حلقات خاصة من رواية "رجل المهام الصعبة" ♡ "هنا التقينا" للكاتبة/ندى محسن Noody

حلقة خاصة "2"

#حلقات_خاصة_من_رجل_المهام_الصعبة3♡هنا التقينا♡
الحلقة 2
للكاتبة/ندى محسن عوض الله♕Noody♕

روز باصة لغيث بغيظ
عاصي بيضحك وهو باصص لغيث
غيث بيلعب في التليفون وكاتم ضحكته بالعافية
روز مسكت المخدة وحدفتها عليه:مبهزرش يا غيث بقولك انا عايزة اغير جو
غيث بصلها وغمض عينه بضيق:وبعدين معاكي بقى مقولت حاضر بس مش هنطلع مع حد
روز اتعصبت:بس ليه يا غيث انا بقولك اني
غيث قاطعها بغضب:يووووه بقى انتي عايزاني اطلع معاهم وعمار يستظرف ووقتها انا مبتحملش الهبل دا وهتعصب وهنكد عليه وعلى اهله وعليكي
عاصي ببرود:متقدرش على فكرآ
غيث رفع حاجبه وبصله:نعم؟
عاصي حضن روز:متقدرش تنكد على حبيبتي اصلآ
روز ضحكت غصب عنها وراحت بيساه بوسة طوييلة في خده:انت حبيبي انت
غيث عض شفته بغيظ:انتو اتفقتوا؟
روز:غيث انا عايزة اطلع وعايزاه يستمتع يلعب مع اياد او كارما
غيث اتنهد بضيق:خلاص يا روز ماشي بس مش عايز لا ضحك ولا هزار ولا اي حاجة من بتوع عمار ومرڤت فاهمه
روز هزت راسها بإيجاب: حاضر يا حبيبتي
قربت وباست خده وهتبعد مسكها وجه يبوسها قاطعه صوت عاصي: عيب يا بابي خليك مؤدب
غيث برق وبص لروز اللي ضحكت وشالت عاصي باست خده:يا روح قلبي انت
عاصي باس خدها بوسه طويلة وطلع لسانه لغيث
غيث بذهول:دا بيغيظني؟؟
عاصي غمض عينه ببراءة:دي امي انا اصلآ مش امك انت
روز ضحكت: بس يا عاصي عيب
غيث بغيظ:عيب بعد ايه عيب يا شيخة دا هيموتني ناقص عمر
روز بتضحك هي وعاصي اللي مستخبي في حضنها الباب خبط وغيث راح فتح شاف نادر وايمان وعيالهم
نادر:مش يلا بقى؟احنا جهزنا
غيث نفخ بضيق
ايمان:شكلك مش موافق
غيث:مش موافق بس هنروح
نادر ضحك:مسيطرة اوي روز
غيث بضيق:ناااادر اسمها مرات اخويا
ايمان كتمت ضحكها
نادر بذهول:يبني غيرتك هتوديك فين تاني
غيث سكت هو نفسه يخبيها عن عيون اللي حواليها نفسه يخفيها خالص
عاصي قرب منهم واياد سلم عليه وعاصي بعد وقرب من كارما باس خدها:ازيك
كارما ابتسمت وباست خده:حلوة انت عامل ايه
عاصي ابتسم:حلوة
كارما ضحكت وبصت لأيمان:مامي هنلعب سوا في الجنينة
ايمان هزت راسها بإيجاب وعاصي راح معاها واياد معاهم بياخد باله منهم وبيلعب معاهم
غيث ابتسم وهو بيفتكر ازاي قضوا ايام طفولتهم نادر وغيث وازاي كانوا بيحبوا بعض جدا
نادر بيضحك:فاكر يا غيث لما كنا بنلعب في قصر الكيلاني
غيث ابتسم وهز راسه بإيجاب بس سريعآ الذكريات اتحولت وافتكر رافت هز راسه بنفي:في حاجات مش صح نفتكرها....انا هطلع اشوف روز
طلع شافها لبست وخلاص بتظبط حجابها ابتسم وقرب حضانها وهو وراها فابتسمت ولفت ضمته:بحبك
غيث ابتسم:وانا بموت فيكي اصلآ يا روز حبيبتي انا متخيلش نفسي من غيرك اصلآ
روز ابتسمت:طيب يلا بقى يا روحي البس وانا جهزتلنا هدوم علشان لما نروح هناك
غيث هز راسه بإيجاب وهو بيفكر في اللي هيحصل كاره يروح لا هو كاره حد يشوفها بقى متملك هو معترف بس معذور هي كل حياته
روز:يلا يا غيغو
غيث ابتسم بإصطناع وهز راسه بإيجاب:طيب....
