عشق منذ الطفولة

البارت الحادي عشر

البارت الحادي عشر
بقلمي اللؤلؤة

في صباح اليوم التالي استيقظ أسر من نومه وذهب وتؤضي وصلي فرضه وارتدي ملابسه وذهب الي العمل علي النحو الآخر كانت ريم أيضا انتهت من ارتداء ملابسها للذهاب الي الجامعه
وعند خروج أسر من غرفته وجد ريم تخرج أيضا
أسر .. انتي راحه فين
ريم .. الجامعه
أسر .. انسي يا ريم
ريم .. لي يا أسر
أسر .. انتي هبله يا ريم آمال لو مكنتيش سامعه انهم بيهددوني بيكي 
ريم .. يعني أي يا أسر يعني هضيع عليا السنه
أسر .. لاء يا ريم مش هضيع عليكي السنه انا هخلي المعدين والدكاتره يجولك هنا ويجوا يمتحنوكي هنا
ريم بعصبية .. يعني انت ناوي تحبسني في البيت
أسر بغضب  .. صوتك ميعلاش يا ريم انا قولتلك الموضوع دا يخلص وبعدها هترجعي تروحي الجامعه عادي بس انا مش هضحي بيكي يا ريم
وذهب أسر من أمامها الي اسفل لتناول الإفطار ومن ثم الذهاب الي عمله نزلت ريم وراءه وهي تشعر بالندم لانها تعلم أنه في ضغط كبير الآن وتعلم انه خائف عليها ولكنها تصرفت بغباء واغضبته
ريم .. أسر انا أسفه
أسر .. خلاص يا ريم اقفلي علي الموضوع
وذهب دون تناول فطوره اما ريم صعدت الي غرفتها مجددا وظلت تبكي لانها جعلت أسر يغضب منها
أما عند وصول أسر الي الشركة وجد سمر تنظر له بخبث
سمر .. ازي حضرتك يا أسر باشا وازي المدام
لم يستغرب أسر من معاملتها لأنه يعلم لماذا تفعل ذالك
أسر بخبث .. الحمد لله يا سمر كويسين انتي معزومه علي فرحنا آخر الاسبوع
سمر وهي تكتم غيظها .. شكرا يا أسر باشا
دخل أسر الي مكتبة وطلب عمر
عمر .. أي يا اسورتي طلبتني لي
أسر .. بطل هبل واقعد
عمر بمرح .. طلقني لو مش عجبك طلقني
أسر بغضب  .. واقسم بالله يعمر هيبقى آخر يوم في عمرك لو ما اتلميت
جلس عمر
عمر .. أي يسطا في أي
نظر له أسر نظره احرقته
عمر بتعديل .. أقصد يا أسر باشا
حكي له أسر كل ما حدث
عمر .. مستغربتش أنها عملت كدا
أسر .. ولا انا
عمر .. طيب وبالنسبة لنوراي
أسر .. بص ياعمر عاوزك معاها دايما هي كدا في خطورة كبيرة عليها
عمر .. من غير ما تقول يا أسر
أسر  .. انت حبتها بالسرعة دي ياعمر
عمر  .. لاء يا أسر مش بالسرعة دي فاكر اما كنت مسافر باريس من 3 سنين وقولتلك إني حبيت بنت جدا بس هي مشافتنيش غير مرتين بس انا كنت بشوفها طول ما انا هناك
أسر  .. هي نوراي
عمر  .. ايوه هي متتخيلش يا أسر قلبي وجعني قد أي لما عرفت انها كانت هتتخطب لجاسر لولا ستر ربنا كان زمانها ضايعة مني
أسر .. طيب ربنا معاك
عمر .. يارب هروح انا أكمل شغلي
أسر  .. تمام
أما عند ريم كانت تتكلم في الهاتف مع نوراي
ريم .. بت يا نوراي هو انتي لي قولتي انو جاسر متقدملك قدام عمر وعملتي نفسك فرحانة رغم انك مش بتحبي جاسر وكنتي مضايقة منه
نوراي .. عشان اخليه يغير ويفتكرني يا ريم انا مقدرتش أنساه من 3 سنين عاوزاه يحبني بس عجبتيني انك ظيتي معايا
ريم .. عيب عليك يسطا تربيتك بس هتعملي أي تاني
نوراي  .. مش انا اللي هعمل  أسر اللي هيعمل
