الحلقة 25
ام ادم: اوك رح نقلها قبل ماتروح
ادم: تعيشي امي حاولي تقنعيها
راحت ام ادم عيطت لام اسيل
مدام أمينة: انعم مدام
ام آدم: حبيت نقصدك في حاجة نتمنى ماترجعينيش
مدام امينة: تفضلتي اختي لعزيزة تعرفي بلي جامي نردك فحاجة
ام ادم: حبيت نقصدك فبنتك اسيل لولدي ادم
ام اسيل: خممت مع راسها وخي تعرف هادو الناس اكثر من 15سنة ناس طيبين وجامي زادو معاها بكلمة لا هي ولا ولدها.
ام اسيل: وش رح نقلك مدام انا منقدرش نقلك ايه ومانقدرش نقلك لالا القرار يرجع لبنتي اسيل هي لي تقرر
ام ادم نتمنى تقبل الحق الطفلة باهية وقارية ومتربية جامي لاسمعنا عليها حاجة
ام اسيل: انا نروح دركا ونحكي مع اسيل ولعشيا نردلكم لخبر
آدم ماكانش خايف بيسك متأكد بلي رح تقبل بيسك ديجا راه كسرها ولازم تقبل
المهم وصلت امها لدار لقات اسيل غايسة وتخمم ومقلقا
ام اسيل: بنتي شبيك تباني مقلقة
اسيل: اهلين ماما مافثتش كي دخلتي
ام اسيل: بنتي ارواحي نحتاجك نحب نحكي معاك
اسيل:!! زعما فاش تحكي معايا
ام اسيل: مهرفتش كيفاش نجيبهالك يابنتي مي حبيت نقلك بلي مدام سمية طلبتني فيك ليوم لولدها ادم
اسيل: صحيح اللي تحكي فيه! كانت تتوقع منو يروح ويخليها
ام اسيل: شبيك بنتي وعلاه نكذب عليك
مدام امينة بنتي مدام سمية مرا باهية وناسملاح متأكدة بلي رح تعيشي معاها خيار لعيش وزيد الطفل خدام ولباس عليه
اسيل: مدامو عجبك انتي ماما اكيد هو لي يناسبني اني قابلة وكانت متوترة خافت تفيقلها امها
عيطت مدام امينة لام آدم
ام آدم: فرحيني يعيش اختي
ام اسيل: رانا قابلين مدام
أنت تقرأ
كرونيك: ❤تزوجت _عسكري ❤
Cerita Pendekايااا عسولااااتي 😍🍯اتفاعلووو كرونيك بعنوان تزوجت عسكري #منقولة #باللهجةالجزائرية اسيل طفلة مزيانة تقرا فليسي عمرها 18سنة نروحو للبطل تاعنا لي هو سي آدم مرفه علخر ونيرفو وحنين عمرو 22سنة عسكري الحلقة 1 أسيل تقرا فليسي حياتها كل راحت قراية مديتها...
