أحببتها بين زخات الانتقام

40

أحببتها بين زخات الانتقام..
البارت -40-

مثل خيط الضوه بـ سرداب
احير شلون اضم حزني

**

سدن..

نسيت العمله بقيت ابجي بحضنه واشهك هو يبوس براسي
سمعت حس ..!!
التفت مسحت دموعي مالكيت احد..عاينتله "لييش هج عملت دمرتناا انت ليش انهزمت موش چنَت تحب بسملة ؟"

-جيبي غراضج وامشِ نروح منااا .

- لآ آنـه حبله ماروحن.

- سددن خوية جيبي غراضج وامش شسوين عد هذولة
يكتلوج ؟

عدت ليوره خطوات ..هزيت راسي بـ لآ ..
- خوش أمن يصير عندي جم فلس اخذج ونسافر منا آنـه لازم اروحن .

هو راح وانه خايفة متانيته يروح..خاف يلفي احد ويكتله..
هو راح اخذت الخبز وعدت للدار ركضت فوك اغسل وجهي
مبينه باجيـة ..

سرت جـوه عملت ريوك وصعدته فوك لـ ربابة خطية ماتكدر تتحرك..
حطيته اله وطلعت نزلت اغسل مواعين واحضر للغدة ظهري يوجعني
بس محد بلبيت بس انه وشهزنان فوك انفتح الباب طبت دلال..

بيده جزر تاكل ..-اجيت يمج كلش مغتاضة.

- ليش شمالج.

هي هزت جتفه بمعنى مادري .. كعدت آنـه عملت جاي اله والي
وكعدت انتجيت علـى حايط.. هي سرحت كتله-:
-سائب شلونه؟

- ماعرفن صارلي جثير ما محاجيته اتعاركت وِيِّ.

- ليش؟ .
- مايستحي بس يعاين موجفة يم واحد يبقة يغلط علي اتعاركت وِيِّ هوو ماله دخل بيها حتى لو ابن عمي .

- يحبج يضوج واحد يحجي وياج.
- ماحبه آنـه .

ابتسمت هي أمن تعاركة ماتحبه..ومن تصالح تحبه ..صار الظهر طب سهم من وكت وِيِّ الاذان شايل طفلة بيده بت اخو ازغيرة ..نهضت بسته حلوه ..
همستله انطيه الي اشيله.

مد ايده ردت اخذه هي عانگته متقبل تجيني هو ضحك ضربتة خفيف على جتفة -: ااانت ماتصدك.

-حبيبتي جوعان.

- تاني يجي شهم وجدي نتغِـده سوه.

اجه ولد صغير اخذ طفلة امها تريد ترضعها ..سهم صعد فوك آنـه سرت توضيت وصعدت اصلي..دعيت الجهال يجون سالمين ..كملت وديت سجادة وسهـم طلعله ثياب عندهم طلابة اليوم انطاني دشداشة اكويها آنـه ماعرف اكوي..

اخذته منه .. اجه شهم سويت الاكل وكمل سهم طب يسبح
وانه اخذت الدشداشة..اكويها على كيف..سهم صاحني طفيت الكاوية
وفتحت الباب طلعت اخذت خاولي هو بلحمام دكيته كتله هذا اخذه

هو مد ايده سحب ايدي ودخلني..غمضت عيني قوي همست
"عيييب ولله لآ تفضحنـه ".

- شنهي قابل صاحبج؟ وننفضح.