ريم .. حاضر  هقفل دلوقتي عشان اكلم ماسورتي اطمن عليه
نوراي  .. غوري
أغلقت نوراي وريم الخط
عند نوراي كانت تفكر في عمر وقطع شرودها صوت والدتها
أمها .. جاسر جه
نوراي بتافف .. بينطلي علي طول كدا كل اما ابقي مبسوطة
الأم .. ربنا يريح قلبك يا بنتي وينولك اللي في بالك وافرح بيكي قريب
نوراي  .. يارب
كانت نوراي قد حكت لوالدتها علي كل شيء فهي لم تخبي عليها شيء قط
خرجت نوراي وهي تتصنع الحب حتي لا يشك بها جاسر 
جاسر بخبث  .. وحشتيني اوي
نوراي  .. جاسر لو سمحت انا مبحبش كدة
جاسر .. لي يا روحي دا انا خطيبك
نوراي  .. ماشي بس مش جوزي
جاسر  .. حاضر مش هضايقك تاني  بس كنت محضرلك خروجه تحفة
نوراي  .. أسفه مينفعش نخرج لوحدنا
جاسر بخبث  .. طيب هاتي صاحبتك ريم معانا
نوراي  .. ريم خارجه مع جوزها النهاردة
جاسر  .. طب بقولك أي
نوراي  .. أي
جاسر  .. أي رأيك أكلم عمي ونكتب الكتاب عشان نعرف ناخد راحتنا ونخرج سوا
نوراي  .. انت عارف رأيي في الموضوع دا
جاسر بعصبية  .. اقولك نخرج تقولي مش هينفع اقولك هاتي صاحبتك تقولي لاء اقولك نتجوز عشان نخرج براحتنا تقولي لاء انتي عاوزة أي بالضبط
نوراي  .. جاسر انا مبحبش كدا
ذهب جاسر وهو غاضب بشده منها فلاول مره تفعل معه أنثي هكذا
عند ريم اتصلت باسر
أسر  .. ايوه يا ريم
ريم   .. خلاص بقا يا ماسورتي متزعلش
ضحك أسر غصب عنه فهو يعشق هذا الاسم منها وهذه الفتاه تعلم كيف تراضيه
أسر   .. ماشي يا ريم
ريم   .. قولت لعمر
أسر   .. آه قولتله
ريم  .. طب الحمد لله كدا هنقدر نخلي  عمر يحبها
أسر   .. ريم انا اكتشفت انو اصلا عمر كان بيحبها هو كمان فا عشان كدا هو هيسهل علينا الموضوع
ريم بفرحة من أجل صديقتها  .. بجد طب وساكت لي
أسر   .. عشان هو فاكر أنها متعرفوش
ريم  .. بس الخطه بتاعتك ماشية عسل محدش حس خالص
( ولا حتي اللي بيقرأو حسوا  يا ريم 😂😂)
أسر  .. عيب عليكي دا انا أسر الجندي
ريم .. بطل غرور بقا ياض انت
أسر  .. في واحده لسانها بدأ يطول وهزعلها
ريم .. علي أساس اني هسكتلك
أسر  .. هي فين ريم الرقيقه اديهاني لو سمحتي
ريم  .. الشيفت بتاعها باليل
أسر   .. طب انا هقفل  واكلمها باليل في الشيفت بتاعها
ضحكت ريم بشده
ريم بضحك  ..   ماشي
اغلق أسر الخط مع ريم
وبعدها شرد عندما طلبت منه ريم أن يساعدها هي وصديقتها في ان يحبها عمر وهو من وضع الخطه من البدايه من وقت ما كانت نوراي تفعل ما يوضح لجاسر أنها تحبه فهي من البدايه تعلم كل شيء ولكنها فعلت ذالك أيضا لتوقع عمر في حبها وعندما ذهبت الي الشركة فكان هذا بالاتفاق مع اسر وريم فكانت نوراي من البدايه تمثل أنها تحب جاسر حتي تمشي خطتهم كما وضعوها لايقاع عمر في حب نوراي وايقاع جاسر في الحبس
اما عمر فلم يعلم بخطتهم قط
اما عند نوراي
دخلت نوراي الي غرفه ملك وجدتها شاردة
نوراي  .. أي آدم وحشك مش انتي اللي مرضتيش تروحي المدرسه
ملك  .. بشتم نفسي وربنا اني فضلت النوم
