أحببتها بين زخات الانتقام

33

السلام عليكم ..
قصة احببتها بين زخات الانتقام [ملحمة الحب]
البارت 33
الكاتبة اطياف راحلة ..

‏أريدُ أن أحبكِ كمأزق ، أو كورطة
أن أصحبكِ كأنفاسي ، أن أفرّ منكِ
وأن أقابلك وجها لوجه ..
في كل مكان ، كالمصير !!!

**
سـدن ..

انفتح باب عاينت شهزنان كبل طبت خزرتني
كالت سهم بقيلنه شوية ..!!!

هو خزره -شنهو قصدددج؟؟؟
هي ارتبكت -:لا موش قصدي شي بس الفطور كمل .

مديت ايدي على ظهري ياذيني شهزنان طلعت وسدت الباب  ..وخرت الغطة لكيت دشداشتي كوله مرفوعة گبل رجعت اتغطيت ..كلت بنعاس -:
-سهم روح انهض يله ليش رجعت نمت .
-ماتنهضين انتِ؟

مديت ايدي عدلت الدشداشة هاي شرفعـه ..
لبست الشـال ونزلت جوه ..اهيس بوجع بظهري حطيت ايدي
وطبيت للمطبخ عاينـت اخلاص هاي سكنت بدارنه ..

اذان راحو يصـلون ..واجه سهـم اخذ فرش الكـاع ..شهـم لفـه
اتقرب من ربابـة اخذ الماوعون
عاينت اخلاص جرت حسـره ..اعرفن بيها ماتريد الخير
الهم ..

تكربت من ربابة كتله شلونج خيه ؟
-ولله موش زينه جني مسودنه تعبت سدن.

- ليش شمالج شنهي صاير ؟؟
-مصاير شي بس اشوفن شهم جنه وحش من اعاينله اشتاكله .

-صلي اقري قرآن لاتكليله هج ينقهر .
-اعرفن.

-بطني كلش تلجمني ربابة.
-ليش شايله ثكل ؟؟.

-خيه من القهر  شهزنان متعاين لوجهي .
-تغار لان حبلتي وهو سهم مامتكربله .

-اخلاص مامرتاحتله ابد .
-لا خوش بت وفقيرة كلش انه احبها جنت اكرها .

ابتسمت رحت اسوي لبن تذكرت ..
مره عمتي ام شهزنان قبل لاتموت ..امي سولفتلي عليها
جانت مزوجة رجال تحبه بس من عاينت حماه شلون يداري
مرته حطت عينه عليهم ..

وبكت بس تعير بزوجها وتدعي علي بلموت ..لحد ماصدك
مات ..وطلعت حبله حماها ازوجها شافت شلون يضربها ويكتله
حتى مرته يكتله..تندمت وراها من جابت هو كاتله
وصار نزيف عدها قوي جابته بس هي توفت ..

فزيت من شهزنـان كالت سدن اطلعي جيبي
صينينه السمج   بلكاع تلكيه بلطرمة   شيلـيه ..

سرت رحت طلعت لفيت العباية حيل عاينت صينيه جبيرة ..
انه تكربت من دنجت ظهري لجمني بس ماحجيت شلته كلش
ثكيلـة ..اهيس راح تطيـح ..اخـذت سريع للهـول امشِ بهداوه
شهزنـان مشت سـريع دفعـتني ما اعاين اله طايحة انه والصينية  ..

علـى بطني طحت صحـت اخ ..سهـم كبل رفعـني ..وحط ايده
علـى بطني كال انهضي اخذج للمستشفى ..

آنـه فشلت اشرتله و الحرارة لان توها طالعة من النار ..
بسـاع نهضت صعدت للحمـام بعدني مفاطرة كعدت على دجة
ابجي اندك الباب مسحت دموعي وفتحتـه عاينتله توقعته هو
-بسج بجي اتاذيتي شمالج؟؟