اخدها بعربيته مع عاصي ابنهم وعاصي صاحبه بيسوق وغيث باصص من الشباك بضيق
روز مسكت ايده:حبيبي اهدى
بصلها بضيق:منا هادي شيفاني بشد في شعري
كتم عاصي ضحكته بصعوبة هو عارف كويس طبع غيث وهو هيتجنن لو حد بس بصلها لدرجة انه مسببله قلق لو عينه بس لمحتها
عاصي الكيلاني قرب من عاصي:سوقني
عاصي بطله بطرف عينه:اللي هو ازاي اسوقك
عاصي الكيلاني ضحك:سوقني العربية
عاصي ابتسم:تعالى منا عارفك مش هتسكت
غيث بصلهم بإنتباه:تعالى ايه انت كمان انت اتجننت بس بلا هبل
عاصي ضحك:يا باشا متقلقش هو انا عبيط هيقعد بس على رجلي وهيمسك القرص معايا متخافش دا سواق شاطر
عاصي الكيلاني ابتسم وضحك بفرح:ايوا يا بابا اسمع كلامه سامعة يا مامي
روز ضحكت:ينهاار فرح من كلامك اوي يا عاصي
غيث بقى هيولع ومسك ايدها بعنف لدرجة انها اتألمت
روز:في ايه حاسب
غيث ابتسم بإصطناع:اهدي علشان متتوجعيش
روز بصت لايده وبعدت ايدها بضيق:شكله مصيف حلو والله باين من اوله
غيث بأمل قرب جنب ودنها وهمس:نرجع وهخليلك النهاردا احلا واطعم واجمل يوم
روز ضحكت:بردو لا هنروح يا غيث ولازم تتعود على كدا ومتجننيش
غيث نفخ بضيق وبص قدامه وهي مسكت ايده باستها بحب بص من الشباك وابتسم
وصلوا وكان روز وعاصي ابنها نايمين غيث نفخ بضيق لما لقى عمار بيقرب عليهم:الصبر يا رب.. الصبر من عندك يعني بابا ملقاش غير دا نزلوا الشنط وعمار قرب سلم على غيث اللي حتى مردش عليه وشال عاصي باسه:يا حلاوتك وحلاوة امك انت
غيث اتعصب وصرخ فيه:عماااار متلم نفسك ولا لازم انكد عليك
عمار:والهي قصدي عليه بلاعب الواد الله
روز بتكتم ضحكها هي وعاصي بصعوية
غيث مسكها ومسك عاصي الكيلاني:هات الشنط يا عمار وتعالى
عمار رفع حاجبه بتهكم:خدام سيادتك انا
غيث بصله بحدة
عمار ابتسم بتوتر:حبيب قلبي الأخوات لبعض
وصلوا للشاليه بتاعهم وروز غيرت لبست بنطلون وبلوزة بكم وتربونة خرجت وهي بتحط روچ:ايه رأيك يا حبيبي
غيث التليفون وقع من ايده:ايه دا؟لا لا افهم ايه القرف دا
روز بصتله:ايه يا غيث وحش؟
غيث:هو ايه اللي ايه! مش شايفة نفسك فين الاحتشام والحجاب؟
روز حطت ايدها على التربونة:الحجاب
غيث بتهكم:لا والنبي دا حجاب شعرك باين من قدام ورقبتك باينة والحلق باين وتقوليلي حجاب انتي نسيتي كلام الشيخ؟نسيتي قال ايه؟نسيتي الحجاب الصحيح كان ايه انتي راضية على شكلك ولبسك كدا يا روز؟
روز وشها احمر واتحرجت وبقت تأنب نفسها دخلت الاوضة تاني ورمت التربونة بضيق:انتي غبية يا روز ايه يعني مصيف يعني ربنا مش هيشوفك بالمنظر دا يعني علشان في مصيف دا عذر ليكي يعني...يا رب سامحني انا اسفة وشكرآ انك خليت غيث يكلمني ويمنعني ويكون بيذكرني دايمآ انا اسفة يا رب سامحني....
اتوضت وصلت ركعتين ولبست فستان ابيض فضفاض وحجاب زهري وحطت زبدة كاكاو كانت بسيطة وجميلة خرجت وغيث ابتسم قرب وباس جبينها:زي البدر المنور ووشك بشوش وهادية
روز ابتمست وحضنته:طيب يلا بينا اتأخرنا عليهم وعاصي اتلاقيه زهقهم
غيث اتنهد:يلا وامري لله...
