 15 سنه
ميعرف شي عن الزواج بطل م̷ـــِْن المدرسه وشتغل عماله بالبناء
صار عنده ولد وبنيه وهسه مرته حامل
ابوي // اااخ بويه خربت عيشتي خرب حياتي جنت رجال م̷ـــِْن الشغل للبيت وع جهالي لٱ اعرف عمام ولا عشيره موت امج ڱڵـه بسببي بويه سامحيني اطلب م̷ـــِْن •اللّـہ̣̥ ومنج السماح
يدگ ع صدره ويكول ااااخ ماتت امج والله بويه مادري تسويها
شكد متندم ضليت عمري اعضعض اصابيعي ندم
مهاا // يويه شعندي غيرك مسامحتك ولا يوم شلت حقد بكلبي عليك اصلن بكل صلاه ادعيلك بالرزق والعافيه
اخ بويه اتمنئ يرجع الزمن وماخليها تحرگ روحها
عبالي عصبيه گلت تهدء وتطلع وترجع الحياه طبيعيه كالتلي رجع مهاا لاحرگ روحي واني ماكتلها طلعي يصير خيرر
يدگ ع راسه ويكول كتلها طبج مرض حركي روحج قحط هسه انتي وبنتج راحت بعد وماسع اله صريخها واسمع دوي النار
ع ماكسرنه الباب راحت الربها
اني انشغ وابجي بهل للحضه حقدت ع ابوي م̷ـــِْن وداني لليوم عُاَدّيَےّ حتئ ماندعي عليه
اسمع كلامه خناجر بكلبي احسها لَيــِْ♡̷̴̬̩̃̊ـِْش. ماجبتوني الفاتحتها
لَيــِْ♡̷̴̬̩̃̊ـِْش. ماوديت عليه اغسلها احضنها اشوفها،
بويه ماسوينه فاتحه ماعندي سويت الها ترحيم 3 ايام يجون الناس،يقرون الفاتحه ويطلعون  انطوني العشيره مليونين
مليون مراسيم الدفن وسويت عشه بثوابها ومليون زوجت مصطفى بي
مهاا // بكلبي ردت اكله وعشيرتك الي زامطت بيهم الي تبرعت بيه الهم اول ما سلم عليك الشيخ كبل نطيتني بعتني بعبايه ودشداشه وعگال بس سكتت ماريد ازيد جروحه
صار وقت الغده رجع مصطفى وجه يضحك وفرحان اجه يمي يشاقيني ويغيرلي جوو ضلينه نسولف ع طفولته ومرته يمنه
صار الليل والدنيه ضلمه ندگت الباب محمد وابنه كرار
ماقبلوا يدخلون
محمد // هاج بويه ه̷̷َـَْـُذآ عشه الج ودته ام جاسم.  مرته
ليش ضلمه عدكم
مهاا // رحم •اللّـہ̣̥ والديك ماعنده مولده
محمد // راح اجرلكم واير م̷ـــِْن مولدتنه مال اللبيت عدهم مولده جبيره
وره نص سَـآعــهْْ منحس اله رجال ابوالكهرباء اجه وبيده كيبل
وشكله دقايق نور البيت الكل صلئ ع النبي
ماحسيت بلايام تركض ركض يمهم اجه كرار ابن محمد بيده
جهاز جود يريد يحجي وياج عوفي الجهاز يمج
جود يتصل واني مجاوب
ابوي // بويه لَيــِْ♡̷̴̬̩̃̊ـِْش. مجاوبين
ماريد ارجع بعد الهم اريد ابقئ هناا
لالا بويه رجعي ع بيت عيالج والرجل مبين خوش ولد ويحبج ويخاف •اللّـہ̣̥ بيج هااج احجي وياه
الووو
جود // هااا مها بيج شي كلبي يمج ليش متجاوبين
لٱ جواد مابيه شي،جنت مٍشًغوٍلًهُ
جود // شلونها مريتي بنيتي
مهاا الْحٍمَدٍ للـّہ بخيرر انت شلونك
جود // شلوني م̷ـــِْن دونج والله لٱ اكل ولا نوم الًيَوُمًِ اجي اخذج ولا كلام
مهاا // هَــْـِْـْْـِلاّ بيك.   عفيه بالحبابه يله مع السلامه
مع السلامه.
اجه جواد وكلبي نعصر الم بغراضي وكلش مقهوره ماريد اروح
بس ماكدر اضل هناا اهلي ع كد حالهم محمد توعدلي يشوف شغل مرتب المصطفى وبي راتب مو يوميه
العيديات والورقه مال محمد نطيتهم لابويه ماقبل بس اني كتله ازعل مـڼـڱ
ابوي كل شويه وكالي سامحيني اني لْـۆ باقيه ع عيشه قبل ماسامح شفت المر والعذاب والضلم بس هسه مرتاحه وماعندي شي بست ايده وراسه وكتله مسامتحك
طلعت ودموعي تتدافع بعيوني مصطفى يبجي عليه مثل الطفل
رحت رجعت النفس البيت كرهت كلشي،ماريد ارجع اكرههم