حلقات خاصة من رواية "رجل المهام الصعبة" ♡ "هنا التقينا" للكاتبة/ندى محسن Noody

حلقة خاصة "1"

#حلقات_خاصة_من_رجل_المهام_الصعبة3
حلقة 1
للكاتبة/ندى محسن عوض الله ♕Noody♕

اوتار صرخت: يااا عععععز ارحمني بقى يا اخي
عز دخل الأوضة وهو كاتم ضحكته: ايه يا حبيبتي مالك يا قلبي صوتك دمرلي الجهاز العصبي عملت ايه تاني انا
اوتار: والهي انا عايزة انام بس ساعة.. ساعة واحدة خدهم بعيد عني
عز بص لقاسم ووتين وسليم اللي بينطوا على السرير ووتين ماسكة في شعر اوتار اتكلم بدهشة: انتو بتعملوا ايه
اتكلم قاسم بلهجة طفولية: بنصحيها نامت كتير
عز بص لوتين: وانتي يا قمري
ابتسمت وتين بحماس: بعملها تسريحة
اوتار شالت وتين وحطتها على السرير وغطت وشها وسليم عض دراعها صرخت بألم: يا حيواااااان
عز ضحك وجري ورا سليم: يا واد تعالى هنا هتجننواها
سليم نزل تحت السرير وقاسم ضحك وزأ عز ووتين معاه وعز توازنه اختل ووقع على اوتار وهي اتألمت رفع نفسه وهو بيكتم ضحكته وبمجرد مشافت وشه ضحكت بغلب: هنتحر انا عيالك هيخلوني انتحر دول مش اطفال دول صدقني
اسلام دخل وكشر: انتو بتعملوا ايه هنا؟
وقفوا بانتباه ليه واتكلمت وتين: اسلام بابا عايز يضرب سليم
اسلام: ليه؟
سليم: علشان عضيت ماما هي مش راضية تصحى
اسلام اتكلم بتكشير: انا جعان جاعنين
اوتار قعدت: هو حرام انام حرام؟؟ وانت عاملي كبير العصابة بتاعتهم
اسلام ابتسم ورجع كشر: على فكرآ هما كانوا هيغرقوا البيت وانتو نايميين وانا مرضيتش اخليهم يعملوا كدا
عز رفع حاجبه بذهول: لا والله فيك الخير يا حبيبي فيك الخير 
اسلام: يلا عايز اروح ليحيى
عز: تعالوا تعالوا
جريوا على تحت واوتار حطت ايدها على راسها بألم: صداااااع كويس ان احنا سيبنا البيت التاني لسراج وغرام الأيام اللي بنسيب البنفسج بتاعنا وبنقعد هناك بيبقى صداع مضاعف من شغف ويحيى واسلام وسليم ووتين وقاسم ببقى خلاص هموت
عز ابتسم وقرب قعد قدامها وباس خدها ابتسمت وعيونها اتحولت للبنفسجي فابتسم اكتر: كل سنة وانتي طيبة يا نور عيني...
اوتار حضنته وابتسمت بحب: وانت طيب... انا نفسي كنت ناسية
ابتسم عز بحب: انسى؟ ازاي انسى عيد ميلادك يا اوتاري؟
اوتار بصتله بحب: ربنا يخليك ليا يا عزي
عز ابتسم: يلا بقى تعالي نفطر علشان زمانهم بيعملوا مصيبة بقيادة رئيس العصابة بتاعهم اسلام عز الدين المنشاوي
اوتار ضحكت: انزل شوفهم وانا هاخد شاور واغير هدومي وانزل
عز باس ايدها: تمام
نزل وهي ضمت ايدها لصدرها بحب مازالت معجبة بأقل تصرفاته مازالت بتحب شكله وتعابير وشه مازالت بتتمنى تسعده مفيش حاجة اتغيرت من سنين وهو حبه في قلبها بيزيد سنين ولهفتها لما تشوفه متبدلتش بتحبه وبتحب حياتهم بتحب ولادها اللي بيشبهوه وبيشبهوها حتى لو جننوها.....
عز مقعدهم وباصصلهم بحدة: قسمآ بالله اي غلط انا هولع فيكوا سامعين؟
هزوا راسهم بإيجاب
عز: فهمتوا؟
هزو راسهم بإيجاب ووتين رفعت ايدها عز بصلها: امممم نعم
