الخيلاء

البارت السادس

#الخيلاء

#بقلمي_زهراء_الموسوي

....................................

خيلاء:- مرت الأيام وبيوم رجعت للبيت ما لگيت يعرب لگيتها خوش فرصة صعدت الغرفتي وصحت رياحين اجتني وعلامات الأستغراب واضحه عله وجها گلت الها گعدي.

رياحين:- خير

خيلاء:- لا والله مو خير شر راح احچي وانتي شغلي عقلچ وفكري زين هوه انتي بالحالتين خسرانه وانتي بكيفچ بعد

رياحين:- بخوف..شكووو خيلاء

خيلاء:- اني اعرف منو ورة موتت ابوي ومثل ماعرفت صافي مو ابن ابوي عرفت كتاله فا أنتي هسه گدامچ خيارين تختارين واحد منهن وهاذه السلاح گدامچ شوفية

رياحين:- شناوية يبت عجلان

خيلاء:- وحده من الثنين يا اكتل بناتچ وأبنچ مقابل دم ابوي لو اكتل يعرب وانتي اختاري..حچيت هيچ وهيه گمزت

رياحين:- انتي مو صاااااااحية لا تخبلتي رسمي اكيد، شلوون شلوووون تردين اضحي بطرف منهم هذولة ضناي الشلتهم

ابطني 9اشهر وربيت وتعبت عليهم وسهر اليالي تردين اضحي بيييهم وهاذه حب حياتي ورجلي وابو جهالي شلون تردين افرط بيهم انتيييي مخبللللللة

خيلاء:- صووووووتچ ماااتعلينه بوچهي سمعتي وهاذه لسلاح بيدي مستعده هسه انزل اكتلهم الج واحد واحد

وأحرمچ منهم مثل ماحرمتيني من ابوي تنفذين الي اگلچ علية ورجلچ فوگ راسج لا وتراب ابوي احط براس كل واحد

منهم طلقة واني الخيلاء وانفذ حچايتي وتعرفيني كلش زين انتي وهسه شگلتي دم يعرب لو دم بناتچ وأبنچ

رياحين:- بدموع..خيلاء لاتسوين بيه هيچ فـ.....قاطعتها

خيلاء:- تختارين لو انزل هسه وكتلهم الچ كلهم وعادي ادخل سجن ادفع فلوس ويخف الحكم علية وأكدر اطلع حته اكتل

يعرب وراهم اني هسه راح اسبح وأجي اريد الجواب ولو طلعتي من الغرفة رجليچ يتكسرن خاف عبالچ عود امي

وتكسرين خاطري لااااا احطچ جوه رجلي وأدوسچ..مشيت للحمام وخذيت المسدس وياي ما أمن بيها سبحت وطلعت

لگيتها عله نفس گعدتها وتبچي ولا كسرت خاطري ولا اتأثرت بيها خذيت نفس وگلت:- هااااا شقررتي

رياحين:- التردينه يصير بس تعوفين جهالي بحالهم

خيلاء:- امممم حلوو خوش اختيار هه عود تحبه هيه والله يالله شلون حب ولو ما استغرب لئن قبل هم غدرتي ابوي