حلقات خاصة من رواية "رجل المهام الصعبة" ♡ "هنا التقينا" للكاتبة/ندى محسن Noody

حلقة خاصة "4"

اعتذر عن التأخير كان خارج عن ارادتي واتمنى الحلقة تعجبكوا وعايزة دعمكوا لأن هو اللي بيشجعني اكمل 💕💕

#حلقات_خاصة_من_رجل_المهام_الصعبة(هنا التقينا)
الحلقة 4
للكاتبة/ندى محسن عوض الله ♕Noody♕

اوتار بتجهز الأكل في المطبخ وسليم وقاسم ووتين معاها
عز دخل: ايه يا حبيبتي
اوتار باين عليها الأرهاق: عقبال مالمغرب يأذن هكون مخلصة الفطار
عز ابتسم قرب منها وباس جبينها بحنان: طيب اساعدك في ايه بس
اوتار ابتسمت وكأن طاقتها اتجددت: مفيش يا حبيبي
عز بصلها: صح كل سنة وانتي طيبة
اوتار ضحكت: انت من اول يوم رمضان وانت كل يوم بتقولي
عز ابتسم: اومال يا روحي ولحد مالشهر الكريم يخلص وندخل في العيد كمان هفضل اقولك تحبي اجيبلك فانوس كل يوم؟
اوتار ضحكت: لا والله اتفضل بقى وخد عيالك واخرج علشان الحق اخلص
ابتسم وقرب يحضنها بعدت وهي بتضحك: عز اللهم انك صائم
عز ضحك: صحيح ربنا يسامحك يا شيخة يلا حبايب بابي اللي هيجوا يجهزو السفرة معاه
خرج وكلهم جريوا على برا واوتار ابتسمت بحب وهي بتكمل الأكل ونادت: اتصلت بحلم ولارا يا عز؟
عز قرب: فكرتيني هتصل دلوقتي اشوفهم اتأخروا ليه
اتصل بيهم وقالوا انهم قربوا وصلت بعد شوية حلم وصخر وبعديها لارا وكريم وقعدوا سوا مستنيين اذان المغرب اوتار حطت الأكل ولارا وحلم ساعدوها وساجدة بنت لارا بتلعب مع وتين واسلام معاهم وكلهم مبسوطين
اوتار قربت من عز:حبيبي فاضل قد ايه على المغرب
عز ابتسم بحنان وتعاطف:عشر دقائق
اوتار اتنهدت:الوقت راكب زحلفة يا عز
ضحك وكلهم ضحكوا
لارا:اصعب وقت في اليوم كله هما اخر عشر دقايق دول يا اوتار والله
حلم قاعدة بثبات
صخر بصلها:مفيش اي ردت فعل
حلم ابتسمت:مبحسش بالعطش او الجوع
صخر:مبتحسيش اصلآ
بصتله اوي بس ابتسمت بهدوء:معاك حق
عز لاحظ توتر الأجواء بينهم واتكلم بيحاول يغير الموضوع:عبد الرحمن عامل ايه في شغلك
عبد الرحمن ابن جلم وصخر ابتسم:الحمد لله يا خالوا بخير والله هندسة صعبة شوية بس اهي ماشية
عز ابتسم:ربنا معاك زي مقولتلك لو في اي حاجة متترددش تيجي وتكلمني انت معزتك من معزة ولادي
عبد الرحمن ابتسم:لا والله كويس الحمد لله
عز بص لچنى:والقمر دي
چنى ابتسمت بخجل:الحمد لله يا خالو بردو كله تمام وبجتهد في دراستي
عز ابتسم:بالتوفيق يا حبيبتي وزي مقولتلك في اي حاجة واقفة قدامك قولي لخالوا وفورآ تكون جاهزة
