مرحبا حبايبي شلونكم اسفه ع التأخير بس القصه مد تصعد
حتى اكتب بارت يعني مدشوف تفاعل واذا شفت تفاعل ع هذا البارت منا الباجر والله انزل بارت كل يوم او ماكو تفاعل قليل انزل بين يوم ويوم اوك حبايبي يلي نبدأ...........
الكاتبه: زوزآيـﮯهہ💗🐼
///////////////////////////////////////////////////
#هند
رجعت حياتي مثل قبل رجعت لمدرستي كلام قيصر ابالي بس احاول ما افكر بي صدك اشتاگيتله واشتاگيت لبجينة سوة كلما اذكر هالموقف اضحك
عرفت انو اني صدگ احبه لقيصر بس يلي مخوفني اهله واهلي اثنينهم ميطيقون بعض شلون راح يتناسبون
من اخر مرة شفته لقيصر ماسمعت عنه شي بعد
ولاشفته
#قيصر
من اخر مرة وصلت هند لبيتهة بعد ماشافتني بس اني كل يوم اشوفهة الصبح من تروح للمدرسة ومن ترجع حافظ الوقت رأساً اركب سيارتي واروح اشوفهة اشتاگلهة بس اني ما اريدهة تشوفيني الا اكمل يلي بديته
لان اني رجعت لشغلي المحاماة وبديت استلم قضاية
اريد يصيرلي صيت حتة من اروح اخطبهة ماعدهم مجال يرفضوني
#هند
صار سنة على اخر شوفه لقيصر حسيته نساني والكلام يلي گاله مجرد كلام كرهت نفسي لان ظليت افكر بي جنت راجعة من دوامي هلكانة من الدراسة لان صرت سادس واريد معدل عالي
جان اخر يوم بأمتحانات نص السنة دأمشي واحس احد يمشي وراية گمت اسرع بالمشي باوعت گدامي ماكو احد بالشارع
خفت وگلبي صار طبل ماحس غير احد يلزم ايدي من ورة التفتت لگيته ولد شاب ماعرفه سحبت ايدي بس جرهة قوي گامت توجعني گتله وخر عني
گلي ماوخر اني احبج واريدج گتله وخر خلني اروح عندك شي احجي وية ابوية
گلي اليوم اجيكم واريدج توافقين عليه گتله اول شي ممجبورة ثاني شي توخر لا اصيح والم العالم عليك
گلي راح اروح بس اليوم اني ابيتكم
عافني وراح يا ربي منين طلعلي هذا النوب
رجعت امشي وهم احد لزم ايدي التفتت وگتله هاي شبيك مو گتلك وخر بس انصدمت انو مو نفس الشخص
يلي لازم ايدي قيصر شگد اشتاگيتله واشتاگيت لتفاصيل وجه ظل صافن علية
باوعت عيونه حمر ولازم ايدي قوي گتله قيصر ايدي
گلي عوفي ايدج وگوليلي منو هذا يلي جنتي تحجين ويا گتله ما اعرفه
گلي بس شعنده يحجي وياج
ضجت من اسلوبه گتله يريد يتقدملي گلي سمعيني هند انتي الية محد ياخذج غيري
نرفزني بكلامه صار سنة ماشفته هسة جاي يگول انتي الية گتله ماكو شي اجبار واذا امي وعمو ايمن وافقو على الولد يلي اجاني اني اوافق
نفخ بعصبية وگال انتي رفضي گتلج انتي مالتي بس اني بوحدي لا والله اخطفج واخذج واخلي اهلج ينجبرون يوافقون علية
خفت من كلامه وانقهرت گتله خوش ترضاها يگولون علية عار ونزلت راس اهلي مع الاسف متوقعتك هيج
گلي ولج ثولة كل هالحجي لان اريدج زوجتي
گتله عوف الكلام خليني اروح للبيت تأخرت
هد ايدي عفته وورجعت لبيتنة
#قيصر
جنت مثل كل مرة اروح لمدرسة هند اشوفهة بس اليوم من رحت لگيت ولد لازم ايدهة تخبلت گامو يحجون واني اريد اطلع واگطع ايد الولد بس گلت
خل اشوف شيصير عافهة الولد وراح نزلت من السيارة جريت ايدهة هية حجت عبالهة اني الولد نفسه صفنت من شافتني
اني على عصبيتي باوعت على وجهة صايرة احلة عن قرب هية حجت باوعت لملامح وجهة
بس من گالت عوف ايدي رجعت تذكرت الولد فرت من جديد گتلهة عوفي ايدج منو هذا يلي جنتي تحجين ويا گالتلي ماعرفه
وبعدين عرفت يريد يتقدملهة اي مو بكيفه هية گتلهة والله اخطفج واخذج واخلي اهلج ينجبرون يوافقون علية
باوعتلي وگالت خوش ترضاها علية يكولون عار وانزل راس اهلي گتلهة ولج كل هالحجي لان اريدج زوجتي يعني هسة شذنبي اني؟!
گالت عوف الحجي وخليني اروح هديت ايدهة وراحت
اووف يحظي اخاف لا اهلهة يوافقون على الولد
واني گلبي صاير عاشگ الهة مو بس يحبهة.
يتبع...
قصه هند ﴿ في غرام فصليه اخي ﴾ حقيقيه ✔️
بارت 5 شاركو القصه مع اصدقائكم
