: كاعده باب القبله واشوف العزيات الي تجي واجواء محرم تقشعر البدن ، اطفالي الثلاثه نايمين و الصغيرة بحضني نايمه وكاعده بصفي زوجة اخويه ، احنا زايرين الأمام الحسين فـ ردت اروح للأمام العباس"ع" أمنت اطفالي يم زوجة اخويه و رحت اتمشى وصلت بين الحرمين قريب الأمام العباس ،
وشفت زوجي وابو بيتي وسندي وحب حياتي بحضن وحده رغم هوسه و كلهاا ناس وملفلف روحه بالشماغ حتى ما يبين بس عرفته من عيونه وبشرته وفوق هذا بحضنهاا نفسهااا... وصلت يمه وگفت صار ضل رفع راسه انصدم كام ع السريع ردت احجي سد حلكي
: اسسس ولا كلمه هسه ترجعين بمكانج شجابج اهناا
"بصياح": لا ما اسكت وليش اسكت هااا خلي الكل يعرفك كاعد يم هااي كحـ*** الساقـ***والله اليوم افضحك فضيحه
: ضربني على حلكي قوي احس شفايفي خدرن من الوجع
: اششش لج حقيره صمي حلكج
: والعباس ما اسكت ابو النسوان متستحي حايره بهاي الكحـ*** الساقـ* * وكمت اصيح ، ياا ناس ياا عالم هااي ام الزلم متزوجه وتفتر ع زوجي ، ضربني حيل وكام يغلط اني هم نزعت الربطه الي جنت لابستهاا
اريد اروح لـ أبو فاضل واشكي اله واحلفه بستر زينب ياخذ حوبتي منك ومنهاا ، كام يضرب بيه لان ما يريد اشمر الربطه بـ أبو فاضل لان اني علويه و أشور وخصوصا اذا رحت للعباس ماا فد يوم ما اخذ حقي حااول انو ما اشمر الربطه بس شمرتهاا وكع عليه دك ضرب بكل قوة حتى المنتسبين كامو يجرون بي لان كام يضرب قووي وأخذني سحل من مقدمة العبايه من راسي للكراج(.....)وصلني لبيت اهلي ذبني بالباب وكال "لأهلي ربوهاا لان ما متربايه".....وللحكايه بقيه
شلونكم حبايب ، نزلت مشهد من روايه وحذفتها بسبب اهلا البطلات لأن رفضو رفض قاطع ، الحمدلله ربي رسلي روايتين حقيقياات و متنافسات وجميلات ، اختاريت هاي
الأحداث هاي من وسط الروايه والروايه ابطالها م واكو فوق الخمسين واكو جوى ولحد جيلنا هذا يعني متعددة الأجيال ...
الموعد بدأ الروايه ما اكدر انطي بالضبط لأن ان شاء لله عرسي نهاية شهر الـ 10 فـ حبيباتي اتوقع ورى عرسي ابدا بيها او قبله احفظوها بالمكتبه حتى أيي شي انزله يجيكم تنبيه ،
