أجحاف

الـبـارت الثاني

الـبـارت الثاني
رواية...أجحاف
#بقلمي_زمرد_الربيعي
~~~~~~~~~~~~~~~~~~~~~~~~~~
لا تبخل أيهاا القلم
فأن الخط ذكرى و الذكرى ألم....
~~~~~~~~~~

قرإه ممتعه

فضيله : والله شنوو احجي الصراحه اني رحت حتى اسال عليهم وكالو هذوله اصحاب مشاكل وعنده أخوات ما متزوجات بس يسون مشاكل

سعدون : ياا صدك بس اني الي سئلت عليه صديقي كال عائله زينه

فضيله : شنو قابل اجذب عليك

سعدون : لا حشاج عيني والله ما ادري

كمره : واحد مٛـטּ اخواني كال سدو الموضوع اذا ناس مو زينين أنسد الموضوع رجعنا جواب انو احناا رفضنا مرت تقريبا اسبوع عشر ايام وهم اجوي الناس اني جنت اصلي واختي تسولف اليه انو من جايين امي طالعه الهم وطاردتهم ......

فضيله : عيني اني ما عندي بنيه للزواج

سعاد : ليش هي كاعده من المدرسه  بينا شي احناا

فضيله : يووو شكد اتلحين صار ساعه اتلحين اسمعي خيه اني ما ازوج بنتي الكم

سعاد : ياا ليش عيني شبينا

فضيله : والله عاد بكيفي اني ما ازوج بنتي الكم سمعتي وهسه الباب يوسع جبل

كمره : راحو الجماعة ومرت هم كم أسابيع ودزو ناس وهم رفضنا من ورى امي ، أنسد الموضوع كله وكامت ياا هو الي يجي تكول ما عندي بنيه للزواج واذا كالو ليش لان يسون مشاكل لو خواته يغارون منج ومن هل اعذار اني جنت ادري بيهاا مو لهذا السبب لان من انسدت الموضوع سمعتها تحجي ويا مرت تامر

فضيله : ما رحت سئلت على الناس

زوجة تامر : ياا ليش خاله

فضيله : وجعا شبيج فزيتي شعندها تزوج بعدهاا صغيره

زوجة : اهاا براحتج خاله

كمره : هههه اني ادري بيهاا مو علمود صغيره لان منوو ينظف ويكنس ويخدمها هي وجناينهاا وجهالهم ؛ مرات الايام واجت ايام نفس الشي نفس التعب ونفس التعامل
ابويه كام يشتغل بمنطقة  واني اخذ  الغداء اله يوميه اروح اودي الغداء وارجع لان جان بيتنا قريب على مكان الشغل مره جنت لابسه جبه بيهاا حزام وعبايه جانت عبايه جديده اخويه جابهاا اليه هذا الي مدللني يشتغل بالملابس والعبي واني هم اخيط عبي فـ جان جايب الي عبايه جديده خيطتهاا وجانت اول مره البسها مكويه عدله وجان سوادهاا نفس سواد الليل وألابسه ربطه لون بيجي ساده ومكويه وألبستهاا وألابسه شحاطه عاليه لون اسود وبيها من جو بيجي شويه ورحت لأبويه علمود الغداء اني وقريب على الشغل شفت اخويه الجبير ساامر رحت اتمشيت الهم ،

كمره : الله يساعدك ياغالي

سعدون : ويساعدج حبيبتي شنو جبتي