عشق منذ الطفولة

البارت السابع

أسر : ماشي يعمي هطلع اغير هدومي واجي نتكلم في التفاصيل 
عبد الخالق: ماشي يا حبيبي
ذهب أسر الي غرفته وقام بإرتداء ملابس المنزل ونزل الي اسفل
أسر : ممكن يا عمي تنده ريم
عبد الخالق : روح يا آدم انده ريم
آدم : ريم قاعدة مع نوراي ومريم
أسر : خلي صاحبتها تيجي معاها يا آدم
آدم : حاضر
ذهب آدم وبعد عدة دقائق جات ريم ومريم ونوراي وآدم
أسر : بص يا عمي انا عاوز كتب الكتاب مع الخطوبة عشان نقدر نخرج سوا وبعد شهر الفرح وانا كدا كدا القصر بتاعي جاهز
عبد الخالق : بس مش بنستعجل كدا
أسر : يا عمي انا وريم عارفين بعض كويس فا ملهاش لازمه فتره الخطوبة
عبد الخالق : أي رأيك يا ريم
ريم بخجل: اللي حضرتك تشوفوا
عبد الخالق : خلاص يا أسر علي بركه الله
أسر : يبقي الخطوبة وكتب الكتاب آخر الاسبوع انشاء الله
عبد الخالق : ماشي يبني
أسر : بعد اذنك يعمي عاوز ريم في كلمتين
عبد الخالق :ماشي
أخذ أسر ريم وخرج الي الحديقة
ريم بخجل: انت خلاص سامحتني يا أسر
أسر بابتسامة مزيفة : طبعا
ريم : أسر
أسر : ايوه
ريم : ممكن تسمعني عاوزة اقولك حاجه من غير ما تقاطعني
أسر : معلش يا ريم مره تانيه
ريم : ماشي بس اوعدني انك تسمعني
أسر : اوعدك
بعدها خرجت مريم ونوراي
مريم : انت واخدها مننا لي يا عم أسر انت مصدقت
نوراي : مبروك يكلبه البرك
ريم : عقبالك يا حيوانه الزرايب
أسر : اي انتو فتحتوا مزرعه
مريم بضحك: لاء هما كدا من ساعت ما نوراي جت وهما قاعدين يشتموا في بعض كدا
أسر : ماشي هدخل جوا
دخل أسر الي القصر
اما في الحديقة كانت ريم في حاله من الاستجواب
مريم : قالك اي
نوراي : قالك بحبك
مريم : بأس ايدك
نوراي :وانتي قولتي اي
ريم بانزعاج : اي في اي مقالش حاجه اصلا انتو خرجتوا
مريم : يخساره ياريتنا اتاخرنا
نوراي : سامحك يا ريم
ريم : اه
مريم : حكتيلوا علي اللي حصل
ريم بنفي : لاء قالي مره تانيه
نوراي : طالما سامحك يبقي هيسمعك
ريم : انشاء الله
نوراي : انا همشي انا بقا يا ريموا عشان متاخرش
ريم : ماشي يا كلبتي اما توصلي كلميني
نوراي : حاضر
ذهبت نوراي ودخلت مريم وريم الي القصر
صفاء والده ريم : تعالي يا ريموا هنا
ذهبت ريم الي والدتها
أخذتها والدتها في حضنها
صفاء : كبرتي ياريم وهتتجوزي
ريم : يا ماما دا أسر يعني مش عبد عنكم
صفاء : بردو هتوحشني رخامتك يا ريم
عبد الخالق : هاتيها شويه بقا
واخذها عبد الخالق في احضانه
أسر : اي ياجماعه شوفتوني خدتها ومشيت مهي قاعده معاكوا شهر أهي
ريم : انا عارفه يا اخويا
أسر : اخوكي
ريم بخجل :اي بهزر يارمضان مبتهزرش
أسر : لاء يختي بهزر
ضحك الجميع عليهم
وبعد مرور بعض الأيام
ريم : انا قلقانه اوي
مريم : انتي هبله يابت دي لسه الخطوبة
ريم : بردو قلقانه
نوراي: عارفه لو كنت أنا مكنتش هقلق خالص انا كنت هروح اخد العريس بالحضن
ريم : يلا يا مجنونه منتي معندكيش دم
نواري: عادشي انا عارفه
مريم : فكي بقا حد يقلق من أسر بردو
ريم وهي تتذكر أنها وأخيرا ستتزوج حب عمرها فرحت كثيرا وزال من عنها القلق
ريم : هو فين أسر
مريم : خلاص مبقتيش قلقانه
ريم : لاء كل اما افتكر اني هتجوزه أخيرا بفرح اوي
نوراي : اممممم واي كمان
