حلقات خاصة من رواية "رجل المهام الصعبة" ♡ "هنا التقينا" للكاتبة/ندى محسن Noody

حلقة خاصة"3"

#حلقات_خاصة_من_هنا_التقينا_رجل_المهام_الصعبة 3
الحلقة 3
للكاتبة/ندى محسن عوض الله ♕Noody♕

غرام بغضب: ممكن تخرج من المطبخ إذا تكرمت ممكن؟؟
يحيى كشر وبصلها بضيق: لا لما اخلص
غرام اتعصبت وقربت: يحيى انت بتعمل ايه عايز حاجة قولي اعملهالك
يحيى هز راسه بنفي: لا مش هتعرفي انا بخترع اكله وبعدين منتي واقفة وبتتفرجي في ايه بقى
غرام بصت لشغف اللي يحيى مقعدها على الرخامة وبتشرب عصير الفراولة وبتاكل توت: وانتي بتعملي ايه يا هانم
شغف ببراءة: مستنياه يخلص علشان يأكلني مش كدا يا يحيى
يحيى ابتسم وقرب باس خدها: طبعآ اول مخلص هأكلك بس خلصي التوت والفراولة الأول
شغف ابتسمت وشربت العصير مرة واحدة وبقت تاكل التوت
غرام واقفة ومستنياه يخلص وهي قلقانة وبتساعده في حاجات بسيطة وهنا سمعوا الباب اتفتح واتقفل ابتسمت وعرفت ان سراج جه وسمعته بينادي فردت: ايوا يا حبيبي تعالى احنا في المطبخ
سراج قرب وحط الشنط اللي في ايده على جنب: جيبتلكوا فاكهه وحلويات ومنستش التوت يا ست شغف
غرام ابتسمت قربت منه باست خده وشغف كشرت: شغف الاول تعالى
ضحك وقرب شالها وباس خد يحيى: ايه اخبارك يا بطل بتعمل ايه
يحيى ابتسم وبصله بحماس: عملت اكل حلو خالص وخلصته ناكل؟
سراج ابتسم: اكيد بس اوعى تحرق نفسك
يحيى ابتسم وهز راسه بنفي
سراج بص لشغف اللي مكشرة وضحك: مال الباندا بتاعتي
شغف: نزلني يا سراج مش هكلمك عمري
سراج ضحك وقرب عض خدودها بهزار وهو عارف انها بتغير منهم وهي ضحكت وبقت تبعد وشه وتصوت وهو بيضحك وهنا جه تليفون لغرام ردت: الو يا اسماء....
بصت لسراج: طيب خليكي معايا
بعدت عنه وهو استغرب لخروجها وباس شغف ورجع قعدها على الرخامة: اوعي تقعي خلي بالك لتتعوري
شغف: مش هقع
سراج قرب من غرام وهو بيسمعها
غرام بضيق: اسماء انتي عارفة ان سراج رافض فكرة الشغل دي حتى عند بابا هو بيخاف عليا وانا مش عايزة اضايقه... لا يا اسماء انا قولتله مرة قبل كدا ومرضيش وخلاص مش هضايقه خلاص بقى يا اسماء لا حتى مش هحاول.... تمام خلي بلك من نفسك.. سلام
قفلت واتنهدت بصت للسما ابتسمت وسراج حضانها وهو وراها شهقت بخضه وبعدين ابتسم: سراج..
سراج ابتسم بحب: ومين غيري هيفكر يقرب منك يا غرامي
غرام ابتسمت ولفت حضنته: عملت ايه النهاردا في الشغل
سراج هز راسه بإيجاب: تمام انتي ايه اخبارك عاملة ايه النهاردا
غرام ضحكت: اهو زي منا العيال مبيسمعوش الكلام خالص والصغيرة دي مبتسمعش كلام حد غير يحيى اللي هو اساسآ مبيسمعش كلام حد واللي عايزاه بيعمله من غير ميفكر صح ولا غلط اديك شايف مقعدها ازاي جنبه
سراج ابتسم بحب: دي احلا حاجة يا غرام انا بحب اوي علاقتهم وبحب اوي اقربهم من بعض
غرام ابتسمت: زي علاقتي بأيان
سراج اتضايق: لا يا غرام ايان كان مبيعملش اللي انتي عايزاه ايان كان بيبعدك عني
غرام بصتله: دا كان طبيعي علشان علاقتنا ابتدت بطريقة غلط حتى لو جواز يا سراج
سراج سكت بضيق
غرام: يعني لو حصل نفس اللي انت عملته مع شغف يا سراج كنت هتقب...
