🌹رواية سندس🌹
قومي يابت اصحي اليوم جايننا ضيوف 😠😠😠
انا:خلاص حاضر يا امي قايمه ''ياربي الضيوف منو؟‘‘
سراج:يا امي الضيوف منو؟
الأُم ‹سلسبيل› :جايين ناس خالك العريس .
سراج و سندس في نفس الوقت: قولي والله!!😃
سلسبيل بضحكه كده :والله العظيم قومو يلا بدلو ملابس النوم دي وسرحو واجهزو ، وانتي يا سندس سرحي والحقيني عايزاك تساعديني.
سندس:حاضر يا امي ما بتأخر .
ومشت وسراج مشه غرفتو برضو
لحظه لحظه😅
تعالو نعرفكم على العائله الكريمه دي💁🏻
اولاً :”سندس“ دي بنت كيوت وعسل وطيبه جداً لونها اسمر فاتح شعرها بني غامق انفها محدب وحواجبه غزيره، عمرها ١٧ سنه ممتحنه شهادة ثانوية تخصص علمي.
نجي لي أُمها. اسمها ”سلسبيل“ مره ماشاء الله بتخاف الله شديد وبتصلي كثير ، لونها زي بتها وشكلها زيها برضو يعني بتها دي نسخه منها طيبه وخلوقه جداً. عمرها ٣٨سنه،وهي مربية منزل.
نجي ل”سراج“ ده اخو سندس الأكبر عُمرو ٢٠سنه ولد مشاغب لكن حنين وطيب مابرضى في اختو دي نهائي وهي كمان نفس الكلام ما بترضى فيهُ ،لونو اصفر مايل للاسمر شعرو لونو اسود حواجبو غزيره وانفو محدب ،في ثانية جامعة تخصصو علمي ’هندسه‘
ابوهم مغترب في قطر مهندس معمار اسمو”علي سراج محمد“راجل شهم وبخاف الله عمرو ٤٠ سنه ولدو جه نسخه منو لكن هو لونو اصفر فاتح.
عندهم خال وخاله وحبوبتم وجدهم متوفين 😞الله يرحمهم
الخال اسمو ”شاكر“ عريس يادوب عُمرو ٣٣سنه كابتن طيران ،مرتو اسمها”توحيده“ عمرها ٢٩سنه.
خالتم”شاديه“عمرها٤٥سنه عندها ولدين تؤم وبنت .البنت ”رزاز“ قدر سندس وصحبته شديد لونها اسمر وشعرها اسود وانفها محدب طيبه وكيوت.
التؤم واحد اسمو”تامر“ والثاني”حُسني“ بتشابهو لكن حُسني اقصر من تامر. بحبو بعض وما برضو في بعض لكن ٢٤ ساعه بتناقشو ،عمرهم ١٤سنه ممتحنين شهادة الاساس .
راجل ”شاديه“صاحب ”علي“شديد اسمو”حسن“برضو مغترب في الامارات وهو مهندس معمار.
عندهم عمه واحده وما عندهم عم ولاجد ولا جده.
عمتهم ”إسلام“متزوجه لكن ما عندها عيال عمرها ٣٨سنه زي سلسبيل وهم صحبات شديد راجله اسمو”أُسامه“
إنتهى التعريف:-
سندس اخدت دش وغيرت ملابسه .لبسة فستان طويل مخنصر من النص بأكمام طويله لونو ابيض مزخرف شويه بالقلوب السوداء معاهُ طرحه باللون الاسود وجزمه زاحفه سوداء .
سلسبيل😫:يابت ما جهزتي لسه؟؟
سندس وهي ماشه على المطبخ:ايوه ماشه عليك.
خلصو من الصُفره حقة الغدا جهزوها على الاااااااااخر وفضلو حارسين العرسان يجو.
سندس مشت قعدة في الحديقة الجنب الباب حق الشارع واول ما سمعة صوت العربيه جرت على الباب فُردرب😂😂😂 وقعت في الارض وملابسه اتملو تراب حبه لانها وقعت في النجيله الحمدلله😅.
قامت ونفضت ملابسه ومشة على باب الشارع تفتحو ولمن فتحتو اتفاجات...😲😲😲
ها توقعاتكم .
الاسئله:-
سندس شافة شنو لمن تتخلع كده!؟؟
وحتعمل شنو في البارت القادم؟