راحوا وسمعوا ضحك العيلة كلها وعياط عاصي وهو ماسك في كارما جامد
روز اتخضت:ايه دا مالك في ايه
غيث بغضب:في ايه وبتضحكوا على ايه
نادر بيضحك:انت لو عرفت هتضحك زينا
ايمان بتضحك:تخيل ماسك في كارما وخايف عليها تقرب من المية يا غيث مش هيخليها تستمتع وكل متسيبه يحضنها ويعيط بالشكل دا
غيث ضحك بدهشة وروز ضحكت وقربت منهم حضنت عاصي ابنها:يا حبيبي بس هي بتلعب متخافش هي مش هيحصلها حاجة
كارما مسكت ايده وهو في حضن روز:خلاص يا عاصي مش هروح في حتة خالص ايه رايك نبني قلعة كبيرة في الرمل
عاصي ابتسم:حلو
كارما ابتسمت ومسحت دموعه:انت بتعيط كتير اوي يا عيوطة
عاصي كشر:متقوليش عيوطة انا مش بنت انا واد
كارما:خلاص يا عيوط
عاصي ابتسم
روز ضحكت:يعني الاعتراض على الصيغة بس؟
عاصي خد كارما وراحوا يلعبوا ومعاهم اياد
روز بصت لغيث اللي ابتسم وشاورلها تيجي تقعد جنبه
قربت وهمستله:عايزة انزل المية
غيث اتكلم بضيق:هدومك هتتبل هتبقى شفافة وهتمسك على جسمك وانا في غنى ان
روز قاطعته:واسع ولا بيشف ولا هيصف ممكن!
غيث بصلها قاطعهم صوت ايمان وهي بتصوت ونادر شايلها:يا مجنون استنى
نادر ضحك ونزل بيها في المية بفرح وكلهم نزلوا المية معادا عمار ومرڤت اللي حاطة السماعات وبتستمتع بالموسيقى وشايفة اللي بيعملوه دا تفاهه وشيئ ميناسبهاش متغيرتش هتفضل نفس المغرورة
عاصي وجابر راحوا يتمشوا سوا وبيدردشوا مؤخرآ بقوا اعز اصدقاء بس لسة عزاب لسة ملقوش اللي تناسبهم
غيث جاله تليفون وقام فروز مسكت ايده:غيث
غيث:مكالمة شغل مهمة لازم ارد
روز:مش قولت انك هتبقى معايا و
غيث:معلش مش هطول
مشي وهي بتراقب حركة المية بإبتسامة حزينة
عمار اتكلم وقرب قعد جنبها مكان سلوى اللي نزلت في المية مع وليد جوزها:مالك في ايه الأبتسامة دي وراها شيئ تاني ليه حزينة؟
روز اتنهدت:مفيش يا عمار
عمار هز راسه بنفي:اتكلمي معايا ليه بقيتي متضايقة مبقتش اشوف حماسك
روز بصتله هي حاسة انها عايزة تتكلم وتخرج اللي جواها بس مستحيل يكون عمار هو الشخص الصح
عمار:انا عارف انه مش عايزك تتكلمي مع اي حد وبالذات انا بس انتي بالنسبة ليا اكتر من اختي بحس اني مسؤول عنك تأكدي لو في حد ممكن يحافظ على سرك فهيكون انا ليه مش مبسوطة ليه بشوف دايمآ الفرحة في عيون ايمان ونادر ومبشوفش الفرحة غير في عيون غيث بس وبقيتي عاملة زي زهرة الياسمين الحزينة
روز غصب عنها دموعها نزلت وهزت راسها بنفي وهي بتمسحها:مفيش حاجة يا عمار
عمار قرب ايده منها علشان يمسح دموعها بس هي بعدت وشها
روز:عمار لو سمحت
عمار اتراجع:انا اسف روز انا بجد اسف سامحيني حقك عليا
روز مسحت دموعها:انا مبقتش حاسة براحة غيث بيضغطني منكرش اني بحب اهتمامه وبحب كل حاجة فيه بس اوقات كتيرة بيضغطني وساعات بخاف منه...ومن تملكه بخاف بجد بحسه في حاجة بحسه ساعات.....
عمار:رأفت...