چنى ابتسمت اوي بحب:تسلم يا خالوا
المغرب اذن وكلهم دعوا في سرهم وشربوا شوية واكلوا تمرة
عز بصلهم:يلا بقى ناكل ونصلي كلنا
ابتسوا وقعدوا وكانت حلم من وقت للتاني بتبص لصخر بغيظ وهو متجاهلها ببرود
كلوا وعز بيهتم بوتين بيأكلها هي وقاسم واوتار بتأكل سليم معاها وهي بتاكل
وتين:بابي
عز ابتسم:عيونه
وتين:مش مرتاحة والكرسي كبير
عز:طيب اعمل ايه طيب تحبي اجيبلك سندات
وتين كشرت
عز ضحك:طيب قوليلي بس اعمل ايه
وتين اتكسفت وبصت للي قاعدين
لارا ضحكت:ايه دا اول مرة اشوفها بتتكسف
وتين بصتلها بغيظ وشاورت لعز يقرب وهو بيكتم ضحكه وعارف كويس هي عايزة ايه
وتين:عايزة اسيب الكرسي دا
عز كشر:وبعدين بقى يعني تسيبيه وتفضلي واقفة
وتين كشرت ونزلت وهتمشي:خلاص يا بابي مش عايزة حاجة
اوتار:وتين تعالي هنا
وتين بصتلها وهي مكشرة وحواجبها شبه ملتصقين من كتر مهي مكشرة واوتار غصب عنها ضحكت:عايزة ايه في ايه
عز كان مسح ايده بالمناديل وراح شايلها وهو بيضحك:انا اعرف ان اللي عايز يقعد في حضن بابي مبيتكسفش ومبيستأذنش حتى
وتين اتكسفت ودفنت وشها فيه وهو ضحك
كلهم ضحكوا عليها وبقت خاطفة قلوبهم... اتكسفت اكتر
عز بصلهم بغيظ مصطنع:بس محدش يضحك على اميرتي الصغيرة
وتين بصتله:سيبهم بقى واكلني
عز ضحك وباس خدها وبقى يأكلها
اوتار مبتسمة بحب وبصاله وهو خد باله بص حواليه شافهم مركزين في الأكل او بيتكلموا سوا واستغل انشغالهم وحدفلها بوسة وهي ضحكت وهزت دماغها:مش هتتغير هتفضل عي.....
عز قاطعها وهو بيهمس:هفضل احبك يا مراتي يا اجمل اسم اتسميتي بيه مراتي مرات عز الدين سليم المنشاوي....
سكت فجأة  اتنهد بضيق وكأنه بيتخنق:وتين حبيبت بابي روحي لماما تأكلك
اوتار بصاله بحنان:عز كمل اكلك يا حبيبي
عز:هعمل مكالمة عقبال متخلصوا
طلع وكلهم بصوا لأوتار
حلم:ماله يا اوتار ايه اللي ضايقه
اوتار هزت راسها بنفي:خير يا جماعة كملوا اكلكوا اسلام اكل اخواتك وانا هطلع اشوفه
طلعت شافته واقف في البلكونة قربت:حبيبي
عز بصلها وبيحاول يبتسم:اوتار ايه اللي طلعك حبيبتي مكنش لازم تطلعي
اوتار قربت هزت راسها بنفي:بقيت الاحظ عليك الضيق يا عز في ايه بقالك فترة كدا تبقى بتتكلم وفجأة ملامحك بتتغير وبتهرب من عيون الكل مالك يا حبيبي
عز:يلا ننزل نشوفهم
اوتار مسكته:اللي تحت مش غرب دول اخواتك وولاد عمك متهربش يا عز متعودتش عليك كدا متهربش يا عز
عز اتنهد وبصلها:اوتار....ارجوكي كفاية...