مكملتش كلامها واتفاجأت بيه زأها وبيصرخ فيها: غراااااااام اخرررررررسي
اتصدمت وعينها دمعت وهو مسك دراعها بعنف: بنتي مستحيل يحصل معاها اي حاجة وحشة طول منا موجود فااااهمه انا اللي هقف في وش اي حد علشان عيالي شغف ويحيى دول حياتي فاااهمه مجرد الأفتراض حتى مش عايزو
غرام بتبعد ايده: انت اتجننت يا سراج اوعى ايدي بص مجرد التخيل بيعمل فيك ايه فما بالك بأهلي وايان اللي غصب عنه جوزني ليك
سراج بصلها بغضب وسابها وطلع فوق السطح بتاع البيت بيتنفس بعنف باصص للسما هو اتجوزها حتى لو هو سكران وكان مش واعي بس خايف من جملة كما تدين تدان اللي بيرفضها مستحيل يحصل مع بنته حاجة وحشه بسبب الطيش اللي كان فيه هو تاب مستحيل حاجة وحشة تحصلهم... لا هو مش هيستحمل اي حاجة تحصلهم....
نزل وغرام وقفت قدامه وهي شايلة شغف وبصاله بضيق:انت مش ناوي تعقل بقى انت اي حاجة بتاخدها وتولع مبتصدق
سراج بصلها بغضب:ابعدي عن طريقي يا غرام اقسم بالله مناقصك
غرام بغضب:يعني انا اللي ناقصة يا سراج انا تعبت معاك بيتهيقلي ابعد شوية لحد مأعصاب سيادتك تهدى
سراج سحب شعرها:غرام انا مش عايز اتهور معاكي بطلي تستفزيني مفيش مرواح في حتة
شغف اتخضت وبتبعد ايده:بس سيب شعرها ابعد
غرام بضيق زأته:ابعد انت اتجننت يا سراج مش كفاية يحيى كان بيشوف تصرفاتك المقرفة كمان شغف
سراج زأها وغصب عنها توازنها اختل ووقعت بشغف بس حاوطتها وخدت الخبطة كلها اتألمت:ااااه يا غبي.......
سراج اتخض وبعد شغف ومد ايده لغرام سحبها وقفها وبيبوس جبينها وخدها بلهفة وبيتطمن عليها:في ايه حاسة بأيه انتي اتعورتي؟في حاجة
غرام بصاله بدموع:مش عايزة اكلمك تاني
بعدت وجريت على فوق وهو حس انه مش طايق نفسه ازاي مبيقدرش يتحكم في عصبيته دي ازاي
شغف ضربته برجليها في رجله:صالحها
سراج بصلها فكشرت وربعت ايدها بغضب وهو ابتسم بحزن قعد قدامها باس خدها وحضانها:هصالحها طبعآ بابا وحش ودايمآ ماما بتستحمله.....
شغف بصتله:خلاص روح بقى اجيب يحيى يروح معاك؟
سراج ضحك وهز راسه بنفي:لا مش محتاج
سابها ونادى يحيى:تعالى خلي بالك من اختك
يحيى:مش هتاكل؟
سراج هز راسه بنفي:اكل شغف لحد منيجي
شغف ابتسمت بفرح:اكلني
راحت مع يحيى وسراج طلع لغرام كانت بتاكل شيبسي واول مسمعت صوت خطوات رجله خبت الشيبسي ومثلت النوم وهو دخل قرب قدامها باس جبينها ردت عليه ببرود:سيبني انام ومعنديش اي استعداد اتناقش مع واحد همجي زيك
سراج اتعصب بس اتمالك نفسه لأنه غلط ومعترف انه يستاهل قرب مسك ايدها راحت عضت ايده وزأته وهو صرخ بألم:اااه انتي اتجننتي يا غرام لا بقى شكلك اتجننتي فعلآ اااااه
غرام بغضب:اه مجنونة وابعد عن المجنونة دي علشان متطلعش جنانها عليك ومش هتبقى مبسوط نهائي صدقني
سراج اتنهد وبيهمس لنفسه:استرخى مهو انت اللي عصبي وزبالة يعني استرخى اهدى
قرب نام جنبها وهي هتودي وشها الناحية التانية سحبها في حضنه:بحبك
غرام اتكلمت بغلاسة:وانا مبحبكش وتعرف مش طيقاك
سراج مركز في عيونها:بس انا بحبك وهفضل احبك بقى مين المجنون اللي يفرط في واحدة زيك يا غرام يبقى غبي اوي اللي يسيب النعمة وانتي نعمة من ربنا ليا صدقيني انتي كنتي كرم انا مستحقهوش....
