فصلية الشيخ فهد🔞

بارت الـ23...

وكت خله النحبهم ماينشدون
علينه وعالرسايل مايردون
غرب بعيونهم صرنه ونسونه
ولاچنهم گبل همه الهوونه
نگول الله كريم شمايبعدون💙

..............................................

ماتخليت يوم من الايام اشوفها لولاها هيه جان اني صار بيه عمل يي والله

جعل كل الناس مثلها ومثل طيبة قلبها حمتني من متمردي وحسبتني بتها وضمتني عدها وتخاف عليه

عرفتوها منو لو لا؟؟

ضلينه نفتر من محل لمحل دخلت لمحل ونصدمت بلي شفته.....

شفت خاله نعيمه واكفه وتحجي ويه ابو المحل طبعاً المحلات الندخللها بيهم ملابس سود وصوتها شعلوه

وعبايتها الطايره وتحجي بعلو صوتها وهوه ابو المحل يضحك وياها باوعلي فهد وكال

فهد:- ولج هاي مو جنها نعيمه..

_ يي يي فهد خالتي نعيمه هاي..

_ بالله امشينه نشوفها..

_ استغربت والله من فهد  ،،  فهد انت تعرف شدتكول..

_ يي واذا على سالفتج بويه نتهت وعمره الظفر ما يطلع من اللحم..

_ يي والله  ،،  رحنه وكلتلها خااله نعيمه..

نعيمه:- يعع يعع فلك هاي غزيله يي والله غزلان هاااي يمممه بنيتي تعاي احبنج تعاي..

_ حضنتها وهيه ضلت تبوس بيه مثل بتها وتحجي وتدعي على فهد وهوه يضحك..

_ دهرر فرك شمسوي بيها يممه بنيتي خايب فهيددد الي وياك عركه جبيره..

فهد:- تدللين تفضلي ويانه هسه وعود تعركي..

_ جاا خايب انا جايتك بدون ما تكول طك قلبي على غزيله وبلكوه لكيت مجينكم..

_ حياج الله كل لهلا بنعيمه..

_ يمممه يمممه غزيله كبرت وراح تصير ام يبعددد چبـدي شكد عليج ولج..

_ خاله علي سادس وبيه ولد..

_ اللهم صلي على محمد بعد شتريد فهيد راح يجيك لاكبر  ،،  بس وجهج ماعاجبني كلشش..

_ طكيتها بجيه مثل الطفل من ياخذون من لعبته للحضات نسيت الفاجعه لصارتلي وذكرتني بيها خاله نعيمه...

_ يااا يمه اسم الله الرحمٰن شمالج خايبه خوفتيني..

فهد:- نعيمه هيه مو بس تخوف تجلط الواحد بس عاذرها انا لجن مو شوي مصيبتها...

نعيمه:- يععع فلك طرك خوفتني شنهي يا مصيبه...

_ نوصل للبيت وشربيلج استكانة جاي وكلشي اكلج مو هسه يرادلها كعده..

_ جاا خوش بس مو تغلس ادري بيك تغلس انت..

فهد:- لا ما اغلس  ،،  صدك نعيمه بشري شونه عادل ابن خالي..