اوتار حاوطت وشه وعيونها دمعت:حبيبي مالك قولي في ايه
عز ضمها ليه بحنان:هقولك متعودتش اخبي عليكي بس هي شوية وقت...هقولك بس بعد ميمشوا تعالي بقى ميصحش كدا
نزلوا ولاحظ ان حلم صوتها عالي:متكلمنيش بالطريقة دي فااااهم انت عامل مشكلة وخلاص ميغور يا اخي تاعبني ليه
صخر:انتي مش شايفة شكلك عامل ازاي
عبد الرحمن:بابا اهدى ماما حبيبتي خلاص محصلش حاجة
لارا:كفاية يا حلم صخر معاه حق
كريم:حلم اهدي الموضوع بالأتفاق ميجيش ابدآ بالطريقة دي
حلم صرخت فيهم:مش عايزة من حد كلمة وانتي يا لارا اسكتي خاالص فاااهمة
لارا بغضب:دي مش طريقة دي اتكلمي عدل
حلم صرخت في وشها بغضب:بقولك اخرسي انتي مش حاسة بيا مع اني كنت دايمآ حاسة بيكي وانت مكبرها ليه وعايز ايه يا صخر عايز تعمل اي يعني
صخر بصلها بضيق:ليه حاسة دايمآ اني بختلق مشكلة
عز قاطعهم:خلااااص بقى في ايه انتو بتتخانقوا ولا العيال متهدوا ايه اللي حصل
حلم صرخت بغضب:في اني اتخنقت وقرفت
عز بصلها بنحذير:حلم اهدي مينفعش الأسلوب دا
صخر بضيق:هي دايمآ كدا حلم تتكلم بهدوء دا من امتى
عز اتنهد:تعالوا معايا
اوتار حبت تسيبهم براحتهم:انا هقعد مع العيال خدو راحتكوا
عز:اوتار تعالي مش وقته
اوتار هزت راسها بنفي:حبيبي انا هجهز بس الحاجات اللي هنشربها
دخلوا المكتب الخاص بعز وعز قعد وهما قعدوا قدامه على الكنب اتنهد وبصلهم:في ايه مالكوا يعني والله اتكسفوا على دمكوا تزعقوا بالشكل دا في السن دا ودام عيالكوا وفي رمضان!
لارا:طيب اسمع يا عز متقدم عريس لچنى وهي موافقة!
عز:طيب وايه المشكلة مبروك بس هو مناسب؟
صخر بضيق:بتقولك عريس لچنى لسة في مدرسة ايه هتتجوز وهي لسة في تالتة ثانوي؟
عز:اكيد لا بس اقصد انه لو كويس يستناها
كريم:دا مش ناوي يستنى يا عز هو عايز يتجوزها في خلال الشهر دا حتى مش لما تخلص السنة هو دكتور واكبر منها هو محترم وكل حاجة مقولناش حاجة بس مش بالطريقة دي هي لسة عيلة مش عارفة هي عايزة ايه
حلم بضيق:انا شايفة انه مناسب وبنتي كدا كدا مش هتحب وموافقة عليه بعقلها فأنتوا ليه مكبرين الموضوع؟
صخر صرخ فيها:انتي اتجننتي ولا ايه جواز ايه في السن دا يا مهبولة انتي بنتك عندها احلام وعايزة تحققها هي عايزة تكمل وتدخل الجامعة ونفسها تبقى مدرسة وهي حابة حاجة زي كدا سيبيها تحقق احلامها يا حلم وتختار
حلم:هي اختارت
صخر بضيق:تحت تأثير كلامك
حلم:مهي غرام اتجوزت سراج ومش هقولك في تالتة ثانوي وعندها 18 سنة كانت عندها 15 سنة واهو معيشها مرتاحة وعندها عيلين ومصحباهم مش كدا ولا ايه يا عز
عز وقف بضيق بيحاول يسيطر على اعصابه علشان ميغلطش:انتي بتقولي ايه؟انتي لمجرد انك بتشوفيهم بيهزروا ولا بيضحكوا في قعدة يبقى خلاص كدا هما مبسوطين ومرتاحين؟انتي عارفة ايه اللي بيحصل بينهم يعني اقل حاجة ممكن تتقال هما بيولعوا بيسببوا دمار بخاف الدمار دا يهد بيتهم ولا يدمر يحيى او شغف انتي متعرافيش ايه اللي بيحصل سراج ابني....بس والهي والهي والهي ويمين اتحاسب عليه يا حلم لو غرام كانت بنتي لا يمكن اسمح انها تبقى مع سراج ولو ساعة واحدة حتى لو بينهم صلة قرابة انا كنت هقطعها كنت مش هخليه يلمحها غرام مين اللي عايزة بنتك تبقى زيها غرام معاشتش سنها غرام عانت معاناة مش لسنها انتي فاكرة ان البنت تتجوز صغيرة دا احسن ليها انتي عارفة بتتمنع عن ايه عارفة هي بتعيش ازاي حياتها بتتبدل بتتقلب 180 درجة.....