غرام بصتله وابتسمت غصب عنها بس كشرت بسرعة:ايه مستحقهوش دي!!انت ناسي جوزي يبقى مين ولا ايه
سراج ابتسم بحب:جوزك يبقى ولا حاجة قدامك يا غرامي
غرام خدودها احمرت ونسيت انها كانت زعلانة منه اساسآ افتكرت حاجة وبصتله:سراج مش يحيى ورشا جايين حبيبي قوم بسرعة نلحق نجهز حاجة السهرة
سراج:لو عايزاني الغي المعاد ونأجله تمام لو تعبانة
غرام هزت راسها بنفي:لا يا حبيبي قوم بقى
قامت ونطت من فوق السرير وهو شاف الشيبسي جنبها بصلها اوي:وزعلانة؟!
غرام رفعت حاجبها:اومال عايزني اموت من الجوع علشانك يعني!
سراج عض شفايفه بغيظ وبقى يرمي عليها المخدات:مهو انا اللي استاهل انا اللي جيبته لنفسي يا طفلة
غرام بتتفادى الضربات وخرجتله لسانها وجريت على تحت وهو ضحك:يا ريتني ارتاح نص راحتك يا غرام يا ريتني ارتاح من تأنيب الضمير وارتاح من التفكير الزايد على الغلطات اللي عملتها الموضوع مبيمرش مرور الكرام الموضوع فعلآ مأثر عليا وبيخوفني بيخوفني بشكل مش طبيعي يا ريتني اقول الكلام دا انا مرعوب من بكرا مرعوب لولادي يشيلوا ذنبي انا......
عدا الوقت وجه يحيى ورشا واستقبلهم سراج وغرام واولادهم بفرح
رشا اتجنبت سراج تمامآ لأنها مبتحبش طريقته خصوصآ في كلامه معاها وانه بيحملها اي حاجة بتحصل ليحيى ومبتحبش تضايق يحيى فبتسكت
سراج:اتفضلوا اقعدوا
ابتسم وقرب من رشا مد ايده ليها علشان يشيل كارما بنتهم:هاتيها
رشا ادتهاله وسراج بص لكارما بحب وسعادة:حبيبة قلب بابي
يحيى ضحك:طبعآ
سراج:لا بابي انا مش بابي انت ملكش علاقة انت
يحيى ضحك:طيب بطل سخافة واقعد معانا وسيبك من كراميلا دلوقتي
سراج ابتسم وطبع بوسة على جبينها وقعد وهو شايلها قربت منه شغف وباست كارما وفضلت بصاله
سراج استغرب:في ايه
شغف بضيق:وديها لأمها بقى
سراج:ليه
شغف:وديها لأمها هو انت امها؟؟
سراج ضحك:لا مش امها بس مالك اتضايقتي ليه
شغف كشرت وبعدت عنه:خلاص هروح انا لأمي
سراج هز راسه بنفي:لا انا مقدرش انا على كدا
ساب كارما مع رشا وفتح ايده لشغف:تعالي يا باندتي يا غيوره
شغف جريت في حضنه وهو باس جبينها وبقى يزغزغها ويحيى بيتكلم مع يحيى المنشاوي:عامل ايه في المدرسة
يحيى المنشاوي ابتسم:حلوة
يحيى حط ايده على كتف يحيى بحب:قولي بقى نفسك تطلع ايه
يحيى المنشاوي ابتسم اوي:طباخ
سراج ضحك ورفع حاجبه:ايه؟
يحيى المنشاوي عادها ببطئ:طبااخ يا بابا نفسي اطلع اطبخ
يحيى ضحك:اشمعنا طباخ متقلقش مراتك في المستقبل مش هتجوعك اختار واحدة بتعرف تطبخ
يحيى المنشاوي هز راسه بنفي وكشر:انا اللي هطبخ في البيت والمطبخ هيبقى بتاعي مش هخلي حد تاني يطبخ
سراج ضحك وهو بيهز راسه بإيجاب:اهو كلام
غرام ابتسمت:على فكرآ يا حبيبي انا حبيت اوي كلامك لازم تعمل الحاجة اللي بتحبها وملكش دعوة بكلام الأتنين دول
يحيى ضحك:بقى كدا يا غرام
غرام بغلاسة:اه بقى كدا
يحيى رفع حاجبه:انتي بتغيظيني
غرام:لا بغلس بس
يحيى:ماشي يا غرام ماشي خلصت
غرام ضحكت:انت قفوش اوي يا استاذ قفوش
سراج لكم كتفها براحة:متهدي بقى
غرام بصتله اوي وكان شكله مبيهزرش ومتعصب بجد
رشا بصت ليحيى بعتاب
يحيى اتحرج:انا زودتها؟
غرام وقفت وملامحها اتغيرت للضيق:بعد اذنكوا هجيب حاجة نشربها
دخلت المطبخ وسراج اتكلم بضيق:يحيى انا مبحبش النظام دا