ريم : يلا يا باردة يا فصيلة
وفي هذا الوقت دق الباب وكان والد ريم
عبد الخالق :خلصتوا يابنات
ريم : ايوه يا بابا
عبد الخالق : طب يلا يا ريموا
أخذ عبد الخالق ريم ونزل ورائهم مريم ونوراي
ذهب عبد الخالق وريم الي المأذون حين كان يجلس معه أسر
وتم كتب كتاب ريم وأسر وبداية جحيم ريم
وبعد كتب الكتاب
أسر : بعد اذنك يا عمي هاخد ريم ونخرج
عبد الخالق : ماشي بس متتاخروش
أسر : حاضر
أخذ أسر ريم وذهب الي سيارته وركب هو وريم
ريم : هنروح فين
أسر : انتي عاوزة تروحي فين
ريم بخجل : اقولك بس متتعصبش
أسر : قولي يا ريموا
ريم بخجل : عاوزة اروح الملاهي
أسر بضحكه خفيفه : معنديش مانع بس هتلعبي بالفستان
ريم بخجل : لاء هنشتري لبس وبعدين نروح نلعب
أسر : انا عيوني ليكي يا بطتي
أحمر وجه ريم بشده ونظرت في الأسفل فلقد قرر أسر انا يعيش معها بقيه هذا الشر مثلما كان يتمني وبعدها يبدأ جحيم ريم
ذهب أسر وريم الي أكبر المولات وقاموا بشراء ملابس وبعدها ذهبوا الي الملاهي ولعبوا جميع الألعاب الخفيفه لأن ريم تخاف بشده من الألعاب الكبيره وبعدها ذهبوا الي إحدي المطاعم وبعدما تناولوا طعامهم ذهبوا الي المنزل وقفت سياره أسر أمام بابا القصر الداخلي
أسر : يلا يا مجنونتي اطلعي انتي نامي عشان باين عليكي عاوزة تنامي
ريم بخجل : حاضر
أسر : هتوحشيني
عند هذه الكلمه ركضت ريم الي الداخل
صعدت ريم الي غرفتها وقامت بارتداء بيجامه للنوم ونامت فورا
في مكان آخر
مجهول 2 بخبث: اما كدا عرفت نقطه ضعفه اللي هدمروا بيها
مجهول 1 : أي هي ياباشا
مجهول 2 بابتسامة شر: الباشا كان كتب كتابه النهاردة
مجهول 1 : وهو بيحبها
مجهول 2 : بيعشقها من زمان
مجهول 1 : وانت ناوي علي أي يا باشا
مجهول 2 بخبث : ناوي علي كل شر بس مش دلوقتي هسيبه يتهني معاها شوية
مجهول 1 : الله علي دماغك يا باشا 
مجهول 2 بخبث : لازم هدمرك يا أسر زي ما دمرتني
وعلي الصعيد الآخر كان يسمع اسر كل شيء دار بين هذان المجهولان 
أسر : اغبيه ميعرفوش هما بيتعاملوا مع مين ا انا أسر الجندي واللي يفكر يمس شعره من حد يخصني يبقي دي نهايته وخصوصا ريم
ورحمة ابويا ما هرحمك يا أحمد يا دمنهوري
سيبتك زمان اما قتلت ابويا واكتفيت بقرصه ودن لاكن انك تفكر بس مجرد التفكير انك تاذي ريم يبقي موتك علي أيدي وبعدها غط أسر في نوم عميق
في الصباح علي مائدة الإفطار كان ينظر أسر الي ريم بين الحين والآخر وريم محمر وجهها بشده وتنظر للأسفل ولا تنظر له
ولم يأكل كل منهم أي شيء
ميادة بخبث : أي يا اسر خلاص مش قادر تستني اما الشهر يخلص وبعدين تبقي تبصلها براحتك
أسر وهو قاصد ان يخجل ريم : لاء يا امي مش قادر  هو حد يقدر يشوف الجمال دا كله ويشيل عينه
عبد الخالق : لاحظ ان احنا قاعدين
أسر : لاحظ انت ياعمي انها مراتي
عبد الخالق : بس مش قدامنا ابقي قولها كل اللي نفسك في أما الشهر يخلص مش كفايا وافقت علي شهر
أسر وهو يقوم حتي يذهب للعمل :خليك كريم معانا بقا يعمي
وهنا تحدثت ريم
ريم : أسر
أسر : ايوة عاوزة حاجه اجبهالك
ريم :  كنت عاوزاك توديني الجامعة عشان أقدم ورقي
أسر : ماشي هستناكي في العربية
ريم : حاضر مش هتاخر عليك
انتهي..............