"مستشفى الخانكة للأمراض النفسية"
15/1/2019 05:00 am
="متخيل يعني ايه مجرم بيتنجل للمستشفى يا شويش بمضرعات؟ دا شكله حاجة خطيرة جوي"
_"روح.. روح نادي الدكتور رامي يلا و بلاش لكاعة يا عبده يلا "
صوت العساكر و التعليمات كان طاغي على المكان مش متخيل اني ديلوقتي اتمسكت بسبب غلط تقني مموتش الضحية صح و قدر يقول على مواصفاتي مكنتش متخيل انه هيفضل عايش بعد يعني ست طعنات يعتبر و فصل ايده عن جسمه..
هاا مش قادر انكر ازاي كان المنظر مغري جدا اجمل لوحة فنية عملتها معرفش ازاي الدولة مش قادرة تقدر فني الدموي دا المفروض يكافئوني أني بخلصهم من اوباش المجتمع! مجرد فيران هيموتوا مع الوقت استفاد منهم احسن
-'' وصلنا يا فندم! "
_" نزل للمسجون يا عسكري"
-" تمام يا فندم! "
محطتي الاخيرة وصلت مستشفى الخانكة للامراض النفسية معادي مع صديقي القديم قرب الدكتور رامي مش قادر اقول قد اي وحشني و ازاي متشوق أنه يكون فرد جديد من مجموعي المميزة اصله كان فريد من نوعه انا لسا فاكر طريقه تفكيره كانت ممتعة و غريبة جدا و ازاي قدر ينجح في الطب النفسي
ههه انا كمان نجحت بس بطريقة تانية الموضوع و مافيه هو بُعدين بُعد مسالم تقدر تعالج بيه و بُعد تقدر تعذب بيه و انتم طبعا عارفين انا نجحت في ايه..
مكنتش الصراحة متوقع أن الداخلية تكون خايفة مني بالطريقة دي لدرجة انهم غير الكلبشات مكبلني بجنزير مش قادر اقولكم ازاي هو تقيل بس ممتع جدا وانا شايف نظرة الخوف فيهم..
مش قادر اوصفلكم متعتي وهما واخديني على جناحي او بالأصح عشان الاستجواب طبعا هتسألوا ليه انا بيستجوبوني هنا ببساطة لأن اخر ضحية كانت من المرضى بتوعي و قالهم اني عندي "شيزوفرنيا" دا الي افتكره بعد ما شاف وشي التاني زي ما بيقولوا بس دا وشي الحقيقي و الي بحبه الاحسن في دا كله اني اسمي المريض الف و واحد و قد أيه بحب الرقم دا
كل ما الوقت بيقرب اني اقابل دكتور رامي بتزيد أبتسامتي مش قادر أقولكم اد اي انا فرحان و متحمس اقابل صديقي الصدوق بعد غياب سنين..
......................
="دكتور رامي المجرم الف و واحد وصل و مستنينك في الاوضة"
_"انا جاي حالاً.."
الدكتور احمد سعيد سابقا و حاليا المجرم الف و واحد كانت نتياجه و ابحاثه مبهرة في الجانب النفسي للإنسان.. كان صديقي العزيز و ديلوقتي مجرم مطلوب اني اتأكد هو مريض فعلا ولا لا..قتل 10 حالات اخر واحد قدر يكشفوا بسبب انه كان من عنده و هو الي قال انه عنده شيزوفرنيا.. بيتفنن في قتل ضحاياه ولازم نلاقي علي وشهم علامات الم بشعة رغم انهم المفروض يكونوا ماتوا من ول طعنة بس هو بيلاقي طريقة يخليهم عايشين و صاحيين حاسين بكل حاجة
اخر ضحية قالتلنا انه حقنه بمادة غريبة خلت وعيه شديد و تركيزه اشد كان بيسأله أسألة تخليه يفكر و عقاب السؤال الخاطئ كان بيطعنه او بيعذبه كان لازم يكتب بدم ضحيته جملة "تم التطهير".. هو فاكر نفسه بطل؟!
مكناش فاهمين طريقته بس واضح انه شخص سادي.. مش متخيل اني كنت مصاحب شخص زيه في يوم..
المقابلة لازمة ولازم استجوبه..
="اتفضل يا دكتور المريض الف و واحد جوا الاوضة ربطناه كويس متخافش.. خلي بالك من نفسك"
_"انت هتعرفني شغلي يا عسكري اتفضل شوف شغلك"
" الغرفة 1001 "
15/1/2019 07:00 am