يحيى:نظام ايه يبني كنا بنتكلم عادي انت عارف بيني وبينها كام سنة؟دي زي اختي الصغيرة دي اصغر من اختي يا سراج
سراج اتعصب اكتر من كلام يحيى غرام فعلآ اصغر من اصغر اخت عنده والفرق بينهم بالنسبة ليه كبير والموضوع دا بيضايقه:مخلاااص يا يحيى في ايه
يحيى استغرب:لا انت اللي في ايه؟انا مش فاهم بقيت مالك يا سيدي انا اسف مش هتكلم تاني يلا يا رشا
سراج بضيق:ممكن بلاش الأسلوب دا واترزع هنا
يحيى ودا وشه الناحية التانية بضيق وسراج راح ورا غرام كانت بتصب العصير فعلآ وعيونها مدمعة بس بتحاول متعيطش وهو وقف جنبها:ينفع الكلام الفاضي دا
غرام بصتله اوي:كلام ايه!انا اسفة يا سيدي بس كان يستحق تروح ضاربني وتحرجني و
سراج قاطع كلامها واتكلم بضيق:انا مضربتكيش انا نغزتك في كتفك علشان تسكتي علشان مبحبش النظام دا يا غرام
يحيى بص لرشا:يعني المفروض اقوم اتخانق معاه يعني ولا ايه
شغف قربت سندت على رجله:اتخانق معاه علشان بيزعق لغرامي ومن شوية ضربها
يحيى اتفاجأ:ضربها.؟؟؟؟
شغف طلعت على رجله وهزت راسها بإيجاب وشدت شعره:وشد شعرها كدا ووقعها وهي كانت شيلاني كمان وقعت معاها
يحيى مسك ايدها واتضايق من سراج باس خد شغف ووقف دخل المطبخ شافه بيتكلم معاها
غرام:والله انا الي مبقتش حابة ولا فاهمه نظامك انت مالك في ايه بص يا سراج متعملش عقلك بعقل عيلة مش من سنك
بصلها بغضب ومسك ايدها:امممم عيلة دلوقتي عيلة؟
يحيى اتكلم:ممكن بقى كفااية شغل العيال دا احنا ماشيين واسف يا سيدي على اللي حصل بلاش الهبل اللي انت فيه دا يا ريت تعرف ازاي تتكلم بهدوأ مع مراتك وبالمناسبة يلي بتقول ان العيال مبتفهمش بنتك لسة قيلالي انك ضربت غرام وشديت شعرها ووقعتها فياريت تبطلع البلطجة دي علشان صدقني هتخسر
سراج اتكلم بعصبية:يحيى انت متعرفش حاجة فمتتكلمش
غرام زات سراج وهي بتمسح دموعها وجريت على فوق
سراج بغضب:شايف الأحترام في واحدة تزأ جوزها بالشكل دا
يحيى:يعني حلال ليك وحرام ليها؟؟؟انت يلة ايه البجاحة دي
سراج بصله بغضب:طب اخرس انت كمان وملكش دعوة بيها
يحيى بذهول:انت بتغير مني يا سراج؟لا بقى انت زودتها يا عم غيير بس مش بالشكل دا هو انا هكولها سراج مينفعش اللي بتعمله دا دي زي اختي دي اصغر من اختي وانت مينفعش تتصرف معاها بالشكل دا لو سكتت دلوقتي مش هتسكت بعد كدا وصدقني الوضع هيكون اصعب
خرجوا من المطبخ ورشا وقفت:يحيى يلا بينا
سراج بحدة:ايه يلا بينا دي متقعدي لسة مقعدناش
رشا قربت من يحيى:يلا!
يحيى ابتسملها ومسك ايدها باسها:يلا(بص لسراج)يا ريت تهدى تهوية اتهد
سراج نفخ وبص لفوق وشغف بتلعب مع يحيى المنشاوي.....
مشيوا وسراج طلع لغرام كانت بتتكلم مع اسماء ولما شافته استأذنت وقفلت ورمت التليفون جنبها
سراج قعد قدامها:كنتي بتكلمي مين
غرام:اسماء تحب تشوف التليفون وتتصل بيها تتأكد
سراج ابتسم:مش للدرجة انا واثق فيكي
غرام بصتله بضيق:انت مجنون بجد
سراج:غرام انا ليا نظام ومبحبش الهزار دا
غرام ساكتة....
سراج قرب مسك ايدها:غرام.....
غرام.......
سراج:يعني خلاص خاصمتيني مش هتكلميني
غرام:هما مشيوا؟
سراج هز راسه بإيجاب:اه
غرام:ارتحت انت كدا؟
سراج اتنهد وبيحاول ميتعصبش:انا مبحبش النظام دا مهما كان مين اللي موجود يا غرام حتى لو كان اعز اصحابي لازم يكون في حدود بينك وبين اي حد
غرام ساكتة