مرحبا حبايبي شلونكم اسفه ؏ التأخير مثل متعرفون انو ماكو تفاعل ف م انزل بارت بس انشاءالله هلمره مأتأخر عليكم
واحاول اختم القصه ؏ السريع أوگيـ Ok ـٍہ يلا نبدأ..........
الكاتبه: زوزآيـﮯهہ 🐼💗
////////////////////////////////////////////
#قيصر
ارتاحيت من تأكدت انو الخطبة مالت هند خربت هسة اجة وكتي رحت على امي جانت گاعدة بغرفتهة گعدت يمهة گتلهة يوم مناوية تزوجيني التفتت علية وگالت يوم المنى باجر ادورلك مرة گتلهة لا المرة عندي
گالت منية معقولة من گرايبنة گتلهة لا ابنية احبهة واموت عليهة يمة البنية هية هند
شهگت وگالت تريد تاخذ هند الفصلية گتلهة لا هند بنت ايمن ابو زياد مو الفصلية
گالت ماصار فرق يبقة اسمهة فصلية گتلهة بس اني رايدهة وعاشگهة مو بس احبهة
گالت ماكو هيج حجي ما اخطبلك ياها ادورلك على غيرهة تسواها وتسوة عشيرتهة گتلهة واني ماريد غير هند
رفضت امي رفض قاطع ليش يحظي اخلص من حمزة واوخرة من طريقي تطلعلي امي
جنت بغرفتي صار اربعة ايام مطالع منهة افكر شلون اخذ هند واقنع امي
طبت علية امي گالت راح تظل هيج مگابل غرفتك وعايف شغلك كلة علمود هند
گتلهة تذكرين من جنت كئيب ومنعزل محد شافني وحجة وياية غير هند
محد شجعني اطلع من عزلتي غير هند محد شاركني بالبجي غير هند
اخذت نفس گلتلي اني جيت اگلك تحضر باجر نروحلهم
فزيت من مكاني گتلهة صدگ تخطبيلي هند
ابتسمتلي وگالت اي يمة اخطبلك هند يلي مدوختك
طلعت امي من الغرفة الحمدلله راح اخطب برضاها لان اخر تفكيري گلت اخطبهة لهند غصب عن الكل
رحت للحلاق رتبت لحيتي ورجعت خابرتهة لهند ردت علية گتلهة هلا بعد رويحتي مجاوبت بعدين گالت شبيك مصخن ضحكت گتلهة لا بس باجر جاي اخطبج
#هند
من دگ قيصر رديت گلي هلا بعد رويحتي عبالي بي شي گتلة شبيك مصخن ضحك گلي لا بس باجر جاي اخطبج حسيت گلبي راح يوگف من الدگ گتله گاعد تحجي صدگ لو تشاقه گلي لا والله احجي صدگ
گتله بلكت عاد اهلي يقبلون گلي الله هداها لأمي ويهدي اهلج ان شاء الله
گتله الله يسمع منك گلي بس اخطبج گبل نزوج واخذج بيت بوحدنة نعيش بس احنة سوة ضحكت گتلة شبيك مستعجل گلي ولج مو مشتعل جدي السايع عشر منج ولج رويحتي انتي
گتله انت هم گلي انتي شنو گولي لتصيرين بخيلة
گتله ماكو شي انت هم رويحتي اريد احجي مثلك
ضحك كال من فدوة للتحجي مثلي
سديت الموبايل واني افكر شلون راح تصفة يعني الله يسرلنه ونصير سوة زين واهلي ؟وجاسم اخو؟..
گعدت ثاني يوم رتبت البيت ونظفته وحطيت بخور وامي صافنة علية تگولي شبيج حلمانة بالشغل گتلهة لا بس ما عندي شي
العصر بدلت لبست فستان وردي بسيط حلو ومرتب دگ قيصر يعني جاين گعدت ادعي اهلي يوافقون
اندگ الباب طلع زياد اجة جان يگول عمو ايمن منو على الباب گله ذولي اهل الولد المات يلي راحتلهم هند فصلية مرة جبيرة ورجال
عمو ايمن گال طببهم خل انشوف شيريدون امي باوعتلي گالت تعرفين شرايدين گتلهة لا شمعرفني
هزت راسهة بشك وراحت
#قيصر
حسيت نفسي متوتر ماعرف شحجي امي حجت وگالت راح احجي وياكم گبل وادخل بصلب الموضوع
احنة جاين نريد نخطب بنتكم هند لقيصر البنية ظلت يمنة فترة طويلة عرفنة طينتهة وتربيتهة ورايدين نسبكم شتگولون ؟؟
ايمن گال والله مثل متعرفون اني صح مو ابوهة لهند بس يشهد الله هية مثل بنتي وما اريدلهة الا كل الخير وطلبكم على عيني وراسي ومقدر جيتكم بس صعب البنية عاشت يمكم فصلية خدمتكم هسة تريدوهة جنة لأبنكم؟؟ فعذروني اگوللكم الله يوفقه لقيصر ويلگة الأحسن من هند اعتذر ماكو نصيب بينهم.
لهنا وينتهى البارت اتفاعلو عمود انزل بارت ♥️
يتبع...
قصه هند ﴿ في غرام فصليه اخي ﴾ حقيقيه ✔️
بارت 7 شاركو القصه مع اصدقائكم
