الضابطه السريه والضابط الشرس

البارت ٤٤

ليسَ كل هادئ خالٍ البال وليسَ كلُ صامت لا يبالي ففي الهدوء والصمت الف حكايه وحكايه 😔
.
.
قراءه ممتعه😘
.
.
ليالي/ بعيوني اخليها تعالي حبيبتي

وتين/ اخذتها ليالي رحت للمركز طبيت الغرفه العميد احترامي سيدي

العميد /ابتسمت اهلا جنت منتضر جيتج

وتين/ ااا

العميد/ اش اعرف ليش جايه اخذتلج اجازه انتي وكيان لمده سنه

وتين/😳سنه

العميد/ اي سنه اريد من ترجعون للمركز ايد بأيد وبصحه تامه

وتين/ رحت يمه وبست ايده والله طول عمري اعتبرك ابويه مو سيدي

العميد/ واني هم اعتبرج بنتي روحي يم رجلج يله

وتين/ حاضر سيدي دكيت تحيه وطلعت رحت الغرفه عباس فتحت الباب ودموعي تجري جان حسين يمه راسأ كامو

حسين/ شبيج حبيبتي

وتين/ رحت حضنتهم 😭اسفه والله

عباس/ عالشنوو

وتين/ اسفه بسببي عرسك تآجل اي جان عالساس هذا الأسبوع عرس عباس وليالي بس تأجل

عباس/ ابتسمت ومسحت دموعها ترا ازعل موش اني الي اسوي عرس واختي حزنانه مستحيل

وتين/ حضنته احبك والله

عباس/ اني اكثر كلبي

حسين/ مسحت دموعها كافي بجي حياتي

وتين/ 😭كله بسببي

عباس/ هسس كم مره كتلج مو بسببج امر الله قابل تعترضين

وتين/ ونعم بالله يله اني رايحه بعد مااجي للمركز من هسه لمده سنه

حسين وعباس/ 😳سنه

وتين/ اي سنه لحد ما كيان يصير زين يله باي

حسين /الله وياج

وتين/ رجعت للبيت جان كيان هم يعيط رحت وكفت بعيد عل باب مال غرفته جان مفتوح وهمام ديغير الشاش مال صدره وهو يعيط ضلت دموعي تنزل وشمس يمه تبجي وكامشه ايده وهو صار احمر من العياط كمت اشهك صعدت فوك شسوي شسوي كله بسببي اسفه والله ياربي اخذ وجعه وحطه بيه ياربي بجاه الحبيب مصطفى خفف الألم عل كيان رحت توضيت وفرشت سجادتي ماعندي غير ربي اشكيله ضليت اصلي وابجي وادعيله كملت شلت مريم ونزلت جوه بالصاله شكد محتاجه احد يحضني واشكيله ومهند مموجود بالبيت اليوم التحق كلش محتاجه واحد يمسح عل راسي ويكلي هانت بس ماكو اذا امي الي جابتني متحجي ويايه كعدت بالصاله وخليت مريم بالكاع تلعب وشاهين يمها جانت جدتي كاعده كبالي دسبح وتباوع عليه بقهر دموعي وكفت بعيني

الجده /تعالي بنيتي

وتين/ بس كالت بنيتي ضليت ابجي فتحتلي ايدها رحت حضنتها وابجي مريم بس شافتني ابجي كامت تبجي ويايه