حكايه بنات

البارت 3

           💌اللهم فى هذا البرد القارس نستودعك كل من لا مأوى له وكل من لا لباس له وكل من لا دفء له وكل من لا معيل له وكل مبتلى وكل مفقود وكل مريض وكل جريح وكل أسير اللهم نستودعك كل من يتألم وكل من يسألك الستر والعافية فى الدنيا والآخرة فاحفظهم بحفظك وارحمهم يارب 🤲🏽💌
     
        💞صلوا على من بكى شوقا لرؤيتنا💞

صباح يوم جديد عليهم

ريماس نازله من العماره هي واميره

امنيه:صباح الخير ايه ده كله تاخير

ريماس:انا جاهزه من بدري ست زفته هي اللي اخرتنا

اميره:معلش بقي صباح النور يلا بينا

امنيه:اركبوا مراد هيودينا

ريماس:ازاي يعني كل واحده فينا في جامعه مختلفه

امنيه:عادي ما كل واحده فينا جامعتها قريبه من التاني ومحضرتنا في نفس الوقت يعني مفهاش حاجه يلا بقي عشان منتاخرش

ريماس واميره ركبوا بكسوف شديد من الموقف اللي حصل قدامه ومراد بيحاول يكتم ضحكته كل ما يفتكر شكلهم وكلام ريماس وصلوا عند الجامعه كل واحده نزلت علي جامعتها وبعدها بساعتين اتجمعوا تاني وروحوا بس مواصلات عشان مراد كان في شغله امنيه طلعت شقتها سلمت علي امها ودخلت اوضتها وبعدها بعشر دقايق سمعت حاجات اتكسرت طلعت تجري وهي ماسكه موبايلها شافت امها واقعه علي الارض فاقده الوعي امنيه جريت عليها وحاولت تفوقها ولكن لا حياه لمن تنادي

في الفون

امنيه ببكاء:الحقني يا مراد ماما اغمي عليها ومش بتفوق

مراد بصدمه:اييييه طب انا جاي بسرعه اهدي بس
وقفلت معاه فتحت شات البنات وكتبت

امنيه:الحقوني يا بنات ماما بتموت
وقفلت وفضلت تعيط ريماس كانت لسه بتفتح الشقه لأنها كانت واقفه مع نور من ساعت ماجت

ريماس:يامااااااااامااااا

الام بعصبيه:عايزه ايه
ريماس كانت لسه هترد موبايلها رن بيعلن عن وصول رساله من شات البنات فتحت وشافتها

ريماس بصدمه:يا نهار اسووود انا نازله يالهوي
وطلعت تجري

الام:فوت امري إليك يارب البت اتجننت

في لحظات كانت حور واميره وريماس عند امنيه في الشقه وباقي البنات جم حور وفريده وريماس شالوا ام امنيه ودخلوها الاوضه وحور كشفت عليها

حور بحزن:طنط عندها ضيق تنفس ولازم تتحط علي جهاز تنفس في المستشفى

امنيه ببكاء:انا كلمت مراد وهو جاي دالواتي

ريماس:خلاص تعالي يا حور نلبسها لغيت ما سياده المقدم يجي وناخدها علي المستشفى

حور:يلا
ودخلوا الاوضه لبسوها وأمنيه كانت منهاره في حضن نور وعامله تقول هتموت وتسبنا زي بابا خرجت حور وريماس من اوضه الام