أحلام بريئه 💔 فصليات

البارت الرابع عشر ❤️

أحلام بريئه 🥀💔
البارت الرابع عشر
للكاتبه آمنه مهدي ❤️❤️

ضليت أهتم بجود علاجه بوقته وادهن جسمه ڱڵـه. بمرهم واضل احرك جسمه واسويله رياضه

نزلت جوه اشوف استبرق صارلي يومين مشايفتها وصلت ع باب
غرفتها عززيز هااا خيرر وين
اريد اشوف استبرق
عزيز / رجعي ع غرفتج استبرق نايمه
رحت يم زهراء كعدت شويه يمها اجت فرح ضلينه نسولف سوه صارت الساعه ب 11 بلليل الشيخ صاح الفرح اني هم رحت وياها اصعد ع غرفتي فرح شخبار استبرق صارلي يومين
ماشايفتها
فرح / زينه اني اطببلها اكل بس متوجعه خطيه
صعدت جود نايم غطيته ورحت بفراشي نمت
گعد البيت ڱڵـه. ع صياح استبرق تفرفح وتبجي رحت ركض الها كلهم يم الباب واگفين طلعوها بالبطانيه ورجلها يغلط ويكفر
فرح لبست تروح وياها
الشيخ // تعالي فرح لترحين مهاا تروح وياها
رحت ركض للغرفه جود فاتح عيونه يباوع عليه لبست دشداشه وجواريب وحجاب وعبايه بسرعه طلعت وسديت الباب صعدت بالسياره لازمه أيد أستبرق وابجي،
ولد  يسوق السياره وعزيز ويانه وصلنه ع الطواارئ
نزلها عزيز شايلها دخلت للدكتوره كعدت بره أنتضرها اباوع ع الساعه ب 2 بلليل.
الدكتور / طلعت هاي شنو متعرضه لاغتصاب لتكولولي متزوجه
7 خياطات وكلهن طاگات وهسه لازمها نزيف ومنگدر نخيط الها الجلد تالف خلوها للصبح ع مغذيات ع ماتجي دكتوره نسائيه
عزيز / يله مهاا اخذي استبرق وتعالي للسياره
الدكتوره / شنو اخويه ماسمعت شنو گلت  حالتها خطره لآزٍمٍ تضل ع مغذي
عزيز / جر المغذي من ايدها انتي مواحجي وياج اخذيها ولي ع سياره
رحت ع استبرق تجيتها عليه گوه تمشي،اخذتها صعدتها للسياره
ضل عزيز والدكتوره يتعاركون اجه ضايج كلش،ومقهور يغلط ع استبرق مشينه رجعنه للبيت گوه وصلنه ماتت م̷ـــِْن الألم دخلتها ع غرفتها نيمتها وغطيتها وطلعت كلهم نايمين
رجعت ع غرفه جود گاعد اخذته للحمام رجعته حطيته ع فراشه وغطيته عيونه تسألني وين جنتي،بس مجاوبته رحت نمت تعبانه كلش
للكاتبه / آمنه مهدي 🥀💔
گعدت ع صوت زلم يصيحون لاالله اله •اللّـہ̣̥ نفس الصوت م̷ـــِْن شالوا خديجه نفس نبرتهم لزمتني خوفه كلت احلم اني ماكو شي،
دخلت فرح للغرفه بدون متدگ الباب لحگي ليه يمهاا ماتت استبرق وج مااتت وج كومي ليه
گعدت جسمي يرجف لازمه البطانيه بأيدي جود گعد
جذذب فرح ماماتت استبرق عايشه كولي جذب دگيت ع وجهي وجج فرح گولي جذب ااااخ وج فرررح كولي جذب نزلت بسرعه زلم تارسه الصاله وين استبرق وين اخذتوها (ولكم وينهاا لزمني أياد مهااا مهااا روحي لبسي حجاب منا زلم
صعدت للغرفه ماشوف حجابي ماشوف بعيوني جود يباوعلي،
انشاءلله تموت بجاااه النبي تموت واباوع الجود دموعه نزلن انشاءلله تموووووت وينفجع كلب امك وابوك مثل مافجعتونه بموت خديجه واستبرق ولكم خافو والله گعدت گباله فاقده ماتت ماتت م̷ـــِْن وره اخوك •اللّـہ̣̥ ينتقم منه كتلها
دخلت فرح تعالي مهاا يردونه نغسل استبرق لج فرح غسلتهن بديه وج ماگدر جرتني وطلعتني رحت وياها اخذنه اياد للمغتسل استبرق متكوره وصايره صفره يابسه گوه مدينه رجليها واديها عبالك عصه
المره الي تغسل الها هاي ميته م̷ـــِْن زمان لان يابسه لْـۆ هسه بسرعه تمد ايدها غسلنه الها ودخلوا اخذوها راحت استبرق وراحت احلامها وياها ماتت مضلومه نزفت لمن ماتت
حلوه ضعيفه شعرها طويل عيونها خضر. فقيره وتواسي اي،شخص،تشوفه حزين
گعدت بالگاع شالوها م̷ـــِْن يمي راحوا يدفنوها اجه اياد مخلي اديه بجيوبه ويباوع عليه اني صافنه
فرح // مهاا كومي كومي نرجع للبيت زهراء وحدها
اني لاگدر اگوم ولا احجي اتمنئ اموت واخلص حس السره وصل اليه
فرح لزمتني م̷ـــِْن ايد وأياد م̷ـــِْن أيدي الثانيه وخذون جثه صعدوني للسياره ورجعنه للبيت بدون استبرق،
وصلنه للبيت نزلت رحت ع زهراء
يتبع 🥀💔 للكاتبه أمنه مهدي