ملاك مر يومين وكعدت الصبح ونزلت صباح الخير
الكل :صباح النور
ملاك :تريكنه ونضفنه البيت وسوينه غده وتغدينه وغسلنه المواعين وكعدنه وجان تندك الباب وراح محمد واجه
محمد :بويه اكو زلم اجوي عليك
الأب : اي بويه جاي
ملاك : ودخلوهم بابا ومحمد و احمد شويه اجه أحمد وكال أحمد :أنطوني ضيافه
ملاك : انطينه ضيافه وشويه وطلعوا الزلم وطب بابا وأحمد ومحمد بس شنو بس يباعون عليه
الاب: بابا ملاك تعالي ورايه للغرفه
ملاك : اي بابا رحت للغرفه واني خايفه
الاب: بابا ملاك تعالي كعدي هنا
ملاك :اي بابا رحت كعدت يمه
الاب: حبيبتي كبرت وصار يجوه خطابه حبيبتي ملاك اجه صديق أحمد اسمه اسد وطلب ايدج على سنه الله ورسوله وهو خوش ولد وأنتي شنو تكولين يصير
ملاك : بس كال بابا اجوج خطابه كبل اجه ابالي الولد الي كال اجي اخطبج
ملاك :بس بابا اني ماريد ازوج اني اريد اكمل الكليه
الاب: فكري حبيبتي وشنو تكولي يصير
ملاك : انشالله بابا طلعت وصعدت للغرفه واني افكر
بس ماريد ازوج اريد اكمل كليه المهم صار يومين واني مكتلهم على قراري
مره فتحت تلفون واشوف شخص داز رسالة كاتب السلام عليكم
💙💙💙💙
اسد : خلصت الزفه ورجعت للشقه ونمت لان باجر اروح للبصره كعدت وطلعت للبصره وصلت واستقبلني الشيخ وأبويه
الشيخ (الجد ) هلا بشيخ اسد
اسد : هلا بيك شيخ وبست راسه
الاب: هلا بويه اسد هلا بيك وليدي
اسد: هلا ياتاج راسي وبست راسه وطبيت جوه وسلمت على امي وجده وكل جان مجتمع
اسد : اريد اكول الكم شي
اسد : اني اريد ازوج
الأم وجده : كللووووش يمه الف مبروك وهيج شيخ اسد يزوج
شهم : هاي شنو الشيخ اسد يريد يزوج
الجد : هاي شبيكم خلي نفتهم منه اسد بويه كمل منو تريد تزوج من بنات عمامك
اسد: لا شيخ اريد ازوج اخت صديقي من بغداد
امير: هلا هاي شنو نوب من بنات بغداد والله خويه وكع
الجد: هاا يويه شوكت تريد نروح نخطبه
اسد : الجمعه نروح شتكول شيخ
الجد : هايه الجمعه نروح نخطبه بس خلي نكول عمامك ونروح
انشالله
الكل : انشالله
اسد : كاعدت شويه وترخصت وصعدت للغرفه سبحت ولزمت التلفون وشفت أحمد نشر صور مال عرس اخو محمد وشفت بنيه معلقه وكاتبه الف مبروك ياروح اختك وعرفت هي بنت كلبي وره يومين نروح نخطبه وصار يومين واليوم نروح البغداد ورحنه احنه وعمامي وصلنه البيتهم وستقبلنه محمد وطبينه وشويه واجه ابوه وأحمد وضلو يسولفون شويه وكال شيخ
الشيخ: يا ابو احمد احنه اليوم جاين نطلب منك وانشالله متردنه
ابو احمد : كول شيخ
الشيخ : والله يابو أحمد احنه اجينه نطلب ايد بنتك للشيخ اسد
ابو احمد : والله اني وين الكه مثل الشيخ اسد والله عن نفسي اني موافق بس رئي يضل يم بنتي ولازم اخذ رئيه وانشالله خير
الشيخ : انشالله خير يابو أحمد يله احنه نترخص ونرفع الزحمه
ابو احمد :وين ياشيخ خليك يمنه على عشه
الشيخ: تسلم انشالله غير مره ورانه طريق ياابو احمد
ابو احمد : مرخوص شيخ
اسد : طلعنه من بيتهم ورجعنه للبصره ومرت يومين وهمه ماردوا خبر النه دكلب بل تلفون وشفت الحساب ماله وطبيت وكتبتله السلام عليكم
ملاك : وعليكم السلام منو
اسد :معليج منو بس سمعت حتزوجين
ملاك : وانته شعليك ازوج مازوج هذا شي راجع الي
اسد : يعني حتزوجين
ملاك :لا مازوج انته شعليك
اسد:لعد احسلج وافقي احسن الج
ملاك : وشعليك منو انته
اسد : اني اسد
ملاك : يااا اسد
اسد : اني إلى شفتي بل كليه وبزفت اخوج وكتلج أنشألله اشوفج بغرفتي وكتلج اجي اخطبج
ملاك : انته شتريد مني اصلا اني مازوج
اسد : ليش متزوجين
ملاك : وانته شعليك أزوج مازوج بكيفي واني مموافقه
اسد : لعد اكلج وافقي احسلج لان حيصير شي وتتندمين عليه يله بويه مع السلامه
ملاك : اني ضليت صافنه على رسالته وخفت صدك يسوي شي وضليت افكر واخيرا شي أخذت القرار أوافق ونمت وكعدت نزلت جوه صباح الخير
الكل : صباح النور
ملاك : اريد كول شي
الأب : كولي باباتي
ملاك : وافقت ازوج بس شرط اكمل كليه
الأب : هذه هو بكيفج باباتي وانشالله الف مبروك
الام: كللوووش الف مبروك حبيبتي ماماتي
الكل : الف مبروك حبيبتي
ملاك : الله يبارك بيكم
الأب :لعد اني حكول للشيخ وخابر الشيخ كال سلام عليكم بس ردت اكول انو البنيه موافقه شوكت تحبون اشرفونه
💙💙💙💙
اسد: حجيت ويايه وسديت التلفون ونمت وكعدت ونزلت صباح الخير وبست رأس الجده والجد و أبويه وامي
الكل : صباح النور وتريكنه وكعدنه نسولف لان اليوم عطله
شهم:اكول شيخنه شو ماردو خبر اريد افرح بيك
اسد : خليهم على راحتهم يفكرون وانشالله تركص
شهم :هاي شبيك اسودي غير نريد نفرح بيك
اسد: اني مو كتلك بعد لاتكول اسودي قابل اصغير علمود تكول اسودي ديريد يحجي شهم جان يدك تلفون شيخ ورد وكال
الشيخ:هلا ابو احمد وعليكم سلام هابيه الخير وانشالله الخميس الجاي المشيه الله يخليك الله وياك
اسد :من رد شيخ وكال ابو احمد واني كلبي كام يدك بسرعه ومن كال بيه الخير اني رتاحيت
الأب : ها حجي هاي منو
الشيخ وهو مبتسم وكال: هذا ابو احمد كال البنيه مواقفه
الام والده والأخت : كامن يهلهلن وكالن الف مبروك
الأب : الف مبروك وليدي
الشيخ :ألف مبروك بويه
الإخوان : الف مبروك خويه
اسد : فرحت من كال جدي موافقه وضلو يباركولي
بنين : الف مبروك حبيبي خويه
اسد : الله يبارك بيج حبيبتي
❤️
💙
وووو لهنا وخ
ص البارت
الكاتبه : رقيه ❤️💙
