The Billionaire's Secret Heart ✅(MBBC#4)

Kabanata 27

❤️❤️❤️

Cuddles

Stella's POV

Nangumusta muna si Padre Dominico sa aming dalawa ni Tilda. 

Galing kami ni Tilda sa isang paaralan na purong babae mga noon. 

Noon, hindi ko maintindihan kung bakit sa isang all girls catholic school ako nilagay ni Mama. E, sa ayaw niya akong magka-boyfriend, para raw matapos ko ang pag- aaral ko.

Sobrang stikto sa school, at kahit sa school dormitory ay bawal ang lalaki at kulang na lang magiging madre na rin kami noon. 

Father Dominic was the head at that time. Mabait siya, pero madalas ay ang sermom niya sa amin ni Tilda ang maririnig sa dorm sa bawat araw. Matigas kasi ang ulo ni Tilda, at purong kabaliwan ang nasa isip, at ako naman na matalik na kaibigan niya, ay sunod-sunuran sa kanya. Kaya hindi talaga namin malilimutan si Padre Dominico, at talagang kilala niya kaming dalawa ni Tilda. Marami kasi kaming kabaliwan ni Tilda noon, lalo't na't pagdating sa kanya at sa mga lalaki ng kalapit na campus. 

"Always pray to HIM and ask for guidance. Kung gusto mo ng lalaki na makakasama mo habang buhay ay ipagdasal mo ito sa kanya. Ask HIM, specifically what you want. If a prayer is from the bottom of your heart, HE will help you, and lead you to the right person." Ang palaging pangaral ni Padre Dominico.

Nagin masaya ang tagpo namin sa araw na ito at magkikita ulit kami ni Sister Anna pagkatapos ng tatlong araw. Aasikasuhin niya raw ang lahat at makikita ko na raw si Codi, ang anak ko. 

PANAY ang pili ko ng laruan para sa kanya. Kanina pa ako nandito sa kids toys section area. Naubos ko na 'ata ang dalawang oras, at wala pa akong nabili. 

Codi is three years old, and I know I missed a lot on his growing stage. Hindi ko na rin alam kung anong bagay na ang gusto niya at pagkain na paborito.

Napangiti ako nang mapako ang paningin ko sa isang fluffy stuff toy na si Dino the dinosaur. Malambot ito, at kulay berde. You can't go wrong with a stuff toy. Mas maganda siguro ito nalang, dahil mayayakap niya ito kahit na wala ako sa tabi niya. Inisip ko pa lang siya, ay naiiyak na naman ako ngayon.

Ito na ang kinuha ko at nagbayad na. Nagmadali ako dahil ayaw kung mahuli sa usapan namin ni Sister Anna. Alam kong bukas ay papuntang Davao na siya.

"Ano, may napili ka na na?" si Tilda.

"Oo, pasensya na natagalan. Kanina ka pa ba?" Sabay lagay ng seatbelt ko. Nasa loob na ako ng sasakyan ni Tilda.

"Okay lang. Bumili rin ako ng happy meal at ibang pagkain pa. Sana magustuhan niya!" Excited na tugon ni Tilda, at pinaandar na ang sasakyan.

"Let's go! I can't wait to see our darling baby boy!" Ngiti ni Tilda at mas ngumiti na ako.

TAHIMIK kaming dalawa at hindi ako mapakali sa sarili ko. Para akong naiihi na hindi ko maintindihan ito. 

At last, after more than three years, I can finally hug my baby.

Nang makarating kami ay mas lumakas lang lalo ang kaba sa dibdib ko. Ang daming tanong sa isip ko kanina at nag-iisip ako. 

Paano 'pag hindi niya ako magustuhan? Sasabihin ko ba na ako ang Mama niya? 

Hindi ko alam at nalilito ako. Ayaw kong matakot si Codi, kaya mas mabuting mag-iingat ako sa sasabihin ko.

"Relax lang, Stella, at please lang huwag ka naman agad umiyak. Baka matakot ang bata," ngiwi niya. 

Bumuntong-hininga ako nang makalabas kaming dalawa sa kotse. Nahinto akong saglit para e-handa ang sarili. Nahinto rin si Tilda at nilingon ako.