حلم بصتله
عز اتنهد:الكلام في الموضوع دا مش هيغير حاجة بس جواز غرام وسراج كان اكبر غلطة...
صخر شاورلها على عز بمعنى اسمعي وهي سكتت
عز قرب من حلم:حلم انتي ام انا عارف انك طيبة وعلى نياتك بس خليني افكرك مش لازم تكوني طول الوقت الجامدة خليكي تتصرفي بتلقائية خليكي هادية وتقبلي الكلام من صخر هو جوزك وباباها ودا من حقه ايه يا حلم بعد العمر دا لسة مفهمتيش
حلم بضيق:انا شوفته مناسب فقولت.....
عز قاطعها:انا عارفك يا حلم وعارف ازاي انتي عنيدة عارف عصبيتك حبيبتي مبقتيش صغيرة ومينفعش كدا بقى قدام العيال
حلم هزت راسها بإيجاب
لارا بضيق:وبعدين بتتعصبي عليا انا ليه يعني تبقي غلطانة وبتتعصبي كمان وانا مالي انا
حلم ضحكت غصب عنها:منتي اللي عصبتيني
لارا كشرت وسكتت
حلم ضربتها في كتفها:بلاش قمص
لارا مكشرة:مش قموصة
حلم حضنتها:انتي عارفة انا بحبك قد ايه بس انتي جيتي معاهم عليا ودايمآ لازم تبقي معايا هو انا مش اختك
لارا ابتسمت:وانا بحبك
عز ابتسم وقرب حضنهم وباس جبينهم
حلم:بطلي بقى تكشري كدا يا بنت عزت
لارا ضحكت:مش مكشرة على فكرآ
عز بصلهم وابتسم بشرود...
صخر سحب حلم: يعني صالحتيها وانا ايه
حلم بصتله
صخر ابتسم:والهي بحبك اعمل ايه بس في دماغك دي يا بنتي والهي بعشقك
حلم اتحرجت وابتسمت: وانا كمان...
صخر بخبث: وانتي كمان ايه
حلم بخجل: وانا كمان يا صخر
صخر: وانتي كمان ايه يا حلم
عز ضحك: يبني بطل رخامة انت كمان اتهد
قاطعهم خبط الباب عز رد:ادخلي يا اوتار
سراج دخل وهو شايل شغف:لا مش اوتار يا باشا
عز ضحك:جيت امتى
سراج قرب باس ايده وحضنه:لسة حالآ وحشتني يا باشا والمأمورية اللي انت فيها لهياك وبعيد عننا
عز اتنهد:عايز اخلص بقى واخد اجازة اسافر شوية علشان زهقان والله
سراج ابتسم:مع اوتارك
عز ابتسم بخبث:بالظبط واخواتك مسؤوليتك
سراج بذهول:انت بتتكلم بجد هتسيب معايا اسلام وقاسم وسليم ووتين هو فرح هو ولا اي
عز ضحك:بالظبط كدا بقولك ايه انت مش سيبت عندي يحيى قبل كدة
سراج بذهول:انت لو بتنتقم مني مش هتعمل كدا انت عارف دول لما بيتجمعوا بيبقوا كارثة
قاطعه صوت شغف بتصوت:حااسب بقى يا بابي عافصني
سراج ضحك وبصلها وبعد عن عز:يا لهوي انا نسيت اني شايلك اصلآ يا نهاار
شغف بتتنفس بعمق وهي مكشرة وعز ضحك عليها وسحبها شالها وبقى بيبوس خدها:حبيبت جدو القمر وحشتيني اوي يا اميرتي
شغف ابتسمت بكسوف وهو ضحك عليها وبص لسراج
سراج افتكر حاجة وفضل يضحك:اسكت مقولتلكش راحت مع غرام في مرة تودي يحيى المدرسة علشان كان عندي شغل ومكنتش فاضي رجعت بقى تخيل تقول ايه
ضحك وشغف برقت وهزت راسها بنفي وكسوف
عز ضحك على شكلها:قولتي ايه
شغف كشرت:بابا متبقاش فتااان
