3
وقف العربيه جنب عربية سراج ونزل منها كان شاب طويل اصفر كدا لابس قميص وبنطلون بالاسود ونظارة سوداء واسبورت اسود.
الولد بعد ما لفا بالجهة التانية فتح الباب القدام:أركبي.
رزاز:ما بركب ولا حاجة والله ،انت منو وعايز مني شنو وعرفت كيف اني هنا؟!
الولد:اركبي عشان اوريك لانو ما ممكن نتكلم هنا في الشارع ،وقفتنا دي كدا ما صاح.
رزاز:خلاص ارح ادخل البيت وبعدين نتفاهم.
الولد عاين ليها كدا😒 وبعد داك وافق يدخل ،وقعدوا في الحديقة الجنب الباب ،قام سراج جا داخل سلم وفات .
الولد:نادي اخوك دا.
رزاز:طيب، مشت نادتو.
سراج:السلام عليكم.
الولد:وعليكم السلام.
سراج قعد في الكراسي القدام الولد ورزاز دخلت تعمل ليهم عصير وقهوة ،طبعا عارفين عادات السودانيين انو لما يجي ضيف لازم يكرمو حتى لو عدو عديل كدا برضو بكرمو .
الولد:انا اسمي أيمن ،عمري 24 سنة ،شغال ضابط في الأمن(جهاز المخابرات)وحاليا نحنا متابعين عصابة مخدرات وأعضاء خطيرة وهم رسلوا لي بتكم دي انو ترسل مبلغ وتقابلهم لانهم متابعنها ليهم شهر ومعاها وحدة اسمها سندس وحسب معلوماتي انها بت خالتها.
سراج(بي صدمة كدا):طيب وريني بطاقتك عشان اتاكد.
أيمن شال البطاقة اداها لي سراج
سراج:طيب اسي الحل شنو؟
أيمن:والله انا تابعت محل رقم رزاز عشان نشوف حل يفيدكم في حماية بتكم ويفيدنا في القبض على العصابة،بالمناسبة انت ما عرفتني على نفسك.
سراج:انا سراج ولد خالة رزاز واخو سندس و عمري 20 سنة .
رزاز جات داخلة ومعاها سندس ،نازلين ومعاهم شاي لبن وبسكويت .
سندس:السلام عليكم.
سراج وايمن ردوا السلام.
البنات قعدوا وفهموهم القصة كلها ،قامت سندس قالت ليهم:يلا المفترض نشوف لينا حل اسي.
سراج:ماف حل بدون طعم ومخاطرة.
رزاز :عندي خطة.
الكل:شنو؟
رزاز:انا اسي المفترض اكون واقفة برا عشان القا المجرم صح؟، ح تقوم انت يا ايمن تجهز ناس الامن بتاعنك عشان تقبضوهم ،وانت يا سراج ، جهز مسدسك وامشي الموقع القبيل داك عشان لو حصل شي انت تنفس العجلات حقت عربيتهم ،وانت يا سندس ، بتعرفي تسوقي صح؟
سندس:اي بعرف،واسي العربية جاهزة .
رزاز:تمام ،لو لا قدر الله هربوا ، انتو التلاتة بعرباتكم بتلحقوهم ومعاكم فريق ايمن ،يلا اسي ان طالعة وانتو اعملو القلتو ليكم.
كل زول مشى على موقعو وفضلوا قريب لي 15 دقيقة كدا وللان ما ظهر شي ،فجأة جا ولد في التلاتينات كدا معضل وملثم بالاسود ،قال لي رزاز:انا قلتلك ما تكلمي حد😠.
وهو طبعا كان عايش برا السودان وجا انضم للعصابه دي
رزاز لمن شافتو خافة شديد لمن ظهر في وشها، وصحبنا انتهز الفرصه
وبقه يقرب منها حبه حبه لمن في النهايه وصلها وخدره بالمنديل وهي وقعت في ساعتا ،كان مجهزين عربيه مظلله قام شالها وجرى بيها على العربية ،وقام ايمن ماشاءالله زي بن10😂لحقو اداهو بنية في وشو لمن وقع وشال المنديل خدرو بيهو (طبعا دا بعد ملاقطة شديييدة بيناتهم)حتى الواد اخيرا اتخدر.
طبعاً عايزين تعرفو البت الكان شايله دي مشت وين😂😂.
رزاز وقعت من لمن ايمن اداهو بُنيه لكن سندس كانت قريبا لحقتها قبل ما تحصل الارض وساقتها البيت.
توقعاتكم
______________
حيحصل شنو في رايكم؟
