مرحبا متابعيني شلونكم طبعاً هاي اول قصه الي ب الواتباد والقصه حقيقيه اتمنه ادعموني عمود استمر ♥
الكاتبه:زوزآيـﮯهہ 💗✌️
يله نبدي ب القصه
//////////////////////////////////
#هند
مرحبا اسمي هند عمري٢٤سنة والدي توفة من جان عمري ست
سنين امي تزوجت واحد ارمل وعنده ولد
اسمه زياد جان عمره عشر سنين جان كلش حباب وعاملني
مثل اخته تبدي قصتي من جان عمري١٧سنة
بيوم جنة طالعين اني وزياد طب زياد لمحل صديقه انتظرته
برة لأن گال ماطول مر من يمي ولد گام يصفر ويتحرش
ويگول شنو هالحلاة بس بعدين زودهة بحجية واني خايفة
بوحدي طلع زياد سمعه تخبل وتعارك ويا التمو العالم وزياد
دمى للولد واني ابجي واوخر زياد باوعلي زياد
دفع الولد ووخر بس بدفعته للولد جتي سيارة دعمته
نقلو للمستشفى الولد ماطول ومات وابو السيارة فلت والكل
شاهد انو جان متعارك وية زياد وهو يلي دفعه
حطو زياد بالتوقيف وعشيرة الولد طالبو بدمه بجيت اخوية
الوحيد راح يموت راح يكتلو بس اخو الولد المات گال نريد
فصلية وفلوس ومنريد ابنكم حاول زوج امي عمو ايمن
يقنعهم بس بالفلوس ماقبلو الا فصلية
اجة عمو ايمن للبيت جنت ابجي باوع علية گلي هند انتي
بنيتي اذا تحبين زياد روحي فصلية وسنة وترجعين لهنا
ويصير الحجي گدام الشيوخ سنة ويرجعوج
امي گامت تبجي تگول شلون اضحي بنتي وحيدتي
گتلهة ماما اني وزياد اثنينة ضناج ربيتينة سوة راح اروح سنة
وارجعلج فدوة لتبجين
يجوز تكولون معقولة تضحي بروحهة وهو زياد اصلا مو
اخوهة من ام واب بس اني علاقتي وية زياد اقوة بعد يعني
جنت مستحيل اكل فدشي واعرف زياد يحبه اذا مو انطي هم
بالمختصر زياد اخوية شي مهم وجبير بحياتي
صح وافقت اروح بس ادري جهنم تنتظرني هناك بس ربي ويايه
اتفقو وية زوج امي سنة ويرجعوني
ارتب ملابسي واودع غراضي وكتبي وابجي طبت ماما
تبجي وتگول سامحيني بست ايديهة وگتلهة مو ذنب احد
حتة اسامحج حتة زياد مو ذنبه زياد دافع عن عرضه من ذاك
