مرحبا حبايبي شلونكم أوگيـ Ok ـٍہ حبايبي بدون مقدمه طويله يلا نبدأ.........
الكاتبه: زوزآيـﮯهہ 💗🐼
////////////////////////////////////////////
#هند
ضجت من گام عمو ايمن وگال سدو الموضوع يجيهة احسن من قيصر بس اني ماريد غير قيصر باوعت على امي گالتلي ميخالف انسي الصار وانسي قيصر
هاي شتگول ليش محد يحس بية اگولهم احبه اموت علية ماريد غيرة رجال اجة زياد علية گعد يمي باسني من راسي گلي ليش ضايجة انت مدام طلبتي مني اساعدج والله والله متصيرين لغير قيصر اخذيهة من شاربي الة اخلي ابوية يقنع
فرحت لكلامه وجان واثق من يحجي عافني وراح لغرفة عمو ايمن گعد اتنصت يم الباب واسمع زياد يقنع بي بعدين حسيت احد يقترب من الباب وخرت بسرعة طلع زياد صاحلي فتت ويا للغرفة گلي راح اسألج گدام ابوية وجاوبي انتي موافقة على قيصر مو باوعت علية هزيتله براسي گلي وممفكرة بغيره
استحيت من عمو ايمن گلي زياد لتستحين جاوبي
گتلة اي باوع على ابو گلة شفت يابة البنية هية رايدته ومحد جابرهة على شي والقرار قرارهة خليهة تشوف حياتهة مادام هية قانعة ولنوگف بوجهة باوعلي عمو ايمن گتله عمو تذكر من گلتلي بس ترجعين وتخلص السنة شتردين اسويلج گلي اي گتله واني طالبتهة منك گلي خير ان شاء الله اذا اجوي مرة الخ اوافق وثقي يبنتي اني رفضت علمودج ماردتج تروحين يمهم وانت قبل جنتي فصلية الهم گتلة لا عمو اني مقدرة موقفك ورفضك لو ممفكر بية مثل بنتك جان ماسويت هيج گلي والله انتي مكانتج عندي مثل زياد مافرق واحد عن الثاني انتي ربيتي على ايدي گتلة وانت مثل ابوية ماعرفت غيرك من وعيت على الدنية ضحك وگال يلة راح نگوم نبجي
گومي ياعروستنة اريد منج چاي خل اشبع من جايج قبل لتروحين وتگطعين بية ضحكت على كلامة وگتلة ادلل هسة اسويلك
طلعت من يمهم رحت ركض لغرفتي دگيت على قيصر
#قيصر
گاعد على نار لهسة مخابرتني يعني لهسة موافقو
صار اليوم الثاني اباوع على التلفون كلشي ماكو لا رسالة ولا مكالمة گلت هاهية ربي مرايد يجمعنة سوة طبيت سبحت طلعت لگيت موبايلي يدگ شفتهة هند گلبي فز رديت جان تگولي صباح الخير گتلهة صباح الورد بشري هند گلتلي اي ابشرك عمو ايمن
وافق وگال اذا اجوي مرة الخ اوافق وانطيج
گتلهة گاعد تحجين صدگ مو ضحكت وگالت اي وداعت عيونك گتلهة اگلج اليوم نجي گلتلي لا خلي يومين النوب احسن گتلهة ماكو هيج حجي اجيكم اليوم ماصدگت قنع ليروح يغير رأيه گلتلي ماشي على راحتك
سديت التلفون ونزلت جوة ادور امي گتلهة يوم احزري شنو صار گالت خير ان شاء الله شنو
گتلهة وافقو علية واليوم نروح نطلب هند مرة الخ
گالت يمة والله معاجبني انرفضنة مرة ليش نذل نفسنة ونروح مرة الخ والله اخطبلك احسن منهة ويموتون علينة گتلهة يمة اني هذا الموضوع شايلة من راسي وحاجين بي گبل غير هند ماريد
گلتلي هاهية اليوم العصر نروح گتلهة خوش اجة العصر وركبنة السيارة مالت جاسم وطرت طير لبيتهم طبعا خابرت هند وگالت بلغت اهلهة بجيتنة اليوم عود عساس اختي مروة يلي تحاجيهة محد يعرف انو اني احاجيهة
نزلنة واستقبلونة ابيتهم وردت امي تحجي نفس حجي ذيج المرة رايدين بنتكم لابنه على سنة الله ورسوله گلهة ايمن واحنة نتشرف وقيصر هم ابنه
اتفقنة باجر نعقد عقد سيد ورة ما اتفقنة على المهر وهاي السوالف واتفقنة يصير العقد وحفلة المهر نفس الوقت ظليت اتلفت بعيوني بس اريد المحهة
شفتهة طالعة من المطبخ باوعتلي وضحكت يمة شلون طالعة وهي لابسة الفستان الاسود مطلع جسمهة يسطر وشعرهة هادته على طولة فوگ طولة يلي واصل للورك هم عبالك شلال من النعومة گامت امي لغير غرفة علمود تشوفهة لهند وتحجي وياها
#هند
جنت انتظرهم شوكت يجون لبست فستاني الاسود وبي ذهبي كرهت اللون الوردي لان لبسته ذيج المرة من رفضو قيصر هديت شعري على طوله محطيت شي بوجهي امي گالتلي ابقي على طبيعتج احلى
اجوي واسمعهم يتفقون على المهر وغيرة من هالسوالف واتفقو يصير العقد وحفلة المهر مرة وحدة مستعجل قيصر
رحت للمطبخ اشرب مي جان باب الاستقبال بوجه المطبخ بس عمو ايمن ممبين
طلعت شفت قيصر يباوعلي ابتسمتله ومشيت يمة شلون طالع يخبل محظوظة بي اني
جتي امه تريد تحجي وياية طبيت للغرفة گالتلي هند ادري بيج شايلة علينة وكارهتنة بس هسة راح تصيرين مرت ابني يعني جنتي ام احفادي اريدج تنسين المضة وتبدين حياة جديدة ويانة
گتلهة اني نسيت كلشي وميهمني شي غير قيصر
گلتلي خوش لعد هسة احنة نروح ونتشاوف بالعقد
راحو هي وقيصر واني انتظر باجر اووف شوكت يجي باجر راح يرتبط اسمي بأسمه
#قيصر
طبعا مانمت بالليل حسيت نفسي اني البنية من گد مافكرت وگاعد ابني احلام وافكر شوكت تصير بين ايدي ماصدگت اجة الصبح تريگت طلعنة من وكت رحت اني وامي وخالتي اشترينة الذهب وديتهم لمحلات نسائية وافترينة بالسوك علمود النيشان وصلتهم للبيت ورة ماخلصنة
وطلعت اتفقت وية شيخ علمود اخذه العصر ويعقدلنة واتفقت وية عمامي يروحون وياي بالعقد وهم اصدقائي وولد عمي يجون واخوي جاسم طبعا
اما النسوان خالتي وبناتهة اثنين وامي ومروة ومرت جاسم ونسوان عمامي اربعة
رحت اتفقت وية ولد صديقي علمود بيت اشتري گلي خليهة علية عندي معار
ف هواي الگالك بيت للبيع
اجة العصر خابرت هند وگتلهة منو جاي وياية لان هو عقد وهو حفلة مهر بنفس الوقت
لهنا وينتهى البارت اتفاعلو عمود انزل بارت ♥️
يتبع...
قصه هند ﴿ في غرام فصليه اخي ﴾ حقيقيه ✔️
بارت 9 شاركو القصه مع اصدقائكم
