حياه فهد ♥(بلهجه المصريه) 👑

Part 25

حياه عيطت جامد بس فجاه حسيت بايد حد على كتفها
وبيقولها
....: انتي كويسه؟!
حياه:  اه شكرا عن اذنك
....: استني بس متمشيش معيطه كدا اهدي الاول
حياه مستحملتش وعياطت تاني جامد
....:  اهدي اهدي خدي منديل لو عايزه تحكيلي و تفضفضي اتفضلي انا سمعك
حياه:  جوزي شك فيا وطلقني من غير ما يسمعني يا
...:  حسام اسمي حسام
حياه:  وانا حياه
حسام:  كملى
حياه:  جوازنا كان على ورق بس لكن حبيته اوي اوي
حسام:  تعرفي انه اعمي لانه ضيع النوتيلا القمر دي
حياه ضحكت لانها فهمت انه بيحاول يقفل الموضوع عشان تبطل عياط
هو فضل يتكلم معاها و يضحكها وفهد شافها من بعيد ونار الغيره بدأت
فهد:  الله الله يا هانم خالصتي الرجل الى كان معاكي بداتي في راجل جديد لا شايفه شغلك كويس
حياه ضربته بلقلم
حياه:  انت دلوقتي طليقي وملكش ستين لازمه عندي فلو تعديت حدودك صدقني هندمك على كل حرف قولتو ليا وبعدين انت مالك انت مش طلقتني عايز مني ايه
فهد بعصبيه: انتي طليقتي يعني اكيد الناس هتتكلم عني يا هانم
حسام:  لا اطمن محدش هيتكلم عنك
ومسك ايد حياه وقال
محدش هتيكلم عنك لانها خطيبتي واكيد هنعزمك لما نيجي نلبس الدبل
فهد بصدمه لثواني
فهد:  بس العده لسه مخلصتش
حسام:  اه مهي خطوبه لحد ما العده تخلص
وبص على حياه وقالها يلا
ومشيت حياه معاه و فهد واقف مكانه مصدوم
فهد لنفسه:  هي بسهوله كدا عرفت تتخطب لغيري ما اكيد ما هي مبتحبنيش دي اتجوزتني بس عشان لعبه وحتي لو بتحبني انا هنتها جامد اوي بس برضو ازاي بلسرعه دي ازاي حياه مش هتبقي بتاعتي دي دي حياتي انا وبس
بس دي خاينه بس ممكن متبقاش خاينه انا لازم اتكلم مع مي مي شكلها عارفه حاجه
...........
عند حسام و حياه
حياه:  شكرا اوي يا حسام انك وقفت جمبي
حسام:  انا كنت ممكن اتصرف عادي بس لما شوفته غيران حبيت اعرفه انك هضيعي منه
حياه:  بس مهما  يحصل مش هرجعله تاني يا حسام انا اه بحبه بس دا شرفي ومعندهوش ثقه فيا اساسا هو محبنيش انا عايزه اهرب بجد عايزه ابعد
حسام:  طب بصي هاتي رقمك في شغل حلو اوي هتاكد انه ينفعك الاول وبعدين هكلمك
حياه: بجد يا حسام
حسام:  اه والله والشغل دا مش في مصر يعني هتبعدي براحتك
حياه:  حسام انت جدع اوي بجد شكرا جدا
حسام:  لا انا مش جدع مع اي حد ع فكره دا معاكي انتي بس
تعالى بقي احكيلي كل حاجه عنك
قعدو وحياه بدات تحكيله كل حاجه
............
فهد راح الشركه
عمر:  ايه يا فهد مش قولت مش هتيجي انهارده وانك عايز ترتاح
فهد:  عمر ابعد عن وشي دلوقتي
فهد كان عصبي اووي ويمكن رفد نص الشركه بس عمر و انس رجعوهم تاني
عمر و انس دخلو لفهد المكتب
انس:  ايه يا برنس مالك بس
عمر:  في ايه يا فهد الى مخليك كدا
فهد:  مصدقت سبتني عشان تخطب
عمر و انس بصو لبعض: هي مين دي
فهد بعصبيه: هتكون مين يعني اكيد حياه
عمر:  اتخطبت ازاي يعني
انس:  هي حياه تعرف حد اصلا عشان توافق تتخطب
فهد:  مش عارف مش عارف هتجنن
انس بخبث: طب وانت مالك تتخطب ولا تتجوز مش انت طلقتها عايز منها ايه
عمر:  اساسا انت عرفت منين انها خطبت
فهد:  شفتها مع خطبها على الكورنيش والواد السمج دا قال ايه هيعزمني على الشبكه
انس:  طب كويس الحق انزل اشتري بدله وغمز لعمر
عمر:  طب ابقي خدني معاك بلمره
انس: والله فرحتلها من قلبي
عمر:  وانا كمان ربنا عوضها بسرعه عشان هي متستهلش حاجه وحشه
فهد بغضب:  بررررررررره
جري عمر و انس بره المكتب
................
