الخيلاء

البارت الاول

#الخيلاء

#بقلمي_زهراء_الموسوي

.................

عجلان:- چنت طالع اتمشه مثل كل يوم الصبح الجو حلو وبي نسمة بروده جاي امشي ونتبهت عله بيت جاي يحترگ رگضت

وفزعت الناس علمود نطفي النار الي شابة بالبيت خذيت ماي من الي يجيبونه الناس حته يطفون النار وسبحت روحي

بي من راسي الرجلية ودخلت للبيت وهوه محترگ شگد صاحو وراي ما اهتميت الناس من شافوني هيج دخلو وراي

وطلعنه ام البيت وياها جهال وبنية بعدها شابة طلعناهم وگامت المره تصيح

:- بتييييي رااااااح تموووت رااااح تموت لحگوها فدوة اروح الكم بقت جوه رااااح تحترگ والبيت شابة بي النار ساااعدوها

:- رجعت دخلت اني اوياي ولد بحلي (بعمري) ندور عليها ماكو والنار شابة بالبيت فتحت باب السطح لگيتها بزاويةة

وفاقده ركضت عليها وشلتها گوه طلعنه من النار بيتهم انتها
صار رماد كله مفحم خذينه لبنية گبل للمستشفى مختنگه من

الدخان بقت شوية يله صحت وگامت تصرخ.

:- رااااااح امووت يمه لحگينييي..

:- اجتها امها وبقو للعصر وطلعوها واني بقيت وياهم طلعتهم وخذيتهم البيتي كسرو خاطري وبيتهم ما ضل شي صاحي بي عفتهم وحدهم بالبيت وطلعت بس عيون هلبنية موتني..

رياحين:- گعدت الصبح گوه نعسانه وليلي ما نايمته افكر شوكت ازوج حبيبي وانوب هوه يغلس كل ما افتح الموضوع

ويا يگول:-(حبيبتي رياحين اصبري عليه ماتردين عرس كلها تسمع بي عليش مستعجله لو تردين ابوگ علمود حضرتچ).

وكل عاده نتعارك ونرجع نصالح مو بيدي احبه مووت شميت ريحت دخان گلت:- شوف يا اثول محترگ بيته ومطمور..

گمت فتحت باب غرفتي وردت انزل وچان اشوف المطبخ مشتعل ناار والنار بدت تاكل بالبيت شوية وتوصل لفوگ

خفت كلش وگمت اصرخ عله صوتي گعدت امي ومرت اخوي وگامن يصرخن يصرخن عفتهن ورگضت للسطح خفت

لا تلوحني النار هنه بقن محبوسات جوه مايگدرن يجن يمي ولا يطلعن وجهال اخوي يصرخون ابوي وأخوي ما موجودين

بوكتها طالعين الغير محافظة بشغل..احترگ كل البيت وگام يجيني الدخان اختنگت كلش غمضت عيوني والدخان موتني