سراج بصلها بيغيظها:لا يا روحي دي حقيقة مش فتنة مش انتي قولتي كدا لما عرفت انك بتقولي اي حاجة بتحصل ليحيى صاحبي
شغف عضت شفتها بطفولة وغيظ
عز ضحك:بس يلة بلاش تضايقها
سراج بيضحك:اصلها شافت جد صاحب يحيى
عز استغرب:وايه المشكلة
سراج بيضحك:هتقوليله انتي يا شغفي ولا تحبي اقوله انا وازود
شغف مكشرة:هقوله انا
عز باصصلها وهي ابتسمت بكسوف طفولي:هو راجل عجوز مش زيك
عز بصلها اوي:مش زيي ازاي
شغف بتلمس دقنه بعشوائيه:يعني انت عندك شوية ابيض هو شعره كله ابيض وعنده كرش وشعره واقع وتخين انت مش كدا انت مش بتكبر ليه؟
عز سمعها وانفجر في الضحك والكل ضحك وهما حواليهم وهي اتكسفت اكتر وعز بص لغرم ولسراج:بنتكوا جاية تقر بتسألني مبكبرش ليه تعالي يا تيتة اوتار تعالي(بص لشغف وشاور على اوتار)يعني دي منظر ولا عقل تيتة بذمتك
اوتار بتضحك:طيب انا رفيعة هعيش واموت رفيعة وجهت نظر انت شكلك صغير عديت مرحلة عمرو دياب وانت كل مبتكبر بتحلو كدا
سراج صفر وحلم غمزتلها:ايه دا يا ست اوتار طلعنا بنقول كلام حلو اهو دا احنا نتعلم منك بقى
عز غمز لأوتار:لا انتو متعرفوش حاجة
اوتار ضربت صدره وخدودها احمرت:بطل
عز حضك وحضانها وشغف باست خدها:وحشتيني يا توتي
اوتار ابتسمت وشالتها ضمتها:وانتي اكتر يا روح توتي
يحيى و رشا دخلوا:السلام عليكوا يا اهل الدار متجمعين عند النبي
كلهم انتبهوا وسلموا على بعض ورشا سلمت على الكل الا سراج وهو بصلها فبعدت نظرها استغرب طريقتها هي متضايقة منه!
قعدو سوا واوتار قامت تجيب حاجة يشربوها ورشا وغرام معاها وسراج قام يروحلهم
اوتار:هروح اجيب كاسات من النيش
غرام:وانا هجيب الصنية رشا معلش خرجي العصير لحد منيجي
رشا هزت راسها بإيجاب وخرجت العصير وقفها صوت سراج:رشا...
رشا التفتت بسرعة وقلق:ن..نعم.....
سراج قرب وقف قدامها بعدت استغرب:انتي مالك في ايه انا عملت حاجة ضيقتك؟
رشا بصاله وبصت لتحت بضيق هزت راسها بنفي
سراج:لا ازاي وانتي بتبعدي عني
رشا بضيق وغضب:والمفروض اقرب منك بتاع ايه اصلآ
سراج:رشا متنسيش انك كنتي في البيت دا قبل متبقي مرات يحيى وانا زي اخوكي زي منا زي اخوه
رشا بغضب:انت عمرك مكنت اخ ليا ولا هتكون انت بتاع ايه تتكلم معايا بالطريقة اللي بتتكلم معايا بيها دي
سراج بضيق:انا مش عايز يحيى يزعل ولا يحصله حاجة بسببك فاااهمه دي الفكرة بس
رشا بضيق:دا جوزي ومش هرضيله اي وجع او حزن لأني بحبه هيحصله ايه بسببي
سراج:منا بس بفكرك لأني عارف ممكن تعملي ايه علشان الفلوس
رشا بصتله اوي:انت تقصد ايه
سراج:انتي ناسية انك كنتي بترمي نفسك على ابويا
رشا بصتله بدموع وصوتها اتهز:انت.....متعرفش...دا محصلش....انا...دلوقتي....متجوزة و....
