الضابطه السريه والضابط الشرس

البارت ١٤

قمه الصبر ان تسكت وفي قلبك ❤️جرح يتكلم وقمه القوه أن تبتسم وفي عينك الف دمعه😢
.
قراءه ممتعه😘
.
.
اديان/رشه عطر ونداريت  شلووني بس كول الصراحه
مهند/ ابتسمت وتقدمت دنكت يم اذنها  تخلين الواحد يتسودن وبستها بخده وطلعت
أديان/خليت ايدي عله كلبي يمه راح يطلع من مكانه اووف يامهند فديت طولك نزلت جوه جانو جاين نسوان وصايرا هوسه قبل مااطب حبوبه كمشتني من ايدي

الجده/ ولج تعاي خل أقره المعوذات عليج ليطركوج عين
اديان/ضحكت عله كلامه وطبيت سلمت وكعدت اسولف ويا البنات
فجر/ ولج هاي شنو كسرتينه مرحتي للصالون وطلعتي احله منه
اديان/ضحكت لو ضالين اني اخليلكم احسن ليالي/ اي والله
وتين/ سلمت ورحت يم اديان
اديان/كعدت يمي ضلت تسولف ويايه علكو اغاني
وتين/ يله كومي ركصي
أديان/ ما ماريد
وتين/ كومي ولج خطوبه اخوج واختج وخطوبه اختي يله
اديان/كمنه شمرولي الشال يصير بي خرز ويطلع صوت
عهد /بصوت عالي شدى عله خصرج
اديان/شديته وضليت اهز غيرت جوو كلش ووتين هم بعدين احنه البنات كلنه وكمنه نركص تعبت كعدت اخ رجليناتي كامت توجعني وهاي بنت خالتي المسمومه هاجر بس تسمعني حجي هيه وبنات عمها
يكولون هااي مخطوفه عود جانت باع شلون تركص

اديان/ واذا مخطوفه ماضي وراح يعني شسوي اكعد ابجي والطم مثلا وخطوبه اخويه واختي قابل اكعد اكيد اركص خلسوو هه عل عنادهم نزعت الكعب وطبيت بل نص وضليت اركص لحد ماخلصت الحفله ونبض الكلبه بس تصورني متقبل تطفي خلصت الحفله جنت كاعده اضحك ويا البنات ونسوان هم اجتي امريه كعدت يمنه كالت الحبوبتي
المره/ هاي بنت منو واشرت عليه
الجده/ بنت ابني جبار
المره/ ماشاءالله عليها محجوزه الابني من هسه
أديان /راسأ كمت لا خاله عذريني اني ماازوج هسه وكمت صعدت الغرفتي روحي طالعه طبيت سبحت وطلعت نمت حلمت جنت كامشه ايد مهند واكو مجموعه ملثمين يجروني منه وهو هم يجرؤ لحد مبعدونه فزيت واني كلبي مقبوض من هذا الكابوس جنت عركأنه وارجف نزلت الحبوبتي ركض طبيت للغرفه اني وابجي نمت بحضنها
الجده/ يا ولج شبيج ليش تبجين
أديان/ جده حلمت كامشه ايد مهند وبعدوني عنه شنو يعني والله كلبي مقبوض
الجده/ ذبت نفس بنيتي أديان انتي تحبي المهند
أديان/ مادري بيبي بس احس بالأمان من موجود
الجده /يمه اصبري الصبر مفتاح الفرج
أديان/ بيبي لتخوفيني احجي تعرفين تفسيره مو
الجده /اي بنيتي معناته راح تفترقون انتي ومهند
أديان/ شهكت وكمت طلعت ابجي صعدت فوك فتحت الباب مال غرفه مهند اني وابجي جان متمد من شافني كام
مهند/ شبيج دنون
اديان/سديت الباب وركضت حضنته  بشهكه مهند مراح تعرفني بيوم مو
مهند /شنو جاب هذا الكلام
أديان/ جاوبني مهند
مهند/ ولج مستحيل اعوفج شجاب هذا الكلام هسه هاا

اديان/ حضنته وابجي  مهند راح نفترق متأكده
مهند/ بخزره ليش
أديان/ مهند حلمت فرقونه والله راح يصير شي كلبي حاسسني
مهند/ كافي والله ماكو شي مجرد د كابوس لتخافين وهسه وين الابتسامه
اديان/ بتسمت بس اكو خوفه بكلبي
مهند/ اكولج حلوو تركصين
اديان/😳منين عرفت
مهند /من الموبايل دزوليا
أديان /مهند احذفه الله عليك
مهند/ نو نو
أديان/ لحكت ورا جيبه حباب
مهند/ كام يغني هزي خصرج هله هله
اديان/ ضحكت كتله امسحهن وباوعت بنضره بريئه
مهند/ من اشتعلو عشيرت مهند واحد واحد لتباعين هيج
ايان/ ياا مهند ليش تغلط عله عشيرتك عيب وهسه امسح الفيديو
مهند/ ماامسحه
أديان /مايخالف اني امسحه بطريقتي وطلعت من الغرفه نزلت جوه اعيط وينج نبض الزفره
نبض/ شبيج تجوعرين
أديان/ قندره ليش دازه الفيديو المهند
نبض/ والله اسفه بس بالغلط ردت ادزه الوتين راح المهند
أديان/ يله ماشي نزل مهند كعدوو يسولفون نسحبت شويه شويه ورحت الغرفته دورت عل موبايل بل اخير لكيته جوه المخده بي رمز جنت دا اجرب انجر الموبايل من ايدي مهند/ شدتسوين
أديان/ امسح الفيديو
مهند/ رفعت ايدي اخذي يله
أديان/ هاي شنو تقشمر عليه منا الباجر ماجيبه مهند/ شسويلج قزومتي
أديان/ هنووود حباب وخليت شعري ورا اذني مهند /ولج رجعي شعرج
أديان/ ليش
مهند/ بهمس يم اذنها لان من اشوفه شامتج اتسودن
أديان/ مهند انطيني الموبايل
مهند/ تؤ تؤ مستحيل
أديان /حباب
مهند/ منو كالج اني حباب نوب تذكرت باجر التحق اسبوع  أديان باجر اروح
أديان /بعيون مدمعه وين وليش
مهند/ باجر التحق وبعد اسبوع ارجع
أديان/ حضنته وابجي احس راح يصير شي مهند/ لتخافين والله ارجع
أديان/ غمضت عيني واخذت شمه من عطره  راح اشتاقلك
مهند/ اني هم
اديان/عفته ورحت لغرفتي ابجي ونمت كمت الصبح مهند ماكو اوف شلوون راح اكضي اليوم جان اكثر وكتي ويا نزلت واني مكتأبه الجده/ ها ولج شبيج كالبه خلقتج علينه
أديان /جده رحمه لنبي ماعندي خلك
الجده /حبيب الكلب راح مو
أديان/ اي وضوجه تعودت عليه
الجده/ ولج عرمه باعيها تحجي طك بطك ولا تستحي
أديان/ بيبي ليش استحي ترا هو ابن عمي وعادي طبيت للمطبخ سويت لفه كعدت اكل