روز بصتله والظاهر ان عمار ضغط على نقطة مهمة جدآ ودا خلى عنده امل بالفوز بيها
عمار هز راسه بنفي:بس غيث هو....انا مش عارف اقولك ايه مش عارف اقولك ايه يا روز انا كل مشوفه بحس بكدا خايف في الأخر مصيرك هيبقى زي مصير جدتي سوزي بس عاصي ابنك ذنبه ايه عاصي يعيش زي مخالوا وماما عاشوا هما ذنبهم ايه
روز بصت لعاصي ابنها وهو بيلعب وافتركت تملك غيث ليها وفي اللحظة دي غيث شدها بعنف شهقت بصدمه وخوف وهو كان باين عليه الغضب:في ايه كان بيقولك ايه كنت بتقولها ايه يا زفت انت
عمار سكت
غيث قرب بغضب:انا بكلمك
عمار بصله بحزن وغيث استغرب وبص لروز:هو ايه الحوار؟
روز هزت راسها بنفي:مفيش يا غيث كنا بنتكلم عادي
غيث:بتتلكموا في ايه
روز:بندردش عادي يا غيث مفيش حاجة
غيث نادى لنادر بصوت عالي:خلي بالك من عاصي
نادر هز راسه بإيجاب وهو بيضحك مع ايمان
غيث سحب روز:تعالي معايا
روز:طيب براحة ايدي حاسب يا غيث في ايه
وصلوا عند الشاليه بتاعهم وزأها بغضب
روز صرخت فيه:في ايه براااحة انت مالك في ايه
غيث بصلها بحدة:اتكلمتي معاه في ايه ولية اصلآ تتكلمي معاه وايه المناسبة؟
روز:انت مالك في ايه كلام عادي عن عاصي زي منت بتتكلم مع ايمان وسلوى ومرڤت فين الغلط مش فاهمه؟
غيث بصلها وعيونه لمعت بغضب:اممم دا انتي بقيتي تقارني نفسك بيا بقى
روز وقفت وهتمشي سحب شعرها بعنف اتكلمت بدموع:بطل اللي بتعمله دا سيبني دي مش طريقة انا بقيت اكره اقعد معاك لوحدنا بقيت اكره اكون معاك بقيت بخاف عارف يعني ايه الواحدة تخاف تقعد مع جوزها بقيت بتخوفني وانا مش هسكت على اهانتك دي
زأت ايده وبصتله بغضب شافت علامات حزن ووجع على وشه اتكلم بصوت مهزوز:بقيتي..تخافي مني؟انا؟
بصتله بدموع:اه يا غيث ازاي مخفش منك وانا بشوفك وانت بتسيطر على كل حاجة فيا كلامي نظراتي ضحكي ردود افعالي التلقائية لو خالفت التوقعات اللي بتحطها بتفاجاة بايدك وانت بتعصر ايدي بتفاجأ بمسكك اللي بحسه بيحطم عضمي بسكت ومبعيطش ولا بتكلم علشان عاصي علشان ميخفش منك علشان ميبقاش متعقد بس انا انسانة انا بتعب
غيث باصصلها قرب وهيحضنها زاته بعنف
روز صرخت فيه:مش هتقدر تنفذ توقعاتك المرة دي مش هيعدي الموضوع بالبساطة دي انا مش عبدة عندك علشان تتصرف معايا بالشكل دا فاااااااهم انا مش جارية عندك انك تمسك شعري بالشكل دا وتحضني اقولك امرآ وطاعآ عارف ليه علشان مش اول مرة وانا مش هتغاضى عن مد ايدك عليا ولو بمسكة يا غيث فاااااااااااهم
خرجت ورزعت الباب بعنف كانت خايفة كانت عصبيتها دي خوف مش غضب جريت ناحية الشاطئ مش متوقعة ردت فعله مش متوقعة حاجة نزلت المية مش علشان عايزة علشان خايفة لو جه وهي بعيد عنهم ممكن ايه اللي هيحصل غمضت عينها كانت قلقانة بس المية ساعدتها تسترخي شوية حست بأيد على رجليها ارتجفت وبعدت بصدمه:انت اتجننت مين انت وعايز ايه
حست بإيد بترفعها من تحت وصرخت بغضب وهي بتضرب الشخص اللي تحت المية:ابعد عني غيييييييييث الحقني
لقت نفسها اترفعت وظهر غيث من تحت الميه وهو شايلها ومبتسم بإنتصار وهي وشها احمر وبرقت بصدمه
غيث ابتسم بحب:ازاي مش حاسة بالأمان معايا وخايفة مني وبتكرهيني واول محسيتي بس ان حد بيضايقك رغم ان كلهم خرجوا من المية ولو نديتي هيسمعوكي ورغم انه بسهوله كان هيبعد عنك لو زعقتي ناديتيلي انا اول حد جه في بالك وجه على لسانك حتى وانا بعيد