حياه:  بس يا سيدي كدا حكتلك كل حاجه
حسام:  طيب بصراحه كدا لو فهد عرف الحقيقه وحاول يرجعلك هترجعي
حياه:  فهد مش هيحاول يرجعلى اخره يعتذر بس لانه مش بيحبني
حسام:  ردي عليا بس
حياه: مش سهل اني ارجعله يا حسام انا اه بحبه بس دا شرفي برضو محتاجه وقت عشان اقدر انسي
حسام:  طب بقولك ايه متعرفيني على اخواتك و مامتك
حياه: دول هيحبوك اوي وانت هتحبهم
بص تعالى انهارده اتعشي معانا
حسام:  طب تعالى اوصلك وهجيلك بليل ماشي
حياه:  ماشي يلا
............
في الجامعه
هدير و شهد و مي خارجين
هدير:  حمزه اهو يلا يا شهد
شهد:  مي انتي مين هيوصلك
مي:  هاخد تاكسي عشان السواق اجازه و ابيه فهد ميعرفش اني نزلت الكليه انهارده
جيه عليهم حمزه
حمزه:  السلام عليكم يا بنات
البنات:  وعليكم السلام ورحمة الله وبركاته
حمزه:  ها يلا بينا
هدير وشهد:  يلا
حمزه: اتفضلي معانا يا انسه مي اوصلك
مي:  لا شكرا اوي انا هاخد تاكسي
حمزه:  تاكسي ليه ما انا موجود اوصلك احسن عشان ابقي مطمن عليكي
هدير:  ايوا يا مي يلا بقي اركبي
حمزه همس لشهد: خدي هدير واقعدي ورا
شهد غمزتله وهمست لهدير وركبو ورا
مي جت تركب ورا
حمزه: هو انا سواق الهوانم ولا ايه
شهد: معلش يا مي اركبي انتي قدام لاننا ركبنا خلاص
مي:  ماشي
حمزه غمز لهدير وشهد في المرايه ومشيو
.............
اياد:  هاا هخرج امتي بقي زهقت
عليا:  لسه شويه يا استاذ اياد متستعجلش لازم نطمن على حضرتك الاول
اياد:  يعني انا جوزك المستقبلي وبتقولى حضرتك و استاذ انتي عايزه تشليني صح
عليا بخجل:  بعد الشر عليك
فجاه دخلت عليهم
ناني:  دودو انت كويس يا بيبي لسه عارفه دلوقتي والله وجتلك علطول
جريت ناني على اياد وحضنته
عليا بدموع بتحاول تخفيها:  عن اذنكم اسبكم براحتكم
خرجت عليا بسرعه
اياد يغضب:  انتي بتعملى ايه هنا
ناني:  مالك يا بيبي في ايه دا انا جيبالك خبر بمليون جنيه
اياد:  خير مع ان اشك ان في خير من ناحيتك
ناني بضحكه مايعه: فهد و حياه اطلقو يعني تقدر دلوقتي تشوف طريقك
اياد: طب كويس لما اخرج من هنا هشوف هعمل ايه
ناني:  ماشي يا بيبي انا همشي بقي عشان هقابل صحابي باي
..............
حياه:  ماما خلاص كل حاجه جاهزه؟
نهال: اه يا حبيبتي
حياه:  طب هروح افتحله اهو
حسام:  السلام عليكم
حياه:  وعليكم السلام ورحمة الله وبركاته اتفضل
حسام:  اتفضلي
حياه:  الله انا بحب الشوكولاته اوي تسلم ايدك
نهال:  اهلا يابنى نورت
حسام:  دا نورك يا ست الكل
فضلو كلهم يتكلمو كتير
فجاه تلفون هدير رن
مي:  ايه بنتي مكلمتنيش ليه
هدير:  معلش يا بقي عندنا ضيوف
مي:  ضيوف مين
قطعهم صوت زغرايط عالى
هدير:  خاليكي معايا لحظه
هدير:  في ايه يا ماما
نهال:  تعالى قولى لحياه مبروك هي و حسام
هدير:  اقفلى يا مي حياه شكلها اتخطبت
.........
مي نزلت على السلم شافت فهد و سماح قعدين سوا
سماح: تعالى يا بنتي
مي: انا جيت اقولك ان حياه اخطبت  انهارده
فهد بصدمه:  اييييه يعني مكنتش بتكدب
مي:  ايوا اعتقد انت مبسوط اهي ضاعت منك للابد انا طلعه انام سلام
..........
شهد:  لا يا ماما مستحيل اوافق ابدا
هدير:  ايوا ولا انا انتي ازاي موافقه على كلام حياه دا حتي حمزه مش هيوافق
حمزه:  مش هوافق على ايه؟!
.......
متنسوش الايك و كومنتات عشان اعرف رئيكم اكمل ولا لا وطولت البارت زي ما طلبتكم ومطولتش عشانكم و عشان دعمكم ليا بحبكم جدا ♥📚انتظرو الجديد بأحداث قويه🔥
#يتبع
#حياه_الفهد
#بقلم_نسمه_سيد