أحببتها بين زخات الانتقام

41

السلام عليكم ..🖤🌟
احببتها بين زخات الانتقام ..
البارت -41-
الكاتبة /اطياف راحلة aswlha97

(اعتذر عن تاخير بس ابد متسون
واهس اسوء تفاعل بهل قصة ان شاء الله
ماطول عليكم بلنهايه قراءة ممتعه )

أتمنى حَمد صاعد بالقطار
وأخذ محبوبتة والريل
صاح بفرح صيحة عشگ
وحَمد لايگ الها طول العمر والحُب ما طلع دغش والعشگ صداگي 💔

**

بسملة ..

فيض طالع عدلت شعري انفتح الباب انداريت
عاينت طب قيصر بلعربانة
وقفل الباب ..!!

عاينتله بدهشه كلي " ياحيوانـة الله يهملج بسبج هيج صررت "

ايدي ظلت ورجف آنـه شذنبي چا عباله فيض ماكتلني كطعني انقهرت
علي كلش هو حجه ويتكرب بعربانتة " الله لآ يوفقج ولا يسعدج الله
يهملج لهمه ابو علوان العافو دينهـم وصاروا شيعـة ".

عاينتله شيحجي مافتهمت بسإع تمشيت فگيت الباب وطلعت
حتى هو عاجز اعرفن لجن أفزعٌ منه ..نزلت جوه سمعت صوت مره
ما انساهه هي نفسها التحب فيض الكلتلي اعوفها
هاي يمكن حوبته ..!!

عدلت شالي وطبيت للمطبـخ عاينت رشا كتلها "منوو عدنه؟ "

- هاي ريحان بنت اخت حبوبة جميلة وهم اداوم وِيِّ
فيض دكتورة جامعية.

- ها هي ما مزوجة؟
- لا.

اتكربت شربت ماي بعده گلبي يدك سريع شكوول عليك ..
قيصر ، طبيت الاستقبال اخذت الجاي لكيتها لابسة كوستم
بنطرون برتقالي وسترة برتقالية عريض..

بس موش لايك الها سمره طوخ ..بس كحلتة وعيونها اجنن
آنـه امنيتي اصيرن سمـرة موش حلوه البيضة ..

دنجت قدمت سمعت حس  فيض "يابة واحنه مالنه جاي؟ "

التفت ماعرفن بي كاعد ..
چا آنـه وين بالي مانتبهت علي ..
سرت صبيتله لانه حار قدمتله اشرلي اكعد بعيونة ..

كعدت بصفه هو مد ايده لرجلي ..
عاينتله مثل كمزت حطيت ايدي على ايده أريـدن اوخره
شو كظ ايدي قوي ..

عاينتله همستله "فيض شمالك؟"

هو ابتسم وعاينلي -: شعليج لآ تتدخلين .

عاينت لـ ريحان منتبه علينه كلش مخليه
باله .. هي حجت وعاينتله "راح يبدي الدوام اداوم انتَ مو ؟"

- أي ان شاء الله.

عيون تنتقل من نظراته لـ نظرات فيض ..
احس روحي راح انحـول ولله ..!

طب قيصـر بعربانتة فيض كظ ايدي وكومني صعدني فوك
شماله بس ايده ملمسه شكد حلو والشعر الي بيده..

طبينـه للحجرة عاف ايدي "اذا قيصر يشوف خيالج
اكتلج ولله ".

هزيـت راسي هو نتر "احجي سمعيني صوتج "
-اي فيض.