سراج:انا بفكرك بس يا رشا مفيش داعي تتجاهليني ولا تهربي مني
رشا هتخرج وقف قدامها وهي اتفادته وخرجت بسرعه خبطت في اوتار اللي جاية بالكوبيات وقعتهم واتكسر كذا واحد عند رجل اوتار اللي صرخت بألم وسراج اتصدم هو ورشا
عز جه جري مسكها شاف الأزاز وشافها بتنزف شالها بسرعة
رشا بإرتجاف:انا اسفة مكنتش اقصد اسفة.....
عز قعد اوتار وبص لسراج:بسرعة هات علبة الأسعافات من ضلفة الحمام مش تحاسبي يا اوتار
اوتار بصت لرشا بقلق:رشا انتي مالك في ايه يا حبيبتي
رشا هزت راسها بنفي وهي بتعيط:مفيش يا ماما...انا اسفة مكنتش قاصدة اخبطك
عز بص لرشا وحس انها مش طبيعية وبص ليحيى يشوف مالها وكان بالفعل يحيى بيقرب منها بعد مساب بنته وخدها في حضنه وهي حضنته جامد وبتعيط وهو استغرب وقلق
اوتار:خلاص يا حبيبي انا هلفها نفيش ازاز تاني فيها انا اتجرحت وخلاص
عز بصلها وبيتنفس بقلق:ربنا يستر ومحتاجش لخياطة يعني متعورة وبتنزفي وتقوليلي اتجرحت وخلاص
اوتار ابتسمت بشرود وهي شايفة قلقه واهتمامه....
يحيى بيطبطب على رشا:خلاص بس اهدي
رشا بصت لسراج وغرام استغربت نظراتها الخايفة
يحيى:حبيبتي رشا مالك
عز ربط رجل اوتار والجرح مكنش عميق فمحتاجش لخياطة وانتبه لرشا:مالك يا رشا يا حبيبتي في ايه؟ايه اللي ضايقك بتعيطي ليه كدا
سراج:رشا....
رشا قاطعته وهي بتزعق فيه ووجود يحيى وعز قواها:انت ملكش دعوة بيا فااااهم انا مسمحلكش تتكلم معايا او تقرب مني او اي حاجة انت ملكش دعوة بيا
يحيى استغرب بس بص لسراج بضيق:في ايه يا سراج انت مالك بيا
سراج اتنهد:كانت بتبعد عني وفهمتها انك اخويا مش لازم تخاف مني وقالت اني كنت بحملها ذنب اي حاجة قولتيلها ان لو حصلك اي حاجة بسببها انا مش همررها مرور الكرام
يحيى اتضايق واتعصب :انت بتقول كدا لمراتي؟انت من كل عقلك يعني هي هتأذيني ازاي
رشا بصت لسراج وبغضب:انت كذاب انت مقولتش كل حاجة
سراج بصلها وهي بصتله بقرف
رشا مسكت ايد يحيى:هو قال اني اعمل اي حاجة علشان الفلوس واني كنت برمي نفسي على....
سكتت وبصت لعز اللي فهمها وصرخ في سراج:سراااااج تقدر تفهمني ايه اللي هببته دا مدا ملوش احتمال تاني غير انك اتجننت
سراج بص لرشا واتعصب:ايه اللي جنني انا قلقان عليه هو مش خبيث هو حبها وهي كل اللي عايزاه الفلوس وبس
يحيى وقف قدامه بغضب:انت فاكرني اهبل ولا ايه يعني انا مش هعرف الأنسانة اللي عايشة معايا واللي هي مراتي ومخلف منها هو انت هتعرفها قدي
الكل مركز معاهم ويحيى زعق بتحذير:سراااج رشا خط احمر وقسمآ بالله لو فكرت بس تجرحها بنظرة واحدة انسى انك تعرفني
سراج اتصدم وبصله اوي ويحيى بصله بغضب:دا مش تهديد دا وعد....