وتين: ينفع اتكلم
عز: اتفضلي يا انسة وتين
وتين: انت هتعمل لماما مفاجأة واحنا هنساعدك
عز هز راسه بإيجاب: مظبوط
وتين كشرت: بس انا جعانه
عز ضحك: هتاكلوا... ماما تنزل وهناكل
وتين وقفت على الكرسي وشاورتله يجي وهو قرب: نعم يا وتيني
وتين ابتسمت واتعلقت في رقبته وطبعت بوسة طويلة على خده: بحبك كتتتيييير واكتر حد في الدنيا
عز ضحك وهو شايلها:يا حياتي انتي متحرمش منك يا نور عيني
وتين ابتسمت وطلعت لسانها لأسلام ولقاسم ولسليم
اسلام:بقى كدا؟
وتين هزت راسها بإيجاب نطوا كلهم على عز بيحضونوه وهو بيضحك:براحة مش مرة واحدة كدا استنوا
وتين صوتت:براااااحة برااااحة ااااه حاسب يا اسلام يا غبي
قاسم عضها وهي عيطت
عز بعدهم بعصبية وهو مش عارف هي بتعيط ليه:خلاص يا روحي خلاص بعدو
وتين منهارة في العياط وماسكة دراعها الصغير
عز بيبوس فيها وحاضنها:خلاص يا حبيبتي اهدي مالك
وتين ماسكة دراعها بألم وهو لاحظ كتف دراعها شاف علامة عاضة وبتنزف اتعصب بذهول:ايه دا؟مين الغبي اللي عمل كدا
اسلام بصلهم وهما بصوله
عز صرخ:مين عمل كدا ميييييييين
قاسم رفع ايده بقلق واسلام راح رافع ايده ومعاه سليم وعز رفع حاجبه بإستغراب:مين؟
وتين بتعيط بألم في حضن عز:يا اغبية كلكوا
عز اتعصب لما شافها كدا:مين الغبي اللي عمل كدا
قاسم ظهر عليه التوتر والدموع لمعت في عينه وعز فهم ان هو اللي عضها:اممم بقى كدا طيب مشوفش خيال حد فيكوا انتو التلاته في الحفلة فااااااهميييييييين علشان دي اختكوا دي البنت اللي لازم تخافوا عليها ولو حد ضايقها تقفوله مش حد متخلف يعضها بالطريقة دي يا اغبية يلا كل واحد على اوضته
طلعوا بإنتظام ورا بعض قابلتهم اوتار على السلم:مش هتاكلوا؟
مردوش وكملوا طلوع استغربت وقربت من عز:في ايه يا عز مالهم انت ضايقتهم
عز باس دراع وتين وحاضنها واوتار تقريبآ فهمت
اوتار:حد ضايقها ولا ايه؟
عز هز راسه بإيجاب:اه(اتعصب وكشفلها دراع وتين)شوفي الغباء دا شوفي عضوها ازاي
اوتار اتضايقت وباست جبين وتين وحضنتها:معلش يا حبيبت ماما بس هما كلهم عضوها
هز راسه بنفي:اكيد لا طبعآ يا اوتار بس محدش فيهم بيقول لا ومبينكروش بيورطوا نفسهم هما التلاتة التلاتة معاقبيين والأكل يوصلهم في اوضتهم كل واحد لوحده انا مبضربش وبمسك اعصابي بس في طرق تانية اعرف ازاي اربيهم علشان اللي حصل دا
همست وتين:علشان كلوا دراع حبيبة بابا
بصلها اوي وابتسم وبسرعة ابتسامته اتحولت لضحكة وباس خدها بحب:طبعآ علشان خلوا عين وتين تدمع كدا وبابا بيكره دموعها علشان بتخليه يتوجع
ابتسمت وتين ومسحت دموعها وابتسمت:اهو مش بتعيط اهو
اوتار ابتسمت بحب وهي شايفة عز قد ايه لطيف معاها ومع عياله قد ايه الراجل دا مميز في كل حاجة لدرجة انها كادت تقسم انه نسخة واحدة بس مفيش منه اربعين مفيش حد بالشكل دا الا عز الدين المنشاوي اللي اراد ربنا يهديه ليها يكون العوض بعد كل اللي عاشته ويهديها بأولاد منه.....