#شمس 🔥
الحلقه 17 ❤
.
محسن بلع ريقه : شخص اسمه البومه مساعد الكبير
امير قعد يشوفله : بومه
محسن: ايي
امير : وكيف عرفتو
محسن : اتبعنا المعلومات يلى جابتهم شمس وعرفنا
امير قعد يدكر فى اليوم يلى وصلوه الرسائل وابتسم
محسن : تأمر بشئ سياده النقيب
امير شافله : حاولو تعرفو اسم البومه الحقيقى
محسن : تمام سيدي وطلع
امير فتح تلفونه وقعد يدوور بين الصوور
امير: واخيراا لقيتك وفتح صوره الورد يلى صورها اول ما وصلاته الباقه
امير ضحك بهزوه: مع انى منحبش التصوير لاكن مرات يجيب حل
عند شمس
عزام : اهدي اهددي
شمس سحبت السلاح : ناصر ؟
عزام نحى اللحيه : متنكر
شمس تشوفله
عزام : وقت يلى جواد حكالى عليك توقعت البنت القويه الجريئه تكون انتى وخاصه ان طفولتك كانت مع اشرس البشر وسيم
شمس تشوفله
عزام: عارفك مصدومه ومش مصدقه اني حي
شمس : امك نعمت بعد موتك من كتر بكاها
عزام تنهد بوجع : اطريت اني نختفى
شمس نزلت سلاحها : شن هو الشى يلى خلاك تطر انك تختفى
عزام : لو عرفو انى حي كانو قتلونى
شمس قعمزت وحطت ايديها ع وجها
عزام قعمز قدامها : كنت انى ووسيم ماشيين ل المهمه زي قبل وكانت الادله كلها فى ايدينا
شمس تشوفله
عزام : وفجأه وقفو قدامنا سيارتين وو ورانا كذالك
شمس نزلت راسها
عزام نزلو دموعه: و وسيم وقتها حمانى زي كلل مره
شمس شافتله
عزام : يلى صار ان وسيم حدف قنابل لحتى نقدرو نهربو منهم نزلنا من السياره يلى تكسكست من كل الجيهات بالرصاص ومشينا ل مبنى مهجورر
شمس تشوفله
عزام : وسيم طلب مني نمشى ونجيب الدعمم لان اللاسلكى وقف وقتها
شمس تشوفله وتدكر وفى داخلها : متعودين يديروها معنها
عزام : وسيم حمي ضهرى وو وقتها
شمس : ش شنو
عزام شافلها : تصاوب
شمس تشوفله
عزام نزل راسه : ووقت مشيت ل المركز سمعت انهم يقولو ان انى ووسيم المتهمين بكل شئ وان عندنا معلومات خاصه
شمس بوجع: و و وسيم
عزام شافلها : رجعت ل المكان يلى كنا فيه بس مالقيتش الا دم وسيم على الحيط
شمس مسحت دموعها : وانت كيف توقعو انك متت
عزام شافلها : مكانش عندي حل الا اني نحرق السياره ونحط فيها شئ يدل عليا
شمس شافتله
عزام : و الكل توقع انى متت فى السياره وجسمي نحرق
شمس تشوفله
عزام: لو طلعت و وريت روحي كانو قتلوني
شمس غمضت عيونها
عزام : مش حنستفاد شى لو طلعت
شمس تشوفله
عزام : اطريت اني نتنكر وخشيت ل قسم مكافحه الفساد ل حتى نحاول نلقى مكان وسيم
شمس : وعرفت مكانه
عزام نزل راسه : لا
شمس تنهدت : تعرف من يلى ورا القصه
عزام شافلها ومتوتر : لا
شمس قعدت تشوفله
عزام قعد يشوفلها ومسح دموعه: اللحظه يلى نصاب فيها وسيم تمر عليا فى كل تانيه فى حياتي
شمس ابتسمت بوجع : حنلقوه❤
عزام : نخاف انه يكون
شمس : اشش وسيم ميموتش بسهوله
عزام ابتسم: وقت يلى نجابت اختى سنابل اضايقت هلبا لانى كنت نبي ولد يكون معاى فى طيحتيي ويحمينى وو وقتها امير قعد يضحك عليااا هلبااا وقالى الاخت ب 100راجل لما اطيح وفعلا كان كلامه صح نياله بيك ❤
شمس ابتسمت وحطت ايدها ع كتفه : خليك تحاوول ولو عرفت شئ تعرف وين تلقاني
عزام ابتسم: من عيوني شمسنا
شمس شافتله وطلعتت وهيا محرووقه