عز قرب من رشا مسك ايدها بحنان واسف:هو متخلف
رشا بدموع:انا غلطت بس كنت فاكرة خلاص ان كل حاجة اتحلت
عز هيحضنها بس كان يحيى سحبها
يحيى:بعد اذنك يا عمي احنا هنتكل احنا على الله
شال بنته ومسك ايد مراته وخارج
سراج وقف قدامه:يحيى استنى
يحيى:نعم افندم عايز ايه تاني
سراج:منت مش هتخرج بشكلك دا صدقني كنت قلقان عليك
يحيى:مراتي خط احمر يا سراج
سراج بأسف:طيب حقك عليا انا يعز عليا زعلك
يحيى حاول يبتسم:خلاص يا سيدي سيبني امشي بقى علشان دماغي هتنفجر
خرج بس سراج عارف انه لسة متضايق وقال انه هيفضل وراه لحد ميصفى بس هو فعلآ حس بالخوف عليه حس لتكون بتلعب بيه...
عز كان باصصله بغضب وحلم ولارا وعيلتهم استأذنوا يمشوا
شغف في حضن غرام وبتزعق بطفولية:انت كل مرة تعمل كدا وتمشي يحيى متضايق وزعلان دا انت نكد
محدش قدر يسيطر على ضحكوا وعز بصلها بغيظ:يا ريتك متكلمتي ضيعتي مود الغضب يا شغف
شغف مكشرة وسراج بيضحك غصب عنه قرب هيشيلها بعدت وحضنت غرام جامد:لا مش هسيبها وانا مش عايزاك يا سراج
سؤاج بحنان سحبها:حد يزعل من باباه
شغف كشرت:اه لما يزعل يحيى هتلي اب بيزعل يحيى غيرك
سراج ضحك بغيظ:على اساس ان كل الأبهات يعرفوا يحيى
شغف مكشرة وهو عض خدودها برقة:مقلنا خلاص بقى يا بندتي
شغف:مخصماك اوي
سراج ضحك:مقدرش انا على الأوي دي
غرام كانت ساكتة تمامآ متكلمتش
سراج:يلا بينا يا غرام...يلا يا يحيى دلوقتي ونيجي يوم تاني....
غرام مشيت معاه ركبت العربية من غير كلمة
اسلام كان متضايق وقاسم ووتين وسليم زعلوا علشان يحيى وشغف مشيوا على طول
في اوضة عز واوتار
اوتار:اجهز السحور؟
عز هز راسه بنفي:لا يا حبيبتي كملي نومك لسة الساعة 2
اوتار قعدت:مالك يا عز في ايه بتفكر في ايه يا حبيبي بيضايقك كدا
عز اتنهد وبصلها وسكت
اوتار:عز...اتكلم
عز:متضايق....مخنوق مشتت مش عارف...مش عارف اعمل ايه حاجات كتير خنقاني ومضايقاني ومش عارف اعمل ايه...
