كرونيك: ❤تزوجت _عسكري ❤

الحلقة الثالثة

الحلقة 3
المهم فات ليوم هذاك على خير كي كملت الحصة راحت اسيل عند صهيب قالتلو اول مرة دير حاجة مليحة فحياتك قاللها ياتسكتي ياوالله ماسلكتي معايا لخطرة هادي قالتلو خلاص تلعبهاش روحك راجل اامهم بقاو في بعضهم هكاك حتى عيطلها امين ريبوندات عليه وي عمري.... ايا جا صهيب موراها ويهدر دارها بلعاني قاللها اسيل نتي تاعي وحدي ايا سمعو امين تناك قاللها صار هكا تسما راكي دايرتني تحتياط برك هذاك ترندفي معاه ونا دايرتني فوقت فراغك ياق.... المهم بقا يبهدل فيها كلما كانت تحاول باش تفهمو هو يزيد يهبل وطيحلها فلكلام سمعها وسخ ودنيها قاللها ماعادش نحبك تزيدي تعيطيلي ووووو هي بقات تبكي وصهيب يضحك تمشي وتقول علاه ياربي كي قلت هذا هو حلالي وهذا لي نكمل معاه حياتي وهذا لي يولي بابات ولادي فلمستقبل زدت خسرتو علاه علاه علاه 😭😭 ايا ماكملتش قرايتها وروحت لدار قالتلها ماماها علاه جيتي بكري ليوم خزرت معاها اسيل وماجاوبتهاش ام اسيل مافهمت والو دخلت اسيل لبيتها موراخا امها قالتلها يك راكي مليحة بنتي قالتلها اسيل منيش مليحة ياماما تحيرت امها قالتلها شبيك..... قالتلها اسيل خلاص ماما ماعادش نروح نقرا
قالتلها امها علاه يابنتي
اسيل وهي تبكي. تعيشي ماما قتلك ماعادش نرجع لداك الليسي نحب نقعد فدار نخدم فخدمة الدار ونستنا مكتوبي
ام اسيل. لايابنتي نسمعلك فكلش غير فقرايتك مانسمحلكش تبطليها خرجت ام اسيل وخلات اسيل وحدها اسيل جابت الليل كل تبكي ناضت الصباح غسلت وجها ومشات تقرا بلا فطور