حياه فهد ♥(بلهجه المصريه) 👑

Part 4

حياه انصدمت من لبس السكرتيره الى قدامها

ناني بدلع : فهد بيه صباح الفل
فهد: خدي الانسه وديها لعمر بيه وتعالي المكتب بعد كده
ناني بصت لحياه من فوق لتحت وبعدين بصت لفهد
ناني: أمرك.يا فهد بيه هبقي عندك في ثواني
حياه لنفسها: بقي دا منظر سكرتيره
امال هي ستره ايه اما كل دا باين منها
انا ماليش دعوه انا جايا اشتغل بس
خبطت ناني على مكتب عمر
عمر: ادخل
ناني: عمر بيه فهد بيه قالى اجبلك الانسه دي
عمر: ماشي دخليها وامشي انتي
مشيت ناني
عمر مبتسم: انتي حياه مش كده
حياه: ايوا يا فندم
عمر: تمام تعالى اشرحلك شغلك
[  ]
عند فهد بقي
صوت خبط الباب
فهد: ادخل
ناني بدلع: انا جيت اهو يا باشا أمرني
فهد بجديه: انتي مخصوم منك اسبوع بسبب لبسك الى قولتلك عليه ويلا على مكتبك
ناني بصدمه: يا فندم بس لبسي كده
فهد: يبقي بره الشركه دي انتي فهمه ولا لا وقولت يلا بره
ناني خرجت وكلمت صحبتها وحكتلها على الى حصل
صحبتها: يابنتي قولتلك بطلى تلفي عليه هو مش بيحبك و مش هيحبك الى زي فهد ميعرفش يحب بطلى تسمعي كلام مامتك هتندمي
ناني: انا غلطانه اني اتصلت بيكي امشي بقي ورايا شغل باي
صحبتها: باي
[  ]
عمر: كده.انتي فهمتي الشغل تقدري تبدأي امتي
حياه: دلوقتي طبعا
عمر: تمام جدا لو محتاجه حاجه تعالى قوليلى
حياه بأبتسامه رقيقه: حاضر عن اذنك
عمر: اتفضلي
[  ]
فهد مسك تلفون المكتب وكلم ناني
فهد: بلغي كل الى موجود ان في اجتماع بعد 10 دقايق
ناني: أمرك يا فهد بيه
[  ]
الكل اتجمع وبدأ الاجتماع بس فهد غصب عنه مبيشلش عينه من على حياه
بس هي كانت مركزه جدا فب الاجتماع و هو حب اهتممها للشغل دا
.....
فهد: كده الاجتماع خلص وكل واحد عرف شغله في المشروع الجديد اتفضلو
حياه بتلم شويه ورق
انس: مش معقوله
حياه بصت ل انس وهي مش فهمه
حياه: هو في حاجه؟
انس: اول مره اشوف قمر بيشتغل
حياه ضحكت غصب عنها
انس: اهو دا بقي الى بيتعب اعصابي
انا انس صاحب.عمر و فهد
حياه: انا حياه جديده هنا اتشرفت بحضرتك.يا انس بيه
انس بغضب مصطنع: لا لا انتي تقوليلى انس.بس دا انا وانتي لسه كلامنا كتير
فهد كان متابع الحوار كله
وفجأه
فهد بغضب: هو مش كفايا كده ولا ايه
انس روح شوف شغلك وانتي يا انسه حياه وقت الشغل شغل مفيش الهزار دا
ومشي وراح مكتبه
انس: متزعليش هو فهد كده بس طيب
حياه: محصلش حاجه هو كمان عنده حق عن اذنك
[  ]
فهد في مكتبه بيقول لنفسه
انا ايه الى عصبني كده ما تولع تهزر ولا تعيط وانا مالى
بس ازاي هي مبصتليش ثانيه حتي و هي واقفه معاه تضحك
قطع تفكيره صوت تلفونه
رد
فهد: ايوا يا حبيبتي
مي: في مصيبه يا فهد
فهد: في ايه يا مي
مي:.........

تفتكرو فهد اضايق من حياه و انس ليه؟
و ايه المصيبه الي مي بتقول عليها؟
قولولي توقعتكم