نوراي  .. يلا هو أساسا مش هيصبر لو بيحبك وهيجي يخطبك
ملك .. يارب  يختي
ضحكت نوراي بشده علي أختها الواقعة في حب أخو صديقتها
في جامعه مريم
دخلت مريم الي المحاضرة
وبعد خمس دقائق دخل الدكتور مراد
بدأ مراد في الشرح وهو مركز عيونه عليها
وبعد مدة سئل مراد سؤال فرفعت مريم يدها
مراد  .. جاوبي يا انسه 
مريم   .. مريم يا دكتور
مراد   .. جاوبي يا انسه مريم
جاوبت مريم علي السؤال
مراد  بإعجاب شديد من ذكاءها  .. طيب يا انسه مريم بعد المحاضرة تعاليلي مكتبي
مريم .. حاضر يا دكتور 
اما مريم عندما جلست ظلت شارده في ملامحه ولأول مرة تنظر مريم لأحد وتحدق به هكذا وشعرت بأنه شديد الجمال 
( أو كما يقول المثل  القرد في عين أمه  غزال😂😂)
وبعد إنتهاء المحاضرة
ذهبت مريم الي مكتب مراد وتركت الباب مفتوح
مراد  .. اسمك مريم أي هحطلك درجات أعمال السنه دلوقتي
مريم بخجل  .. مريم الجندي 
مراد  .. مش معقول هو انتي أخت أسر باشا
مريم بخجل   .. ايوه
مراد   .. آه صحيح انا اسف علي معامله المره اللي فاتت كنت متعصب
مريم ولم تعلم لما قالت هذا وهي كانت تريد أن تعاتبه
مريم  .. ولا يهمك يدكتور محصلش حاجه
مراد  .. شكرا علي تفهمك
مريم  .. العفو يادكتور
وفي هذه اللحظة دخلت ياسمين مكتب مراد
تأفف مراد وهو يقول
مراد   .. خير يا ياسمين 
ياسمين  بدلع   .. قدرت تتخلي عني  يا مرمر
مراد بغضب  .. أولا انا مبحبش الاسم دا  ثانيا مش والدك قالك اني قولتله كل شيء قسمه ونصيب وإني مش مرتاح معاكي
ياسمين بدلع .. طب انا ضايقتك في حاجه
مراد  .. انا مش مرتاح يا ياسمين المشكله مش فيكي
وهنا نطقت مريم
مريم .. طب عند اذنك يا دكتور هستني حضرتك في فرح أسر آخر الاسبوع
مراد  .. يشرفني طبعا  يا انسه مريم
خرجت مريم وهي تشتعل غضبا من تلك الياسمين
بعد خروج مريم
ياسمين بدلع .. انت عارف اني مقدرش استغني عنك يا  حبي
مراد  بغضب  .. انسه  ياسمين خلي عند حضرتك شويه كرامه وافهمي اني مش عاوز أكمل معاكي
ياسمين وقد بانت علي حقيقتها  .. ماشي يا مراد بس والله ما هسيبك في حالك سواء انت أو الاموره
وهنا غضب مراد بشده
مراد بغضب  كبير .. ورحمه ابويا يا ياسمين لو فكرتي بس انك تقربيلها هيكون آخر يوم في عمرك وانتي عارفه اني بنفذ علي طول
اما ياسمين فخافت بشده فهي تعلم مراد جيدا
خرجت ياسمين وهي تحمد الله أنها خرجت حيا من عند  مراد وقررت الابتعاد عن طريقه وتفكر في حيله كي توقع شخص آخر
في قصر الجندي رجع آدم من المدرسه وهو متضايق لأنه لم يراها اليوم
دخلت عليه ريم
ريم .. أي ياباشا متضايق لي
آدم  .. مشوفتهاش النهاردة
ريم  .. آه ماهي نوراي قالتلي أن ملك مراحتش النهاردة
آدم  .. ريم هو لو طلبت من بابا يخطبهالي بعد ما اخلص الثانويه هيرفض
ريم   .. لاء طبعا 
آدم  .. أول ما الشهادة تطلع هخطبها علي طول حتي لو غصب عنها
ريم بضحك علي ذالك المجنون  .. ماشي  يخويا اخطبها
( الناس كلها بتحب في الروايه وانتو لاء😂😂)
والي هنا ينتهي البارت الحادي عشر .........