حكايه بنات

البارت 11

         💌-انا مش قد الحمل ده
          = لا يكلف الله نفسا إلا وسعها💌

             💞صلوا على اعظم الخلق💞

ويمر الاسبوع اللي باقي علي الدراسه وتبدأ الدراسه و كل واحده تتشغل في دراستها البنات في آخر سنه ليهم في الجامعه ماعدا فريده
بابا ريماس نقل جميله من مدرستها لي مدرسه فريده بعد تعب كبير
تمر الأيام
وفي يوم
تحديدا (بيت ريماس)

الام:ريمو حبيبتي اجهزي عشان في عريس جايلك بليل

ريماس ببرود:مش موافقه

الام:بس بابا موافق والراجل جاي انهارده

ريماس:ايوه يعني اعمل ايه

الام:اجهزي عشان تقابليه

ريماس:لا

الام:يابنتي اسمعي ده واحد كويس مهندس وشغال كويس ومعاه فلوس ومحترم

ريماس بغضب:طب اعمل ايه يعني جواز مش هتجوز

الام بأمر:هتقابليه غصب عنك

ريماس:وربنا اموت نفسي
وخرجت تجري من الشقه بل من العماره ونزلت عند امنيه والأم بتجري وراها خوفا عليها
ريماس خبطت واول ما امنيه فاتحت ريماس اترمت في حضنها وانهارت من البكاء مامت امنيه خارجه تجري علي صوتها ومراد وراها

مامت امنيه:في ايه يا امنيه ريماس مالها

امنيه حضنها:والله ما اعرف يا ماما

مامت ريماس:ده كله عشان جايلها عريس وهي مش عايزه

مراد:طب ما تسبيها يا طنط براحتها

مامت ريماس:براحتها ايه بس يابني اللي قدها معاها عيال

مامت امنيه لي  مامت ريماس:طب هو كويس

مامت ريماس:راجل محترم ومهندس وشغال كويس ومعاه فلوس يترفض ليه
وطبعا مامت ريماس ومامت امنيه زي اي ام عايزين مستوى كويس لي بناتهم

مامت امنيه:طب ايه المانع يا حبيبتي شوفيه و وافقي

ريماس بغضب:ليه جاين دالواتي تفكروا بالطريقه دي كل اللي بتفكروا فيه الفلوس ومفكرتوش انا بحبه ولا لا
هرتاح لي ولا لا
هيعملني كويس ولا لا
مش كل حاجه الفلوس انا اللي لازم اختار شريك حياتي
٠ انا اللي هعيش معاه مش انتم
لازم اطمن معاه عشان ده الراجل اللي هسيبكم واروح اعيش معاه هيكون ليا الاب والأخ والأم عشان هفقد كل ده بسبب اني هعيش معاه فلوسه ومركزه مش هيعوضوني حاجه لو طلع واحد زباله كل يوم يضربني ويقل أدبه عليا ارحموووووني مش عشان معاه فلوس وشغال كويس يبقى مناااسب

مامت ريماس:وانتي شايفه انك هتعرفي تختاري شريك حياتك انتي من ساعت موت محمود وانتي كده لا بتقربي من حد ولا بتخلي حد يقرب منك ده العريس الكام اللي هترفضيه هتفضلي كدا لغيت امته يا بنتي