روز عيونها دمعت:مقولتش اني بكرهك انا بحبك بس انت بتضايقني ولما بضايقك بتزعل
غيث ابتسم وقرب باس جبينها:بحبك وحقك عليا بموت فيكي وصدقيني مش هقدر على زعلك دموعك وحزنك غالي عندي اوي يا روز
روز ابتسمت بحب
عمار واقف وشه احمر بغضب مشي ومرڤت راحت وراه
مرڤت:اللي شاغل بالك
عمار بصلها وبص قدامه:هتجنن صدقيني هتجنن
مرڤت:لازم تنسى صدقني لازم تنسى
عمار بغضب:كنتي نسيتي انتي
مرڤت:الألم، الشعور، الحب بالنسبة ليه شبيه بالموت صدقني صعب والأصعب اني اشوفه فرحان معاها رغم اني بضحك على ضحكهم بحبه وبحبه يبقى مبسوط بحب حبه ليها انت متخيل ازاي دا مرهق
عمار بتهكم:انا بقى مش زيك انا بحبها من قبل متبقى مراته لما كان بينهم ورقتين وكان بيكذب علينا وانا اولى بيها بقى دا بيقتلها نفسيآ هي حزينة
مرڤت بصت على غيث وروز وهي على بعد منهم وابتسمت:بص انت وشوف الحقيقة اللي رافض تشوفها دي روحها فيه وحياتها الحلوة معاه طول مهي متضايقة منه حتى لو كان السبب تافهه البسمة بتقسم انها مهتقرب لشفايفها حتى لو ابنها معاها فهما التلاتة سوا متعلقين ببعض وحياتهم مع بعض
عمار بصلها بغضب:اخرسي فاهمه مش عايز اسمعك ومش عايزك تتكلمي معايا
غيث شايل عاصي وبيعلمه ازاي يغطس ومعاهم كارما اللي عاصي ماسك في ايدها وغيث شال اياد ونزله وبقى يهزر معاهم عاصي حاضن كارما:بصي بقى اتبليتي ازاي ولو خدتي برد ومنعوكي تخرجي ويفتكروا انها كرونا ايه العمل دلوقتي بقى مش هشوفك؟
كارما هزت راسها بنفي:مش هتشوفني والأسف
غيث وروز متابعين حديثهم اللي مندمجين فيه
عاصي ضحك بتريقة وطفولة:لا يا حبيبتي هاجي اخدها من عندك الكرونا دي
كارما:كدا هتخلي عمو وطنط روز يتعبوا يا زكي
عاصي بثقة:عادي هما عندهم صحة كتير
غيث مندهش:نعم؟
عاصي بصله وبص لروز بثقة وامل:مامي مش عندكوا كتير؟
روز ضحكت وهزت راسها بإيجاب:اممم طبعآ يا روح مامي طبعا
عاصي ابتسم وبص لغيث:اهو شوفت يلا يا كرملتي تعالي
خدها وخرج تحت نظرات غيث وروز المندهشة
روز ابتسمت:بيتهيقلي لما يكبروا الموضوع مش هيمر مرور الكرام صدقني
غيث بيقلد صوت الكبير:دا بينه هيبجى مرار طافح
اياد ضحك:هيبقوا اخوات اكتر مني انا بحس ان كارما بتحبه اكتر مني والله
غيث ابتسم:علشان من سن بعض في حد يحب حد اكتر منك يا اياد بذمتك؟
اياد ابتسم
غيث حد ايده على كتفه:امتى تكبر كدا واخدك تشتغل معايا في الشركة وتبقى بتاعتك
اياد هز راسه بنفي:مش هيجي اليوم
روز استغربت:ليه يا حبيبي كدا
اياد ابتسم:علشان عايز ابقى دكتور ممكن!
غيث ابتسم بإعجاب:طبعآ ممكن دا حلمك اجري وراه وهتوصل وهتحققه بس خلي بالك هيتحقق لو ليك نصيب فيه لو كان الخير ليك لكن لو مش من نصيبك لازم ترضى واكيد ربنا هيكتبلك الأحسن في مكان احسن
اياد ابتسم بحب:انا بحبك اوي يا عمو
غيث ضمه بحنان:وانا مبحبش حد قدك اصلآ
عدى اليوم وكلهم روحوا كان كامل وكريمة ومعاهم نادر وايمان وكارما واياد في شاليه وغيث وروز وعاصي في شاليه وسلوى ووليد وابنهم مؤمن اللي مكملش سنتين وهو من سن كارما اتولد بعديها في شاليه وعمت وعم غيث وعيلتهم سوا في شاليه
وليد بيلاعب مؤمن ومؤمن بيضحك
سلوى بتتابعه بحب:ربنا يخليك ليها
وليد ابتسم وشاورلها تقرب باس ايدها:ويخليكي لينا يا ست البنات انتي