ملاك : كعدت وشفت التلفون ساعه خمسه ونص نزلت وشفت قمر وجه صاير اصفر رحت عليه
ملاك : هاا قموره شلون صرتي
قمر برود: صرت زينه مابيه شي
ملاك : قمر يازينه وجهج اصفر
قمر برود: داكلج زينه صرت
ملاك : قموره حبيبتي شبيج يوجعج شي كولي
قمر برود: مابيه شي يله اني حروح للغرفه
شمس :قموره انتي ماكلتي شي
قمر برود: ماريد شي
الاب: ماشي حبيبتي بكيفج شوكت ما جوعين اكلي
قمر برود : تمام
ملاك : راحت قمر بس حسيت بيه شي لان صار فتره على هل حاله وصايره ضعيفه ضلينه نسولف لمحمد وشمس شلون الأجواء بل البصره شويه وكمنه اني وشمس سوينه عشه وخليناه على الميز واجه بابا
الاب: بابا ملاك كومي شوفي اختج تجي تتعشه
ملاك : تمام بابا ورحت شفت قمر نايمه نزلت
ملاك : بابا قمر نايمه
الأب : هااا لعد خلوه نايمه عود من تكعد تعشه
ملاك : حاضر بابا تعشينه واني غسلت المواعين وضلينه نسولف نزلت قمر بس اسوء من قبل شويه اني كمدت صبيتله عشه وخليته على ميز
ملاك : يله قموره تعالي اكلي
قمر برود :اي
ملاك : كعدت تاكل بس أكلت شويه وكامت وصعدت للغرفه عاد اني شلت المواعين وغسلتهن وصعدت للغرفه ولكيت اسد داك عليه واني عاد دكيت عليه وكبل شاله
اسد: من راحو اني ضجت اني أريده تبقه يمي رحنه اني والشيخ وابويه للديوان لان عدنه فصل عاد حلينه ورجعنه للبيت تغدينه وصعدت نمت كعدت ساعه سته بدلت ونزلت وشفت غزل وشهم وأمير
اسد: اي شدسون
شهم : كلشي مدنسوي
اسد: لعد الشيخ والشيخه وابويه وامي وين شو ماكو
غزل : راحو بيت عمي ابو فهد
اسد : ها لعد اني حروح اجيب عشه من بره
غزل : لك فديته اخويه
شهم وأمير : لوكيه
اسد:صرت اضحك عليهم ورحت اجيب عشه من بره وجبته وتعشينه وضلينه كاعدين وشويه ودكيت على ملاك ماكو خفت عليه ورجعت ادك وهم ماكو صرت عصبي وشافني شهم
شهم: ها خويه شبيك
اسد: ماكو شي
شهم : لعد ليش صرت عصبي
اسد: ماكو شي بس دادك على ملاك وماكو
شهم : هااا هنا الحجي عصبت لان الحب ميرد
اسد : اسكت شهم
شهم : هاي شبيك اسد صاير عصبي يجوز يم أهله يجوز نايمه يجوز تلفون مابي شحن
اسد: مادري ضلينه اني وشهم نحجي شويه ودكت ملاك اني كبل شلته شافني شهم
شهم : ها اا هاي الحب مو
اسد وهو يصعد الدرج : اسكت شهم الووو
ملاك : الوو هلو شلونك
اسد: هله بويه زين الحمد لله
ملاك : دومك أنشألله
اسد : انشالله جا بويه جنت ادك عليج وماكو
ملاك : والله جنت جوه وبعدين صعدت ولكيتك داك عليه وكبل دكيت عليك
اسد :هااا يويه شلونج
ملاك :زينه الحمدلله وضلينه نحجي ونمت وعفت تلفون مفتوح وكعدت صبح ولكيت تلفون لساه مفتوح وسديت وطبيت للحمام وغسلت وجهي وفرشت اسناني وتوضيت وطلعت صليت ونزلت ملاك: صباح الخير
الكل : صباح النور
ملاك : وكعدنه تريكنه وكملنه ريوك وغسلنه مواعين ونضفنه البيت وقمر ماكو وكلت خلي اصعد اكعده صعدت عليه واكعه بل كاع رحت عليه بساع
ملاك : قمر كعدي قموره حبيبتي تسمعيني شفت وجه صاير احمر من وره الصخونه اني بساع صحت ماما وبابا الحكو قمر جوي باباوماما وشمس من وره الصياح
أحمد : ابساع جيبي شي ناخده للمستشفى
ملاك: اني رحت بساع جبتله صايه وشال ولبسته وأحمد شاله طلع يركض ولحكه بابا وماما وراحو للمستشفى واني وشمس ضلينه بل بيت وره ساعه خابرت أحمد
ملاك :هاا أحمد شبيه قمر
أحمد : مابيه شي بس ضغطه هابط وعده سوء غذائي
ملاك : هااا تمام شوكت تجون
أحمد : ساعه ونجي
ملاك : هاا تمام وسديت تلفون وطمنت شمس
شمس : الحمد لله مابيه شي
ملاك : الحمدلله وضلينه ساعه وجوي وصعدنه للغرفه وطبيت سبحت وطلعت وسويتله كمادات ونزلت سويته شوربه وعصير برتقال وصعدته إله شربته ونامت واني رحت للغرفه مالتي ولكيت تلفون محروك من رسايل ومكالمات من اسد
اسد : ضلينه نحجي ماحست على نفسي واني نايم وكعدت الصبح ولكيت التلفون مسدود وكمت بدلت ونزلت صبحت على الكل وتريكت وطلعت للشغل ورجعت للبيت وتغديت ونمت وكعدت العصر وشلت التلفون عبالي ملاك داكه بس ماكو اي شي منه كلت يجوز نايمه بدلت ونزلت لكيتهم كاعدين بل حديقه وكعدت وياهم وضلينه نسولف ونضحك وصار اليل وتعشينه وصعدت للغرفه وملاك ماكو لا دكت ولا اتصلت دكيت عليه ماكو دزلهه رساله وماكو هيه صرت عصبي ونزلت جوه بل حديقه جان أمير وشهم كاعدين بل حديقه واني رحت كعدت يمهم بس اني بالي مو يمهم اخاف صار بيه شي حسبه توديني وحسبه جيبني جان يدك تلفون وشفت ملاك كبل شلته كالت الووو اني عطت بيه ونسيت اخواني هنا
اسد : ولج وينج صار شكد اني ادك عليج وانتي ماكو وين جنتي هااا ومتكولين هاذ الحمار خلي ادك عليه خاف باله مشغول عليه هاا ولج ليش ساكته اني جد جدي مسموط حسبه توديني وحسبه جيبني هااا وكبل سديته بوجهه قبل لا اسمع رده
ولهنا وخلص البارت😌😁
الكاتبه🧕🏻 : رقيه