اوتار:عز الدين سليم...المنشاوي
عز بصلها اوي:انتي قصدك عرفتي منين
اوتار:علشان بفهمك وشوفت ردت فعلك كل متنطق اسمك
عز اتنهد:ابويا وامي ماتوا..عزت...وفلورا....وانا يا اوتار مش قادر حتى اقدملهم اقل حق ليهم يعني مش قادر اني اشيل اسم ابويا انا المفروض اسمي عز عزت مش عز سليم....وولادي نفس الكلام...لارا وحلم انا بحسدهم انهم شايلين اسمه
اوتار مسكت ايده: حبيبي انك تكون فاكرو دي حاجة كبيرة اوي ادعيله دايمآ بالرحمة انت سميت بنتك على اسم والدتك ودي كانت اجمل حاجة انت عملتها لكن لو بتفكر تغير اسمك واسم عيالك الموضوع مش هيبقى سهل وخصوصآ على عمي سليم وعمتي احلام هما بيعتبروك ابنهم الكبير بلاش تجرحهم يا عز بالذات عمي سليم هو عمره مقصر معاك ولا معايا صدقني يا عز
عز بصلها وباس ايدها وهي ابتسمت وقربت ضمته
اوتار:ادعيلهم يا عز ادعيلهم دايمآ
عز ابتسم بحب:بدعيلهم دايمآ وهفضل دايمآ ادعيلهم
اوتار ابتسمت وبصتله:السحور بقى
عز ضحك:السحور بقى

سراج:يعني هتفضلي كدا
غرام بتستعد للسحور وبتقطع الخضار:هفضل كدا ازاي عارف انت اكتر انسان بتخليني في نص هدومي يا اخي اعقل بقى
سراج بغضب:يعني كنتي عايزاني اعملك ايه يعني؟؟
غرام بغضب:انت كمان بتتعصب اما انك بارد
سراج سحبها:بت انتي اتلمي
غرام شكته في ايده بالسكينة وهو اتألم وبعد بصدمة: يا مجنونة انتي كنتي قاصدة تعوريني
غرام بتهكم:لو كان قصدي اعورك كنت عورتك يا سراج
سراج باصصلها بعدم تصديق وهي كملت تقطيع الخضار عض شفايفه بغيظ:عارفة انتي منك لربنا علشان انتي ست مفترية
غرام بصتله بتهكم:اااه انا اللي مفترية وانت الطيب الغلبان اللي ملكش في حاجة وانا اللي دايمآ بعمل المشاكل يا اخي دا انت هتخش النار بموتسكل علشان كذبك دا
سراج كان متغاظ منها شاف ازازة المية مسكها ورشها بيها وهي شهقت بصدمة وهو جري وهو بيضحك:نصر عظيم
غرام خدت ازازة مية وصرخت فيه:سرااااج تعالى هنا والهي مهسيبك
جري وهي وراه وشغف ويحيى بيضحكوا عليهم وبيجروا وراهم

رشا بصت ليحيى وهو مركز في الابتوب بتاعه:يحيى...
يحيى بصلها:اممم
رشا بقلق قربت قعدت جنبه:يحيى....انا اسفة...
يحيى استغرب:على ايه
رشا بدموع:علشان خليت شكلك وحش.....علشان تصرفاتي....سامحني
يحيى بحزن مسح دموعها:رشا حبيبتي بس بالله عليكي متعيطيش...حبيبتي انا اسف على كلام المتخلف دا رشا انا متضايقتش علشاني ولا فكرت في اللي بتفكري فيه دا انا اتضايقت انه ضايقك حقك عليا بس بلاش دموع
رشا ابتسمت بدموع وحضنته جامد:والهي انا بحبك اوي بحبك بشكل لا يمكن تتخيله يا يحيى بحب كل حاجة فيك ولو الزمن رجع كنت هختارك بردو
يحيى ابتسم وباس جبينها بحب

الفجر اذن وكلهم نوو الصيام وعز بيصلي جماعة بأوتار واسلام ووتين وقاسم وسليم اللي يا دوبك بيتعلموا وبيقلدوهم خلصوا وعز ابتسم باس ايد اوتار
اوتار بحب:حرمآ
عز بحب:جمعآ يا روحي جمعآ
اوتار ابتسمت
عز غمزلها: كلها حبة صغيرين
اوتار استغربت:على ايه؟
عز:على معاد الحج هاخدك نحج
اوتار بفرح:بجد يا عز هنروح تاني
عز ابتسم:وتالت ورابع وخامس كل متسمحلنا الفرصة
اوتار ضحكت بسعادة وضمته:بحبك
عز بمناغشة بعد شوية:ياااه يا اوتاري دا انتي قديمة اوي
ضحكوا وعيونهم متعلقة ببعض....

#استودعكم_الله♡
#حلقات_خاصة
للكاتبة/ندى محسن
#نووووودي