#شمس 🔥
.
الحلقه الاوله✨
.
فتحت عيونى بصعوبه راااسي صداااع قعدت نركز ونحاول نشوف اي شئ وبعدها عرفت ان وجهى مغطى وادكرت شن صار معاى اووف صدداع حاولت نقيم ايدي مقدرتش وحسيت ان ايدي مربوطه قعدت نحاول نفك روحى
ومن الصداع معش قدرت نركز
وفجأه حسيت بشخص يقرب ليا و نحى الغطى يلي على وجهى
كان الضى قوي وقتها حاولت نركز على المكان يلى انى فيه
كان فى طاوله وكرسي قدامى ههههه زي فى الافلام لما يحققو مع مجرمين بزبط شكلك علقتي يا شمس 😂
خالد باستفزاز: مش حتقدري اتفكى روحك
شمس شبحت ل وجها يلي متورم وضحكت على جنب : فى رايك يلي قدرت تضرب اربعه رجالا مع بعض متقدرتش تفك عقاب حبل !!!
خاالد تنرفز وشدها بغل من البرنوص وعيونه فيها : احترمى نفسسسك خيرلك
شمس قعدت تشبحله والابتسامه منزلتش على وجها نفخت شويه علي مكان التورم : اوووف الضربه قويه هلبا صحح
خالد رفع حاجبه وكان ناوي يقتلها فمكانها
شمس ببرود : اممم وجهك متورم وجعتنى هلبا المره الجايه نحاول نخفف شويه شن رااايك!!!!
خالد بنفاد صبر وبصوت عالى شد رقبتها : سكررييي فمككك وحق ربي نقتلك ونشرب منن دمكككك يا بنت $@&
شمس تشبحله ومبتسمه وكان يضغط عليها كل مره اكتر لدرجه نجرحت من صوابعه
خالد: هه مش خاايفه ولا كيف
شمس : ..
خش عليهم امير " المحقق" و كانت فى ايده قهوه حاول يتجاهل وميبينش يلى فى داخله
امير بدون خطف نظره ليهم ورجع يشوف ل ساعته : خااالد نزل اييدك
خالد بتنرفيز: امير اطلع وخلينى نصفى الحسااب معاها
امير بحركه سريعه جبد خالد وطلعه
خالد بعصاببه: مننن تكون انت لحتى اطلعنى ، وبعدين البنت هاذي لازمها تربايه وضرب وتكسير يدين انت تعرف انها ضربت اربعه رقدتهم فى العنايه ومقدرناش نوقفوها الا بالمخدر
امير شرب شويه قهوه وهو يشوف ل ساعته : خاالد متغلطش مزااال نبوها وانت كيف بادى فى خدمتك متغلطش
خالد:ليااا اربعه سنين هنى راه فيق ع عمرك
امير شافله بأستفزاز: نتوقع ان الاغلبيه يلي هنى رافضينك صح
خالد غير الدوه: مشفتش كلامها كيف كان
امير شد ضحكته لما شاف علامات الضرب على وجهه : مكنتش متوقعها بالقوه هاذي وجعتنى وغمزله
خالد نزل شعره على وجهه
امير تلفت وقعد يشبح ل شمس من الباب ويفكر بينه وبين نفسه وكان سااهى فتفكيره : هه طلعتى قويه يا شمس ، اى صح اخت وسيم كيف حتكون غير هكى بس يا تري قويه بس ولا فى حاجات تانيه ؟؟؟!!!!
امير : عارف روحى لو قتلك بره مش حتمشى ف لو بتقعد بتسكت وانى نتفاهم معاها
خالد : تم وخشو
شمس ابتسمت ع جنب : مكنتش محتاجه مساعده 😏
امير قعمز و قعد يشوفلها ومصدوم من ردت فعلها ومن تصرفاتها بس موضحش وفى داخله: حتنصدم هلبا الايام هادي شكلك يا امير
ومن شده انتباهه قعد ساهى فى شعرها الاسودد كيف متناتر على وجها وعيونها الواسعه يلي كانت مزيج بين الطبيعه والعسل يلي اول متشوفهم تشوف بركان من النااار و النمش يلي كان عباره على رمااد من عيونها وغير هاذا كله قوتها يلي توصلك قبل لتتكلم
